
	*Midig: Raysal Wasaaraha Ku Xigeenka Turkiga, Bulent Arink, & Yuusuf Cabdi Gaboobe , Gudoomiyaha Haatuf ,ahna Tifatiraha Somalilandtimes HAATUFMEDIANETWORK May 17,2012*

Maxkamada Ciidanka Qaranka Oo Xukun Dil Iyo Xabsi Daa’in Ku Riday 22 Qof Oo Weerar Ku Qaaday Xero Ciidan, Tilmaantayna Inay Qirteen Dambigaasi

“Waxa Xusid Mudan In 22 Ka Uu Xukunku Ku Dhacay Ay Maxkamada Ka WadaQirteen Dambiga Lagu Soo Eedeeyey Oo Ah In Xerada Ciidanka Ay Soo Weerareen”Gudoomiyaha Maxkamada Ciidamada Kornayl Yuusuf Faarax Sharmaarke

Hargeysa, May 17, 2012 (Haatuf) – Maxkamada darajada Koowaad ee Ciidamada Qaranka ayaa shalay xukuno isugu jira dil iyo xabsi daa’in ku kala riday 22 qof oo ka mid ahaa koox dablay ah oo doraad subax weerar hubaysan ku soo qaaday Xerada Ciidanka ee Madaafiicda Goobta ee dhinaca bari ee magaalada Hargeysa, halkaas oo ay ku dileen 3 Askari oo ka tirsanaa Ciidanka Qaranka.Maxkamada Ciidamada Qaranka ayaa 17 qof oo ka mid ah 22-kaasi ku xukuntay Dil Toogasho ah, halka 5-ta kalena ay ku riday Xabsi daa’in, kadib markii sida ay sheegtay Maxkamadu ay qirteen weerarka ay ku qaadeen Xeradaasi ciidanka, isla markaana Markhaatiyo ku filan la hor keenay Maxkamada.

Haatufka Maanta

Waxay noqon doontaa Khiyaamo Qaran haybadii dawladnimona way lumi doontaa hadii nimankii doraad soo weeraray Ciidanka Qaranka abaalkood la marin waayo.60-kii nin ee BKM iyo Baasuukaha ka sinaa malaha Ciidanka intaa leeg baloodh kumuu dagaalamayne, tolow ma balaayo kale ayaa meesha ku jirta. Waxaase layaab leh dawladda Sirdoon iyo Salaadiinba leh ee ogaan wayday colka intaa leeg intii ay is urursanayeen ee ay u diyaargaroobayeen weerarka Ciidanka Qaranka.Walee hadaan midh midh loo soo qabqaban oon Maxkamad la hor keenin Qaranimada aynu sheeganaynaa waa bilaash, waxaana masuul ka noqon doona cida awooda gacanta ku haysa ee ka habrata qabqabashada Maleeshiyada kibirsan ee Qaranka ku soo duushay.

Yuusuf Cabdi Gaboobe Oo Ra’isal Wasaare Ku Xigeenka Turkiga Kala Hadlay Dheeli Tir La’aanta Ka Muuqata Xidhiidhkooda Soomaaliya Iyo Somaliland

“Waxaan 6 Saacadood Ku Xanib-Naa Madaarka Istanbul Ka Dib Markii Ay Saraakiisha Laanta Socdaalka Ee Madaarku Garanwaayeen Passport Somaliland Oo Aanay Hore U Arag”

Hargeysa, May 17, 2012 (Haatuf) - Guddoomiyaha Wargeyska Haatuf, isla markaana ah Tafatiraha Somaliland Times Yuusuf Cabdi Gaboobe oo socdaal dhawaan ku tagay Turkiga ayaa Ra’isal Wasaare ku xigeenka dalkaasi Mr Bulent Arinc kala hadlay dheelitir la’aanta ka muuqata xidhiidhka uu Turkigu la leeayahay Soomaaliya iyo Somaaliland.Yuusuf Cabdi Gaboobe oo Masuulka Turkiga ah kula kulmay shir 9-10/ 5/2012 lagu qabtay Caasimada dalka Turkiga oo ay ka soo qaybgaleen in ka badan 250 Suxufi oo ka kala socda dalalka Africa dhamaantood, waxa uu u sheegay in xidhiidhka Turkiga uu u janjeedho dhinaca Soomaaliya loona baahan yahay in la saxo,

Komishanka Oo Sheegay Inaanay Xukuumadu U Shubin Dhaqaalihii Ay Ku Qaban Lahaayeen Doorashooyinka , Meeshana Ka Saaray Astaamihii Musharixiinta Lagu Soo Dooranay

“Marka La Yidhaahdo 250 Musharax Midkasta Haloo Sameeyo Calaamadii Lagu Soo Dooranayay Warqadii Way Balaadhanaysaa, Waxaanu Ku Wadnaa Doorashada Intaanu Jiilaalku Soo Galin”Afhayeenka Komishanka Geelle

Hargeysa May 17, 2012 (Haatuf)-Komishanka doorashooyinka Qaranka Somaliland ayaa markii ugu horaysay shaaca ka qaaday inaanay xukuumadu wali u shubin dhaqaalihii ay ku qaban lahaayeen doorashada golayaasha deegaanada oo ay sheegeen inay dalka ka qabsoomi doonto dabayaaqada sanadkan 2012-ka,

SOHASCO Oo Kulan Wacyigelinta Tahriibta Ah Ku Qabtay Degmada Wajaale

Hargeysa, May 17, 2012 (Haatuf) - Ururka waddaniga ah ee SOHASCO, ayaa kulan wacyigelin ah oo ku saabsan dhibaatooyinka tahriibta iyo taakulaynta muhaajiriinta tabaalaysan ku qabtay shalay magaalo-xuduudda Tog-wajaale oo ka tirsan Gobolka Gabiley.Kulan-wacyigelineedkan oo uu fuliyey ururka SOHASCO oo kaashanayey hay’adda caalamiga ah, isla markaana maalgeliyeen dawladaha Maraykanka iyo Sweden oo lagu qabtay Dugsiga Hoose/dhexe Isra ee degmada Wajaale,

Madaxweyne Kasta Raadka Iyo Dhaxalka Uu Ka Tago Waxa Qayb Ka Ah Dadka Ku Xeeran

Cabdiraxman Cadami

Madaxweyne kasta marka la soo doorto ama sifa kaleba ku yimaado wuxuu kursiga ku fadhiistaa isaga oo rajo weyn ka qaba in uu noqon doono hogaamiye fiican ama guulaysta, wuxuu jecel yahay in uu wax ka bedelo heerka nolosha dadkiisa, wuxuu jecel yahay in uu ku dherersado ama uu baro dhaafiyo madaxweyneyaashi ka horeeyey kuwii ugu magac weynaa ee dalka soo mara, wuxuu doonayaa in uu raad iyo dhaxal ka tago taariikhda gala, isaguna magac iyo maamuus ka helo hase yeeshee madaxweyneyaasha qaarkood uma suurta gasho in ay xaqiijiyaan hindisayaashii iyo wixii ay laabta ku hayeen.

Ajaanibkii Dalka Laga Saaray Oo Dib Usoo Rogaal Celiyay Iyo W/Daakhilga Oo Ka Seexatay Dabagalka Go’aankii Lagu Mastaafuriyay

Hargeysa, May 17, 2012 (Haatuf) - Dadkii Ajaanibka ahaa ee Xukuumada Somaliland ay horaantii Bishii June 2011-kii ay dalka ka saartay, ayaa baryahan dambe dib ugu soo qulqulaya Caasimada dalka ee Hargeysa, gaar ahaan Qoomiyada Oromada ee dalka Itoobiya, kuwaas oo u badnaa dadkii Ajaanibka ahaa ee dalka laga saaray, oo suuqyada Caasimada ka dawarsan jiray iyo qaar ka shaqaysan jiray-ba.
Saddexdii bilood ee u dambeeyay ayaa dalka ay si xawliya ugu soo qulqulayeen dadkaasi hore dalka looga saaray oo u badnaa dadka Oromada ahaa ee ka soo haajiray dalka Itoobiya, kuwaas oo bishii ugu dambaysay faras magaalaha Hargeysa iyo xaafadaha kala duwan ee Caasimada lagu arkayay, iyagoo raxanraxan u socda suuqyada, isla markaana ah haween iyo caruur faraqyada is haysta.

Madaxwayne Siilaanyo Oo Ka Qaybgalay Aas Qaran Oo Shalay Hargaysa Loogu Sameeyey Mujaahid Axmed Maxamed Halac

Hargeys, May, 17, 2012 (Haatuf) – Alle ha u naxariistee Mujaahid Axmed Maxamed Halac ayaa aas Qaran shalay loogu sameeyey Magaaladda Hargeysa, kaas oo lagu aasay Xabaalaha Boqol Jire, isla markaana uu aaskiisa ka qaybgalay Masuuliyiin uu horkacayo Madaxwaynaha Somaliland Axmed Maxamed Maxamuud (Siilaanyo).Sidoo kale Maydka Marxuumka ayaa maalintii doraad laga keenay Dalka Sweden, halkaas oo uu todobaadkan horaantiisii ku geeriyooday, (AHN) Mujaahid Axmed Maxamed Halac ayaa ka mid ahaa saraakiishii ciidamada booliska Soomaaliya xilligii midowga Somaliland iyo Soomaaliya, kaas oo sidoo kale lagu xasuusto doorkii uu ka qaatay Halgankii ururkii xaq u dirirka ahaa ee SNM,

Hantida Guud Ee Qaranka

(Qalinka-Xaaji Saalix Al-Rashiidi)

(Public Property)
(Qalinka-Xaaji Saalix Al-Rashiidi)
- Qarnnimada Dalku, waxay mar-kastaba u baahan tahay Hanti iyo lahaansho saldhig u ah jiritaankeeda. Hantida Qaranku, waxay noqon karaan, laba nooc midhkood:-(a)- Hantida Guud ( Koowad), waa Hantida ku lug leh Jiritaanka Qarannimada, waana Hanti Asal ah ee mark-kasta loo baahan yahay, aan la gadi karin, la Beddeli karin, aan kala qaybsami Karin, Ganacsina aan geli Karin. Waa Hanti mar-guurto iyo lama beddelaan ah. Wax ka Beddelka Hantida noocaas ah, waxuu u baahan yahay sharci u gaar ah ee ka horreeya Fullinta iyo meel-marinta fikradda wax ka beddelidda u jeeddada iyo nuxurka Hantida guud ee Qaranka.

Joomitirada D/ Hoose Ee Berbera:Caqabad Hortaagan Dhismaha Iyo Fiditaanka Magaalada

Faalo: Weriye Maxamed Xaraggo

Magaalo-xeebeedda Berbera oo ah isha ugu muhiimsan ee guud ahaan dhaqaalaha dalka Jamhuuriyadda Somaliland ka soo xaroodo, ayaa labadii sano ee u danbeeyay ka soo kabatay dib-u-dhac ballaadhan, dayac iyo burbur ku habsaday dhawr iyo tobankii sannadood ee u dambeeyay, taas oo qarka u saarnayd inay isu bedesho bahalo-galeen ah.Darxumada iyo dayacaasi wuxuu sababay inay dadkii ehelka u ahaa uga hayaamaan dhinaca caasimadda Hargeysa iyo magaalada Burco,

Madaxweyne Ku Xigeenka Somaliland Oo Xadhiga Ka Jaray Dhisme Cusub Oo Lagu Kordhiyay Wasaarada Qorshaynta

Munaasibad xadhiga lagaga jarayay dhisme cusub oo lagu kordhiyay xaruunta wasaarada qoryshaynta qaranka Somaliland ayaa waxa kasoo qayb galay masuuliyiin uu horkacayo madaxeyne Ku xigeenka Somaliland C/raxmaan Ismaaciil C/laahi Saylici, wasiirka qorshaynta qaranka Dr Sacad Cali Shire, iyo Madaxa Hay’ada UNDP, ee Somaliland mr Steven. Dhismahan oo lagu kordhiyay wasaarada qorshaynta ayaa waxa maalgalintiisa ka qayb qaadahay hayada horumarinta qaramada midoobay ee UNDP. Xafladii xadhiga lagaga jarayay dhismaha lagu kordhiyay wasaarada qorshaynta waxa hadalo ka jeediyay madaxweyne ku xigeenka Somaliland C/raxmaan Saylici waxana uu ugu horeyn u mahad celiyay wasiirka wasaarada qorshaynta oo uu ku tilmaamay in uu hawl adag qabtay mudada labada sano ku dhow ee uu hayay xilka wasaarada qorshaynta,

Hotel Casri Ah Oo Laga Hirgalinayo Bada Hoosteeda Gobolka Bariga Dhexe

Hormarka laga samaynayo Technolgy-yada ayaa si xoogan ugu sii faafaya dunida labaad iyada oo gobolka bariga dhexe markii ugu horeysay laga hirgalinayo Hotel ku yaala badda gunteeda hoose. Shirkada Drydocks World oo ah shirkad xaga dayactirka iyo iibinta Gaadiidka badda iyo dhismayaasha ka hawl gashay oo laga leeyahay dalka iskutaga Imaaraadka Carabta, ayaa waxa ay soo bandhigtay naqshada Hoteel kamid ah kuwa ugu raaxda badan aduunka oo laga dhisay badda gunteeda hoose. Waxa ay heshiis la gaadhay shirkada BIG InvestConsult ee dalka Switzerland taas oo heysata xuquuqda technology-da dhismaha Hotelkan. Waxa Hotel-kan lagu magacaabaa “World Discus Hotel” waxana ku bixi doontaa qiimo lacageed oo dhan $ 2.2 bilyan,

Siirada Saxaabada Rasuulka (scw)

Taariikhda Asxaabiyada Weyn Ee Al Rabiic Binu Ziyaad Al Xaarithi (Q.2aad)

Muslimiintii oo helay hanti fara badan: Markii uu qaboobay dagaalkii, ayaa waxa ALl-Rabiic Binu Ziyaad oo ahaa hoggaamiyaha ciidanka u yimid guddoomiyihii degmada, isaga oo doonaya in uu bixiyo lacag furasho ah. Al-Rabiic ayaa ku yidhi “waan ku sii deenayaa haddaad muslimiinta u badiso lacagta furashada”. Guddoomiyihii degmada “imisaad doonaysaa?”. Al-Rabiic Binu Ziyaad “waxan dhulka ku qotominayaa warankan, dabadeedna waxaad korkiisa ku shubaysaa dahabka kiisa huruudka ah iyo fiddada ama qalinka ilaa aad ka qariso qarin”. Guddoomiyhii degmada wuxu yidhi “waan oggolahay”, wuxuna kaasafoortadiisa ka soo saaray dahabkii kala duwanaa, isaga oo warankii dhulka lagu qotomiyay korkiisa ku shubay jeer dahabkii ay qariyaan waranka.

Xidigaha Kubada Cagta Iyo Tababare Yaasha Caanka Ah Oo Qiimayta Ciyaartoyda Ku Saleeya Wadaniyad Jeclaysi La Muuqaal Ah Qabyaalada

Mudooyinkii u danbeeyay waxa si cad usoo if baxayay taageerada iyo nasab ku doorashada ciyaartoyda aduunka iyada oo xidigii hore kubada usoo maray, tababare yaasha iyo dadka magaca ku leh ciyaarta kubada cagtu ay si mutaxan taageero shakhsi ah ula garab istaagaan ciyaartoyda xiligan kubada ciyaarta ee kasoo jeeda dalkooda hooyo. Xidigaha Pele iyo Diego Maradona oo ah labada ciyaartoy ee aduunka ugu saamaynta badan ciyaarta kubada cagta ayaa waxa ay toos ah ugu ololeeyaan ciyaartoyda u nasab sheegta wadamada ay kasoo kala jeedaan ee Brazil iyo Argentina, waxa kale oo qaar kamid ah tababareyaasha kubada cagta oo si muuqata u taageera ciyaartoyda asal ahaan kasoo jeeda dalkooda hooyo.

Gool-hayahe David De Gea Oo Markii Ugu Horeysay Loogu Yeedhay Xulka Waaweyn Ee Spain In Uu U Safto

Gool hayaha kooxda Manchester United David De Gea ayaa marki ugu horeysay loogu yeedhay xulka waaweyn ee wadanka Spain oo kulamo saaxibtinimo la ciyaaridoona wadamada Serbia iyo South Korea. De Gea oo koobka dhalin yarada yurub uqaaday Spain ayaa ku biiray Manchester United waxana sanadkiisii koowaad si dirqi ah looga qaaday horyaalka England sidaas ayuuna ku muteystay in lamagacaabo. Atletico Madrid xidigaheeda Juanfran iyo Adrian Lopez ayaa sidoo kale markii ugu horeysay loogu yeedhay xulka Del Bosque ayaan 21-kan xidig ku darin xidigahga Barcelona iyo kuwa Athletic Bilbao madama ay 25-ka bishan ku kulmi doonaan Final-ka Copa del Rey.

Pirlo iyo Del Piero Oo Wada Jir U Diiday In La Xidho Funaanada Lambarka 10-aad Ee Juventus

Andrea Pirlo ayaa sheegay in uu ku raacsan yahay dalabka Allesandro Del Piero ee uu kaga codsaday Juventus in aan howlgab laga dhigin funaanadiisa labmarka 10-aad. Waxa la sheegay in kooxda Bainconeri ay qorsheyneysay in ay howlgab ka dhigto funaanada lambarka 10-aad ee uu soo xidhay mudada dheer ciyaartoyga loo aqoonsaday boqorka kooxda Juventu ee Del Piero, lakiin kabtan Del Piero ayaa ka soo horjeestay fekerkaas. “Waxan ku raacsanahay fekerka Alex” ayuu Pirlo u sheegay Sky Sport Italia. “Waa wax sax ah in aanan funaanada lambarka 10-aa laga dhigin howlgab” “Ciyaartoyda da’da yar waa in fursad loo siiyaa in ay ku riyoodaan in ay xidhaan numberkaas”

Cadadkii 2979

Milatariga Iyo Bileyska Oo Soo Bandhigay Hubkii Lagu Soo Weeraray Xerada Ciidanka Qaranka, Faahfaahina Ka Bixiyey Khasaaraha Ka Dhashay

“Ciidanka Qaranka Oo Nabad Ku Waa-Bariistay Oo Salaadii Subax Tukaday Ayaa Laba Jiho Laga Soo Weeraray, Waxaana Lagu Riday Hub Noockasta Oo Dadku Qaadi Karo” Gen. Shaqale

Hargeysa, May, 16, 2012 (Haatuf) – Taliyeyaasha Ciidamada Qaranka ee Milatariga iyo Bileyska Genaral Ismaaciil Maxamed Shaqale iyo C/laahi Fadal Iimaan ayaa faahfaahin ka bixiyey Weerar dablay hubaysani ay ku soo qaadeen shalay Subax Xerada Madaafiicda Goobta ee duleedka Bari ee Magaalada Hargeysa, halkaas oo uu ka dhashay Khasaare Dhimasho iyo Dhaawacba leh.
Weerarka ay Maleeshiyo beeleedka Hubaysani ku soo ekeeyeen Warshadii hore ee Kabista ee Xerada Madaafiicda Goobta ee xaafadda New Hargeysa, ayaa waxa ku dhintay 3 ka mid ah Ciidanka Qaranka Somaliland iyo 2 qof oo ka mid ah kooxdii weerarka soo qaaday iyo Haweenay Rasaastii la is-waydaarsanayey ay haleeshay,

Dhago-Wayne Oo Ka Sheekeeyey Waayo Soo Kala Maray Madaxwayne Siilaanyo Wakhtigii Ay Mabda’a Kulmiye Ku Midaysnaayeen

Hargeysa, May, 16, 2012 (Haatuf) – Guddoomiyaha urur Siyaasadeedkii Hadhay ee UDHIS Mujaahid Ibraahim C/laahi Xuseen (Dhago-Weyne) ayaa eedayn wayn u jeediyey Madaxwayne Axmed Siilaanyo, kaas oo daaha ka rogay Sirro Uu sheegay inuu ka helay Madaxwaynaha wakhtigii ay Mabda´a Kulmiye Ku Midaysnaayeen.Ibraahim Dhagawayne waxa uu sheegay inuu mar Madaxwayne Siilaanyo kala hadlay waxa laga yeeli doono Golaha Guurtida ee wakhtigoodii sharciyadu Muda dhaafay, kaas oo tilmaamay inuu Madaxwayne Siilaanyo ku yidhi wakhtigaas iska daa marka aynu talada dalka ku guulaysano ayeynu ku shaqaysan doonaaye.

U Diyaar Garowga Xuska Maalinta Madaxbanaanida S/land Iyo Dhalinyaro Suuq Ka Helay Tolida Iyo Iibinta Calanka

Hargeysa, May 16, 2012 (Haatuf) – Maalinta Jimcaha oo Wadd inaga xigo ayaa la filayaa in Bulshada Somaliland ee ku dhaqan dalka gudihiisa iyo dibadiisuba ay si weyn ugu soo dareeraan dabaal daga xuska sanadguurada 21aad ee ka soo wareegtay maalintii Somaliland ay Madaxbanaanideeda kala soo noqotay Somalia.Xuskan oo sanadwalba loo dabaal dago maalinta ay taariikhdu ku beegan tahay 18-ka bisha May, ayaa si weyn looga dareemaa u diyaargarowga Munaasibadaasi gobolada dalka iyo dalalka dibadaha todobaadyo ka hor inta aan la gaadhin maalinta xusku dhacayo, kuwaas oo iibsada Calamo iyo Boodhadh muujinaya qiimaha ay maalintani u leedahay.

Wasiir Duur Maba’diida Uu Ka Aaminsanaa Saxaafada Xilligii Uu Ka Tirsanaa Baarlamaanka

Hargeysa, May 16, 2012 (Haatuf) - Wasiirka arrimaha gudaha Somaliland Maxamed Nuur Caraale (Duur) ayaa lagu tilmaamaa muddadii sanadka ahayd ee uu xilka ka hayay masuul habdhaqano xadhig iyo cago juglayn iskugu jira u adegsada Suxufiyiinta ka hawlgala Warbaahinmta Madaxbanaan, kaas oo muddadii lixda sanadood iyo dheeraadka ahayd ee uu ka tirsanaa Golaha Wakiilada ahaa mudane si weyn ugu dhawdhawaa warbaahinta iyo Suxufiyiinta ka hawlgalada, islamarkaana ka mid ahaa xildhibaanada inta badan ka qaylin jiray tacadiyada iyo cabudhinta lagula kaco Suxufiyiinta iyo Madaxbanaanida Distooriga ah ee Saxaafadana u doodi jiray,

W/Waxbarashada Oo Qirtay Kartida Masuuliyiinta Dawlada Ee G/Saaxil, Sheegtayna In Dugsiyada Berbera Horumar Lagu Sameeyay

“Berberi waxay nasiib u heshay 4 masuul oo meel kaliya u wada jeeda, oo hagar la’aan waxbarashada ula shaqeeya” marwo SamsamCabdi Aadan waraysi khaasa

Hargeysa, May 16, 2012 (Haatuf) - Wasiirka Waxbarashada marwo Samsam Cabdi Aadan ayaa sheegtay in horumar balaadhani uu ka hirgalay magaalo madaxda gobolka Saaxil ee Berbera, kuna sababaysay wada shaqaynta masuuliyiinta dawlada ee gobolkaasi inay yihiin ul iyo diirkeed, waxaanay marwo Samsam intaa ku dartay in Badhasaabka gobolka Saaxil Maxamed Ramaax, Maayarka Berbera Cabdalle Maxamed Carab, Maareeyaha Dekadda Cali Xoor-xoor iyo xoghayaha dawlada hoose Cali ay taageero weyn siiyaan Macalimiinta iyo Ardayda waax ka barata dugsiyada gobolkaasi.

Wasiira Dawlaha Dastuurka Somalia Oo Shakhsiyaad Ka Socda Xafiiska Faroole Ku Tilmaamay Ergadii Beelaha Puntland Ee Ka Baxay Shirka Xamar

Muqdisho, May 16, 2012 (W.Wararka) – Diyaarad Gaar ah ayaa shalay subax ka qaaday Garoonka Magaalada Muqdisho badi odayaashii dhaqanka Beelaha Puntland uga qeyb galayey shirkii odayaasha beelaha Soomaaliya uga socday magaalada Muqdisho ee lagu soo xulayey ergooyinka ansixinaya dastuurka Somalia yeelan doono.Xildhibaan Daahir C/qaadir Ciiro oo ka mid ah mudaneyaasha Baarlamanka Somalia ayaa sheegay in Odaayashaas oo gaadhayey in ka badan 20 xubnood ay shalay ka duuleen magaalada Muqdisho, iyaga oo dib ugu laabtay magaalada Garoowe ee xarunta maamul goboleedka Puntland oo ay ka yimaadeen.

Olole Nadaafadeed Oo Laga Fuliyey Magaalada Berbera

Berbera, May 16, 2012, (Haatuf) – Olole balaadhan oo nadaafadeed ayaa maalintii shalay laga fuliyay qaybo badan oo kamid ah Magaalada Berbera, ololahan oo ay soo abaabuleen Maamulka Dowlada hoose ayaa socday intii u dhaxaysay 7: 00 subaxnimo ilaa iyo 10:00-kii barqonimo.Ololahan oo qayb ka ah diyaargarowga Xuska munaasibada sanadguurada 21-aad ee kazoo wareegtay Maalintii Magaalada Burco lagaga dhawaaqay go’aankii (Gooni isu taaga Somaliland) kazoo baxay shirkii aayo ka tashiga Beelaha Somaliland oo ku began 18-ka May 2012.

Sheekh Shariif Oo Hadal Ka Jeediyey Shir QM Ku Yeeshay New York

New York, May 16, 2012 (W.Wararka) - Madaxweynaha dowladda KMG Soomaaliya sheikh shariif Sheekh Axmed oo ka qeyb galaya kulanka golaha amaanka Qaramada Midoobay ku leeyihiin Magaalada New York ee dalka Maraykanka ayaa waxa uu halkaasi ka jeediyay hadal ku saabsan arimaha Somalia.Sheekh Shariif Sheekh Axmed oo ka mid ahaa masuuliyiintii Khudbadaha halkaasi ka jeediyey ayaa ugu horeyn waxa uu ka hadlay sida dowladda KMG Soomaaliya ay isugu howleyso dar dar galinta Qorshaha Roadmap-ka iyo sida dowladda KMG looga saari lahaa marxalada KMG ee ay haatan ku shaqeyso.

Midowga Yurub Oo Markii Ugu Horeysay Burcad Badeeda Ku Duqeeyay Berriga Somaliya

BRUSSELS, May 16, 2012 (W.Wararka) - War lagu daabacay bog ay Midowga Yurub ku leeyihiin internet-ka ayaa lagu sheegay in weerar ay aroornimadii saakay diyaarado dagaal oo Midowga Yurub ay leeyihiin ka fuliyeen barriga Soomaaliya ay ku baa bi’iyeen sahay ay lahaayeen burcad badeeda Soomaalida.Inkastoo howlgalka la sheegay in waqti hore oo subaxnimadii saakay ah uu dhacay hadana warbixinta maxusin meesha sida gaarka ah uu uga dhacay iyo baaxadda khasaaro ee sahayda la sheegay in burcad badeedu lahaayeen gaartay.Dhinaca kale Taliyaha howlgalka Atlanta ee la dagaalanka burcad badeeda ayaa carabka ku dhuftay in weerarkaasi uu qayb ka ahaa howlgalladda ka dhanka ah burcad badeeda gaar ahaan qeybtiisa lagala dagaalamayay xagga barriga,

Waxyaabaha Loo Gargaarsado Ka Takhalusida Caashaqa

Waynaanta arinta Caashaqu iyo adkaanta ka tagidiisu maaha wax cudur daar leh iyo wax aan la helayn dhibaato kastaana waxay leedahay dawo, laakiin dawadu ma anfacdo qofka aan sideedi u qaadan ama u isticmaalin, qofka ay ku dhacdo dhibaatadanina wuu ka bogsanayaa hadii dawadu siday tahay u qaata, inta taagina ku dadaala lana yimaada waxa laga doonayo, isagoo bartilmaameedkiisu u xadidan yahay, hadii kale dhibaatadu waxa laga yaaba in ay ku sii badato.
Ibnu Qiyam (I.H.N) waxa uu yidhi:- Dawo waxa la siiya qofkii ka aqbalaya, qofka se wax kale ku dara waa khasaare, waxanu tilmaami doona waxyaabihii loo kaashanayay ka takhalusida caashaqa.

Wiil Loo Xidhay Shil Chemical Oo Ka Dhacay Iskuul, Kuna Dhaawacmeen Arday Iyo Macalin

Wiil Ciyaala Iskuul ah Iyo Macalin u dhashay Imaarada Abu Dhabi ayaa Cusbitaal loo dhigay maalintii shalay kadib markii ay ku neef qabatoobeen walxo Chemical ah oo dareere ah oo u raacay Hawada oo meel u dhow fasalkooda uu ku farsamaynayey Arday Kale, taas oo sababtay Cabsi iyo in la xidho Dugsigaasi.Wax yar ka dib markii shilkaasi dhacay ayay Ciidamada Bileysku xidheen Wiil Ciyaala Iskuul ah oo isagu ka shaqaynayey walxahaasi dareeraha ah ee Chemicals-ka ah oo hawada u raacay Fasal ka ag dhawaa goobtii wiilkaasi uu farsamaynayey Chemicals-kaasi, xili maamulaha qolka Labka ah ee Dugsiga Bani-Yas Secondary School ee Musaffah ku yaala uu Magaaladaasi dibada uga maqnaa.

Siirada Saxaabada Rasuulka (scw)

Taariikhda Asxaabiyada Weyn Ee Al Rabiic Binu Ziyaad Al Xaarithi (Q.2aad)

Madaxii Muhaajir oo la gooyay, lagana soo laalaadiyay meel sare: Intaa kadib, wuxu Muhaajir seeftiisa kala soo baxay galkeedii, sidii ayuuna ku galay dagaalkii. Wuxu seeftiisii ku kala beeray safafkii dagaalka, wuxuna billaabay in uu si geesinimo leh oo aan cabsi ku jirin uu dhulka u dhigo gaalladii uu la dagaalamayay. Inkasta oo uu Muhaajir muujiyay wacdarradaas weyn, haddana waxa markii danbe korkiisa dhinac weliba ka haleeshay seefihii iyo warmihii ay soo tuurayeen gaallada, ilaa markii danbe uu dhulka ku dhaco isaga oo dangiigan oo meyd ah. Dhinaca kale, waxay gaalladii si aan naxariis lahayn u soo goosteen madaxii Muhaajir, waxayna ka soo laa-laadiyeen meel sare oo goobta dagaalka ka mid ahayd.

Alex Ferguson Oo Taalabo Hore Ugu Qaaday Sidii Uu Kooxda Dib Ugu Soo Dhisi Lahaa Iyo Evra Oo Taageero La Garab Istaagay

Kadib guushii u soo hoyahaytay kooxda ka dhisan magaalada Manchester ee Manchester, ee Manchester City, oo todobaadkan horaantiisii ku guulaysatay horyaalka Ingiriiska ee Englisha Premier League-ga oo ay sugaysay mudo 44-sano ah, ayaa durba waxa xanuun dareentay kooxdii guulaha isdaba jooga ah ka gaadhi jirtay horyaalka ee Manchester United. Kooxda uu hogaamiyo Ferguson ee Manchester United ayaa durba samaysay dhaq dhaqaayo ay ku doonayso ciyaartoy kooxda kusoo biira iyada oo masuuliyeenteedu ay ka qayb galeen ciiyaartii Finalka koobka jarmalka ee Dortmund koobka ku qaaday si ay usoo daawadaan ciyaartoyda ay is leeyihiin way idiin fiican yihiin.

“Kompany Waa Xidigii Ugu Waynaa Ee Ay Abid Soo Iibsato Manchester City”Alan Hansen’

Halyaygii hore ee kooxda Liverpool Alan Hansen ayaa muujiyay sida uu ula dhacsan yahay saameynta difaaca Vincent Kompany uu ku yeeshay qadiyada ay Manchester City ku qaaday horyaalka Ingiriiska.Hansen ayaa ku qoray wargayska The Telegraph ‘’ciyaaryahan Kompany oo 6 milyan oo gini ugu kacay kooxda Manchester City wuxu muujiyay sababta uu u yahay difaacii ugu wanaagsanaa ee abid soo mara tan iyo waayihii English Premier horyaalka loo bixiyay 1992-kii. Hansen ayaa ku doodaya in ay khalad ahayd in ay laacibkan ka ilduufaan jamciyaadka ay leeyihiin dadka ciyaaraha wax ka qora oo aan abaalmarinadoodii laacibkan ku xusin.

Messi Oo Ku Guulaystay Abaal Marinta Kabaha Dahabka Ah Ee Horyaalada Yurub

Xidiga sanadka ee kooxda Barcelona Lionel Messi ayaa ku guulaystay abaalmarinta kabta dahabka ee gool dhaliyaha horyaalada yurub, kadib markii uu 50-gool ka dhaliyay horyaalka La Liga. Halka uu kaalinta labaad ka galay Ronaldo oo u ciyaara kooxda Real Madrid, oo dhaliyay 46-gool kaalinta sadexaad waxa soo fadhiistay gool dhaliyaha Arsenal Roben Van Persie oo dhaliyay 30-gool kaalinta afraad waxa soo fadhiistay K. Huntelaar 29-gool dhaliyay una ciyaara kooxda Shalke ee dalka Jarmalka,

Cadadkii 2978

Xubno Ka Soo Jeeda S/land Oo U Tahriibay Shirka Xamar Uga Socda Madaxdhaqameedyada Somalia Oo Ka Cabanaya In Saamigoodii La Musuqmaasuqay, Sheegayna In Ergadoodu Ka Bixi Doonto Kulankaasi

Muqdisho, May 15, 2012 (Haatuf) – Madaxdhaqameedyo ka soo jeeda Somaliland oo dhawaan u Suudalay Muqdisho si ay uga qaybgalaan shirka Madaxdhaqameedyada Somalia uga socda magaaladaasi, ayaa ku hanjabay inay ergadooda kala bixi doonaan shirka odayaasha dhaqanka hadii aan wax laga qaban Musuqmaasuqa lagu sameeyey saamigii ay lahaayeen Beelaha Somaliland, sida ay hadalka u dhigeen.Madaxdhaqameedkan oo isugu jira Odayaal, waxgarad iyo siyaasiyiin u dhashay Somaliland oo dhawaan u socdaalay dalka Somalia ayaa shalay kulan ku yeeshay magaalada Muqdisho,

Gudida Joogtada Baarlamaanka Oo La Sheegay In La Kala Diri Doono Kadib Markii Ay Ka Baaqsadeen Gudashada Waajibaadka Ay U Igmanaayeen

Hargeysa, May 15, 2012 (Haatuf) - Guddiga Joogtada iyo Anshaxa Golaha Wakiilada Somaliland oo muddadii bil iyo dheeraadka ahayd ee Gole-weynuhu fasaxa ahaa aan wax fadhiya yeelanin, isla markaana ka baaqsaday hawshii ay Golahooda ugu igmanaayeen, ayaa la sheegay in Shirgudoonka Golaha Wakiiladu ay ka fiirsanayaan sidii ay isbadal isku shaandhayn ah ay ugu samayn lahaayeen xubnaha guddiga joogtada oo tiradooda guud ay ka kooban tahay 18 xubnood.
Ma jiro war cad oo ka soo baxay Shirgudoonka Wakiilada oo faahfaahin ka bixinaya kala dirista guddigaasi joogtada,

Maayar Jiciir Oo Eryey 23 Ciyaartoy, Iskuna Duubay Mushaharkii Yaraa Ee Ay Ka Qaadan Jireen D/ Hoose Iyo Wasiirka Ciyaaraha Oo Ka Hadlay Cabashadooda

Hargeysa, May 15, 2012 (Haatuf) – Maayarka Caasimadda Eng. Xuseen Maxamuud Jiciir ayaa soo saaray amar uu Mushaharkii kaga joojinayo dhawr iyo labaatan Ciyaartoy oo ka tirsanaa kooxda dawladda hoose ee Hargeysa, kuwaas oo mudo 10 sano ku dhaw ku ciyaarayey magaca dawladda hoose ee Caasimadda.Sida ay Wargeyska Haatuf u xaqiijiyeen xubno ka mid ah Ciyaartoyga Maayar Jiciir ayaa dhawaan soo saaray warqad qoraal ah oo ku wargalinayo Ciyaartoyga dawladda hoose, kaas oo Amarkan Maayarka Hargeysa Mr. Jiciir,

In ka badan 60 Madaxdhaqmeedka Beelaha Subeer Awal Oo Shalay Iskugu Yimid Kulan Ay Kaga Wada hadlayeen Doorkooda Adkaynta Nabadgalyada Dalka

Hargeysa, May 15, 2012 (Haatuf) – In ka badan 60 Xubnood oo isugu jira Salaadiin, boqoro iyo cuqaal ka soo jeeda beelaha Subeer Awal ayaa isugu yimid shalay Kulan ballaadhan oo qado iyo is barasho, kulankaas oo ka qabsoomay Hotel Crown ee Magaalada Hargeysa.Kulankan ay Madaxdhaqmeedyadaasi iskugu yimaadeen oo ay soo qaban qaabiyeen salaadiinta iyo madax dhaqameedka beesha Sacad Muuse ayaa ahaa mid ujeedadiisu ahayd is barasho dhex marta guud ahaan madaxdhaqameedka beelaha Subeer Awal oo isaga kala yimid gobolada Togdheer,

Maraykanka Oo Tababar Siinaya Ciidamo Yugaandhiis Ah Oo Somalia Ka Hawlgali Doona

Kakola, Uganda, May 15, 2012 (W.Wararka) – La Taliyeyaal dhinaca Milatariga ah oo Maraykan ah oo hore casharo iyo tababaro uga soo bixiyey Ciraq iyo Afghanistan ayaa maalmihii u dambeeyey si weyn ugu hawlanaa tababaro ku saabsan dhinaca Milatariga oo ay Siinayaan Ciidamo Yugaandhiis ah oo ka hawlgali doona Somalia si ay ula dagaalamaan Al-shabaab.Horaantii Sanadkan ayaa koox yar oo ka tirsan Marines-ka Maraykanku ay heshiis tababar kula galeen Saldhig ku yaala dalka Uganda si ciidamo Midawga Afrika ka tirsan oo Somalia loo diri doono ay u tababari lahaayeen, iyadoo kooxda xidhiidhka soke la leh Alqacida ee Al-shabaab ay aad awoodoodii loo diciifiyey.

Somaliland: Suxufi Sagaal Saacadood U Xidhnaa Sawir Uu Qaaday

Hargeysa, Somaliland, May 15, 2012 (Haatuf) – Suxufi ka tirsan Wargeyska Saxafi ayaa maalintii shalay muddo sagaal saacadood ah ugu xidhnaa xarunta Laanta Dambi-Baadhista Bileyska (CID) ee magaalada Hargeysa, kadib markii uu Sawir ka qaaday saddexda masuul ee u xidhan raashin la leexsaday kuwaas oo shalay dacwadooda lagu dhegaysanayay Maxkamadda gobolka Hargeysa.
Cabdifataax Maxamuud Caydiid, oo ah Guddoomiyaha Shabakadda Warbaahinta ee Saxafi Media Network, ayaa xabsiga loo taxaabay kadib markii Taliyaha Laanta Baadhista Dambiyada ee Bileysku amar ku bixiyay in la qabto,

Ardayad Dhigata Jaamacadda Gollis Oo Ku Guulaysatay Inay Qorto Buug Loogu Wanqalay Qiimaha Ay Waxbarashadu U Leedahay Hablaha

Hargeysa, May 15, 2012 (Haatuf) - Xaflad si weyn loo soo agaasimay oo lagu daahfurayey Buug ay qortay Niciima Faysal Maxamuud oo ka tirsan Ardayda wax kabarata Jaamacada Gollis oo ay soo qaban qaabisay isla jaamacada Gollis ayaa Habeen hore lagu qabtay Summer Time Restaurent ee magaalada Hargeysa, waxaana ka soo qayb galay Xafladaas masuuliyiinta, macalimiinta iyo ardayda Jaamacadda Gollis, xildhibaano, xubno ka socday hay’adda Care International, Abwaano iyo martisharaf kale oo tiro badan.

Safarkii Mahadhada Lahaa

Jamal Abdi Muhumed (Mahdi)

Waa arooryo hore oo ay sii kala Sahay qaadanayaan Qoraxda iyo Daxayu. Hada ayuunbuu shaacu soo cadaanayaa waa wakhti aad dirqi ku kala garan karto Geedka iyo Ruuxa waayo habeenkaasi waxa uu ahaa Gudcur 15aad ah, Goorsheegtu waxa ay Caga-cagaynaysaa 3:15 Am Habeenimo. Wakhtigan waxa aan kasii baxayaa Gurigaya oo kuyaal Hargaysa gaar ahaan xaafada Xidigta waxa an usii xadhko xidhanayaa Goob miyi ah waxaanaan rabaa inaan gaadhiga oo aan anigu wade ka ahay aan cagaha u saaro jidka taga magaalada Berbera, laso Gaadhi waa Lancrusal 4w, waxaanse wadada kaga baydhayaa Tuulada Abdaal oon uuga kacayo Koonfur Quman.

Wada Tashiga Iyo Islaamka

Shuuradu waa mabda islaami ah oo weyn oo aan lagu soo koobi Karin halkan, laakin waxan tilmaamayaa qaybo kamid ah.
Alle (swc) waxa uu amray nabigiisa (scw) in uu la tashado asxaabtiisa, Alle wax uu ku amaanay muminiinta in ay wada tashadaan .Wada tashigu kuma koobna arrimaha siyaasadda iyo dawladda oo kaliya, ee arrimaha qoyska muslimka waa lagama maarmaan tusaalle markii hooyadu ay ka goynayso ilmaha naaska in ay ka wada tashtaan iyada iyo odeygeedu weeye. Sidoo kale,

Siirada Saxaabada Rasuulka (scw)

Taariikhda Asxaabiyada Weyn Ee Al Rabiic Binu Ziyaad Al Xaarithi Q.1aad

Waxay ahayd goor ay magaalladii Rasuulka (scw) ee Madiina ayna weli ilaawin murugadii kaga timid geeridii khaliifkii muslimiinta ee Abuubakar Assiddiiq Allaha ka raalli noqdee. Waxay ahayd xilli ay wufuuddii ka kala imanayay jihooyinkii kala duwanaa, si ay u doortaan Cumar Binu Khadaab, iyaga oo ballan kula galaya in ay siiyaan maqal iyo aqbalitaan wakhti kasta oo lagu jiro.Haddaba, goor subax ay tahay ayaa waxa Amiiral-mu’iniinkii cusbaa u soo galay wafdi ka yimid Baxrayn, waxa wafdigaas la socday kooxo kale oo iyagana la socday wafdiga.

Real Madrid Oo 100 Dhibcood Ku Qaaday Horyaalka La Liga+Manchester City Oo Premier League-ga Ku Hanatay 1-Daqiiqo Iyo 8-gool Iyo Juventus Oo Ku Guulaysatay Horyaalka Serie-A-da Markeedii 28-aad Kadib Sanado Fadeexad Iyo Ganaaxyo Ay Hadheeyeen

Kooxda Real Madrid ayaa horyaalkeedii 32aad ee La Liga ku qaaday 100 dhibcood, iyada oo noqday kooxdii ugu horeysay ee gaadha 100 dhibcood hal xilli ciyaareed, ka dib markii kulan keedii ugu danbeeyay ay 4-1 ku jiidhay kooxda Real Mallorca. Real Madrid oo xaqiijisatay horyaalka Spain todobaadkii hore ayaa kulankii Axadii ku soo gabagabeysay guul islamarkaana kula dabaaldegtay garoon Bernabeu goolal ay u kala dhaliyeen Ronaldo, Benzema iyo labo gool oo uu dhaliyay Mesut Ozil. Kooxda lagu naanayso Los Blancos Real ayaa noqotay kooxdii ugu horeysay ee badisa 32 kulan oo horyaalka ah hal xilli ciyaareed islamarkaana horyaalka La Liga ku qaada 100 dhibcood.

Hogaamiyayaasha Ururada Wadani, Gurmad, Horyaal Iyo NDB Oo La Sheegay In Shirar Hoose Oo Wadatashi Ay U Socdaan

Hargeysa, May 15, 2012 (Haatuf)-Masuuliyiinta iyo taageerayaasha ururada Horyaal, Gurmad iyo NDB oo ka mid ahaa sagaalkii urur ee guddiga diiwaangalinta ururada iyo ansixinta Axsaabta siyaasadu ay ku sheegeen in qiimayntii shuruudaha ay ku hadheen, ayaa la sheegay inay qorshaynayaan sidii ay ula midoob lahaayeen urur siyaasadeedka Wadani, oo ka mid ah lixda urur siyaasadeed ee ku gudbay qiimayntii lagu sameeyay.

Cadadkii 2976

Dr C/Shakuur Cali Jawhar Oo Ku Geeriyooday Shil Baabuur Oo Ka Dhacay Wadada Dila Iyo Boorama U Dhaxaysa Iyo Madaxweyne Siilaanyo Oo Ku Tilmaamay Aqoonyahan Qiimo Weyn Ugu Fadhiyey Qaranka S/land

Hargeysa, May 13, 2012 (Haatuf) – Alle ha u Naxariistee Dr C/shakuur Sheekh Cali Jawhar ayaa shalay ku geeriyooday shil baabuur oo ka dhacay wadada Dila iyo Boorama u dhaxaysa xili uu ku sii jeeday Magaalada Boorama, ayaa waxa kale oo shilkaasi dhaawac ka soo gaadhay Xaaskiisa Nimco Muxumed Maxamuud.Marxuum Dr. Cabdishakuur Cali Jawhar ayaa waxa uu Kaalin weyn ka soo qaatay dib u dhiska Somaliland gaar ahaan wax ka qabashada Cudurada Dhimirka, waxaanu muddooyinkan dambe ku sugnaa magaalada Hargeysa oo uu gacanta ku hayey mashruuc lagu hirgalinayo Cusbitaal lagu daweeyo dadka xanuunka dhimirka qaba,

Haatufka Maanta

Ninkii Sheekh Shariif Faruuryo cade waa yaabe malaha ma oga in xiligiisii expire noqday oo nimankii kursiga waagii hore ku fadhiisiyey ay hadda ka jeesteen oo ay wataan sawir kale oo lagu bedalayo, isaguna waxoogaagii uu ururiyey waatan oo waxa ay kaga baxaysaa korodhsiimo uu ka doonayo Salaadiin Shaambo xayraan ah inta uu Xamar shir ugu qabto ku yidhaahdo shan sano ii cusboonaysiiya.
Oo horta ninka ma waxbaa u dhiman saw tii loo sheegay in wakhti loo kordhiyo iyo kursi dambe oo lagu fadhiisiyo aanu jiri doonin, ee uu dib ugu biiro xertii Jawhar ee uu ka tirsanaan jiray ama uu dal shisheeye magan galyo siyaasadeed waydiisto sida ninkii ka horeeyey ee C/laahi Yuusuf. Adeer xerowgan yaa ku yidhaa ha isku buuqin oo ha ka cadhaysiin AMISOM-tan aad Muqdisho maganta ugu tahay.

Tirada Dhalinyarada Ciyaaraha Hidaha Iyo Dhaqanka Ku Shaqaysta Oo Kordhay, Suuq Xaami Ahna Ka Helay Ururadii Siyaasada

“Tirada Aanu Tababarnayna Waxa Ay Gaadhayaan 260, Ciyaaraha Ugu Caansan Ee Aan Ku Tababaray Waxa Ka Mid Ah Dhaantada Iyo Saylicida” C/raxmaan Ganay

Warbixin : Ahmed Cige

Hargeysa, May 24, 2012 (Haatuf) - Tirada Kooxaha Dhalinyarada ah ee Xafladaha iyo Munaasibadaha la isugu yimaado ku soo bandhiga Ciyaaraha Hidaha iyo Dhaqanka ayaa sanadkii u dambeeyey si xawli ah usoo kordhayey, kuwaas oo Xafladaha kala duwan ee ka qabsooma Hargeysa ku soo bandhiga Ciyaaro iyo Heesho ka turjumaya hidaha iyo Dhaqanka Soomaalida.
Kooxahan ayaa la sheegay in sanadihii hore tiradoodu aad u yaray, hase yeeshee sanadkii u dambeeyey ay tiradoodu kor u dhaaftay 500 dhalinyaro Wiilal iyo Gabdho isugu jira, kuwaas oo si weyn ugu dhiiraday inay samaystaan Kooxo ka hawlgala munaasibadaha iyo Xafladaha oo ku soo bandhiga Suugaan iyo Ciyaar dhaqameed u badan Saylici iyo Dhaanto noocyo kala duwan leh,

Milicsiga Weedhaha Madaxweyne Siilaanyo Ee Taariikhda Ku Suntan Iyo Munaasibadihii Kala Duwanaa Ee Uu Ka Jeediyay

Hargeysa, May 14, 2012 (Haatuf) - Madaxweynaha Somaliland Axmed Maxamed Maxamuud Siilaanyo oo lagu tilmaamo Ruug-cadaa Siyaasadeed oo balaaqad Aftahanimo dheeraada Alle u siiyay Khudbadaha uu Saaxada Siyaasadeed iyo Saxaafada ka jeediyo, gaar ahaana xilliyadii uu Halgankii SNM horseedka ka ahayd ee lagu xoraynayay dalkana lahaa Kalmado Tisqaaday oo Taariikhda ku Suntan, isla markaana shacbiga reer Somaliland Maskaxdooda xusuus weyn ku reebay. Ayaa Sidoo kale waxa jiray, Weedho Mahadhooyin gaara lahaa oo Madaxdweyne Siilaanyo 21-kii sanadood ee Madaxbanaanida Somaliland ay jirtay uu ka yidhi, Fagaarayaasha Siyaasada wakhtiyo kala duwan oo intooda badani ay noqdeen Weedho Tisqaaday oo lagu xasuusto.

Wasiirka Cadaaladda Oo Ha’yaddaha Garsoorka Amar Ku Siiyay Dhaqan Gelinta Cashuur Cusub

Hargeysa, May 15, 2012 (Haatuf) - Wasiirka Wasaarada Cadaaladda Somaliland Xuseen Axmed Caydiid ayaa shalay soo saaray wareegto uu ku amrayo hay’adaha kala duwan ee garsoorka in la dhaqan galiyo Cashuurta ku dhejinta tigidhada oo dhawaan wasaaradda Maaliyaddu ku dhawaaqday in la meel-mariyo.Wasiir Xuseen Axmed waxa uu wareegtadiisan ku amray dhamaan Ha’yadaha garsoorka iyo xafiisyada Nootaayooyinka iyo xafiisyada qareenada iyo xafiisyada dhulka iyo Guryaha inay dhaqan galiyaan cashuurta ku dhajinta tigidhada, Waxaanu Wasiirku ku soo saaray meel marinta Cashuurtan xeer Wasiir oo u dhignaa sidan:- “Wasiirka Wasaaradda Cadaaladdu,

QM Oo Heshiis Is Faham (Mou) Oo Xuquuqda Aadamaha Ah La Saxeexatay TFG-Da Somalia

Muqdisho, May 14, 2012 (W.Wararka) – Dawladda TFG-da Somalia iyo Xafiiska Xuquuqda Aadamaha ee Qaramada Midoobay ayaa shalay kala saxeexday Heshiis is faham iyo mid farsamo oo ay kaga wada shaqeeyaan arrimaha xuquuqda Aadamaha ka dhanka ah ee Somalia.Raysal Wasaaraha Somalia Cabdiwali Cali Maxamed ayaa sheegay in dawladiisu ay ka shaqayn doonto sidii kor loogu qaadi lahaa, isla markaana loo ilaalin lahaa xuquuqda aadamaha, inkasta oo dastuurka Somalia ay ku jirto qodobo xuquuqda aadamaha ku saabsan. Ayaa sidoo kale waxa uu beesha ugu baaqay in Somalia laga caawiyo hanaanka maamulka iyo dib u dhiska wadanka iyo shuruucda dalkiisa oo ay burburiyeen dagaalo sokeeyo oo daba dheeraaday.

Suldaan Hore Xabsiga Loogu Taxaabay Isaga Oo Madashii Lagu Caleemo Saarayey Ku Sii Jeeda Oo Shalay Dib Loo Caleemo Saaray

Hargeysa, May 15, 2012 (Haatuf) - Suldaan Cawil Maxamed Fiiqle oo ciidamada Bileyska Magaaladda Hargeysa todobaadkii hore isaga oo ku sii socda Hutel Shiraaqle oo lagu caleemo saarayey ay xabsiga u taxaabeen ayaa shalay si rasmiya loogu caleemo saaray, isla goobtii maalintii hore xafladiisu ka baaqatay.
Suldaan Cawil Maxamed Fiiqle ayaa loo caleemo saaray inuu noqdo Suldaanka guud ee beesha Danwadaago oo ka mid ah beesha Salaxlay ee Koonfurta Magaaladda Hargeysa, kaas oo lagu caleemo saaray xaflad balaadhan oo loogu qabtay Hotel Shiraaqle ee Magaaladd Hargeysa, waxaana ka qayb-galay Munaasibadiisa Madax-dhaqameed, Odayaal, siyaasiyiin iyo dad kale oo badan, kuwaasi oo soo dhaweeyay Suldaanka cusub.

Xeer-Ilaaliyaha Guud Ee Qaranku Wuxu Mujiyay Yididiilo Ku Dayasho Mudan

W/Q: Garyaqaan: Mohamed Muse Jama (Amiin)

Sidaynu wada ogsoonahay dalkeena kama jiraan fursado shaqo oo aad u badani xukuumad kasta oo xilka la wareegtaana ma samayso qorshe lagu jihaynayo kumanaanka kun ee sanad walba ka soo qalin jabinaya jaamacadaha iyo koolajyadda kala duwan ee ku yaala jamhuuriyada somaliland.Haddii aad u kuur gasho xaqiiqada dhabta ah e haysata ardayda ka qalinjabisa jaamacadaha waxaad ogaanaysaa in dalka ay ka jirto camal la,aan xumi,

Siyaarada Sheekh Isaxaaq Oo Shalay Si Balaadhan Loogu Xusay Xarunta Ansaarudiin Sunna Waljamaaca Ee Hargeysa

Hargeysa, May 14, 2012 (Haatuf) - Siyaaradii Sheekh Isaxaaq Binu Axmed ayaa shalay si balaadhan looga xusay Xarunta Ansaaudiin Sunna Waljamaaca ee Caasimada Somaliland ee Hargeysa, xuska siyaarada Sheekh Isaxaaq oo ay soo qabanqaabiyeen Culimada Ansaarudiin Suuna waljamaaca ayaa waxa ka soo qaybgalay Culimo badan iyo dadweyne farabadan oo reer Somaliland, kuwaas oo halkaas ka muujiyay Qasaa’idka iyo Siirada Sheekh Isaxaaq iyo Taariikhda faca weyn ee uu Sheekh Isaxaaq lahaa waxaana halkaasi nuxurka ujeedada siyaarada Sheekh Isaxaaq ka jeediyay Sheekh Cabdiraxmaan Yaasiin Jaamac oo ah Iimaanka Masjid Jamaaca Hargeysa,

BOGA TACSIYADAHA

“أنا لله وأنا إليه راجعون”

Gudoomiyaha Haatuf Media Network, Yuusuf Cabdi Gaboobe, Tifaftiraha Haatuf Axmed Cali Cige, C/laahi Xasan Budul, Maxamed Ibraahim Sagax, Naasir Aadan Maxamed, Maxamed Cumar Jibriil, Khaalid Baashe Cabdi Gaboobe, C/fataax Sheekh Nuux Jaamac, Mustafe Aw Xamse (Awliyo), C/raxmaan Maxamed Aadan, Cabdi Cumar (Bayle), Yuusuf Xaaji Maxamed Mire (Qurbaawi).
Dhamaan Bahda Wargeysa Haatuf waxa ay tacsi u dirayaan Qoyskii, Ehelkii iyo guud ahaan Shacabka Somaliland Geerida ku timid Marxuum Dr Cabdishakuur Sheekh Cali Jawhar, waxaanay ilaahay Marxuumka uga baryayaan inuu naxariistii jano ka waraabiyo.
Aamiin Aamiin Aamiin

Macaanka Iimaanka

Haddaad mar hore dhadhamisay macaanka iimaanka, laakiin aad waayahan dareemi la'dayhay, ogow in aad ka tagtay wax wanaagsan oo aad sameyn jirtay, oo ku dhadhansiiyey macaanka iimaankaas. Qoraalkan waxan ugu tala galay sidii marlabaad aad usoo ceshan leheyd macaanka imaanka eed soo dhadhamisay. Maanta waxan halkan isku xasuusineynaa sidii aan ku hanan laheyn macaanka iimaanka haddaan marlabaad ku guuleysanno inaan dhadhamino, iyo sidaan ku xaqiijin laheyn macaankaas. Dadka bartay cabbidda khamriga, ama daroogada oo dhadhansada , wexey ku dadaalaan sidey mar walba dareenkaas u heli lahaayeen, wexeyna u huraan wax walba si ay dareenkaas u gaadhaan ayagoo og inuu u jar ka tuurayo, ama inuu halaagayo. Waxaa kaloo la soo wariyey in Bilaal Ibnu Rabaax,

Siirada Saxaabada Rasuulka (scw)

Taariikhda Abii Daalib oo Nabiga “N.N.K.H” adeer u ahaa Q.1aad

Abii-daalib wuxu ahaa Nabiga SCW adeerkiisii soo koriyey toban sanano difaacayey oo qureysh uga biqi jirtey, muddo badanna ay odeyaashii qureysheed ku soo noqnoqdeen iyaga oo uga dacwoonaya Rasuulka SCW dhibaatooyin badanna ka soo gaadheen difaaciddii Nabiga SCW iyada oo sababta uu u difaacayeyna ahayd ficilo qabiil iyo in aan wiilkuu adeerka u yahay lagu xad gudbin intuu nool yahay.Tobanka sano ee uu Rasuulka SCW difaacayey muu qaadan islaamka isaga oo ujeeda in uu xaq yahay oo xitaa gabay ku sheegay in islaamku yahay diin xaq ah sababta uu u rumeyna waxay ahayd Ilaah oo aan la damcin hanuunka.Sannadkii 10aad ee soo diridii Rasuulka SCW markay cunaqabatayntii dhammaatay ka dib ayuu Abii-dhaalib xanuunsaday,

Barcelona Oo Xili Ciyaareedkii 2011-12 Ku Sagootiday Barbaro Kadib Markii Uu Gool Xili Danbe Yimid U Dhaliyay Seydou Keita

Kooxda Barcelona ayaa kulankeedii ugu danbeeyay horyaalka La Liga ku dhamaysatay bareejo 2 iyo 2 ah oo ay la gashay Kooxda Real betis oo ay kula ciyaareeysay garoonkooda kadib gool soo xili danbe dhashay oo ayay bareejo ku heshay. Ciyaaryahanka Sergio Busquests ayaa daqiiqadii 9 u dhiibay kooxdiisa hogaanka ciyaarta ayads oo sidaa lagu kala nastay qeybtii hore ee ciyaarta. Qeybtii labaad ee ciyarta ayaa waxa calaamada Casaanka la siiyay oo garoonka laga saaray Ciyaariyahanka reer Brazil Dani Alves waxana jaaniskaas ka faa’deestay Ciyaariyahanka Martin oo 3 daqiiqo gudaheeda 2 Gool kaga dhaliyay Barcelona daqiiqdihii 71 iyo 74 intaa kadib Ciyaariyahanka Reer Maali Seydou Keita ayaa Daqiiqadii 90 goolka Barbarada u dhaliyay Kooxdiisa .

Raul Gonzalez Oo Si Rasmi Ah Ugu Biiray Kooxda Reer Qatar Ee Al Sadd

Weeraryahankii hore ee kooxda Real Madrid Raul Gonzalez ayaa ku biiraya kooxda Al Sadd ee dalka Qatar ka dib markii uu ka tago kooxda Schalke 04 dhamaadka xili ciyaareedkan. “kooxda Al Sadd waxa ay qaban doonta shir jaraa’id oo ay ku soo bandhigi doonaan Raul Gonzalez ka dib marka ay la wareegnay ciyaaryahanka oo u ciyaari doona laga bilaabo xilli ciyaareedka 2012-13″ sidaa waxa lagu yidhi warbixin la soo dhigay website-ka kooxda Al Sadd, soo kaalinta seddexaad ku dhameystay koobkii Club World Cup bishii December. “Raul waxa uu yimid Doha waxana uu daawaday ciyaartii finalka ee Emir Cup ee u dhaxeysay Al Sadd iyo Al Gharafa ee ka dhacday Khalifa Internation Stadium”

Fernando Llorente: “Waxan Ka Hortagi Doonaa Barcelona Anaga Oo Aan Wax Cabsi Ah Qabin Finalka Copa del Rey”

Inkasta oo kooxda Athletic Bilbao ay khasaarisay fursadii ay ku hanan lahayd koobka Europa League kadib markii kooxda Atletico Madrid ku garaacday 3-0 hadana ciyaartogan reer Spain ayaa aaminsan in aanay kooxdiisu wax baqdin ah ka qabin kulanka Barcelona, waxa kale oo uu sheegay in kooxdiisu ay dhinac isakaga duwi doonto murugadii kasoo gaadhay guuldaradii Europa League isla markaana ay wax kabaran doonaan khaladaadkii ay galeen. “Waxaa jira cadaadis badan intii ay ciyaartu socotay, laakiin Atletico way xaliyeen taas” ayuu saxaafada u sheegay Fernando Llorente. “Dhibku waxa uu ahaa waxay ku bilaabeen dardar, isla markiina waxa ay keeneen gool. Waxanan haysanay fursado aan ku barbarayn karnay, hase yeeshee markii ay noqotay 2-0 waan sii diciifnay waxana cadaatay in ay guulaysteen.

Cadadkii 2975

Abaanduulaha Ciidamada Qaranka Oo Kooxda Khaatumo Seeg Iyo Garaadada Ay Duufsadeen Ee U Tahriibay Xamar Uga Digay Inay Ku Khamaaraan Masiirka Dhulbahante

“Danaha Ma-Guuraanka Ee Shacbiga Dhulabahante Ma Yaalaan Xamar Iyo Sh. Shariifka Aydin Ka Garab Heesaysaan, Hargeysa Ayaan Cadaalad La’aan Uga Haajirayaa Oo Somalia Ayaan Doorbidayaa Maangal Maaha” Kornayl C/Llaahi Calas

Hargeysa, May 13, 2012 (Haatuf) - Abaanduulaha Ciidamada Qaranka Somaliland Cabdillaahi Xaaji Jaamac Calas ayaa kooxda Khaatumo Seeg ee uu hogaamiyo Cali Khaliif Galaydh iyo Garaadada Dhulbahante ee magaalada Muqdisho ee Somalia ku sugan ku eedeeyay in masiirka beesha Dhulbahante ee Somaliland ay majaro habaabiyeen, waxaanu cadeeyay in Aayo ka tashiga Somaliland ee gobollada Sool iyo Buuhoodle aan loo xawili karin Somalia, waxaanu intaa ku daray inaan danaha guud ee beelaha Dhulbahante aanay oolin magaalada Muqdisho, balse tilmaamay in maslaxadoodu taalo Caasimada Somaliland ee Hargeysa,

Faysal Cali Waraabe Oo Maanta Socdaal Ugu Baxaya Maraykanka, Kana Hadlay Kulan Ay Madaxweyne Siilaanyo Yeesheen

Hargeysa, May 13, 2012 (Haatuf) – Guddoomiyaha Xisbiga Mucaaridka ah ee UCID Eng. Faysal Cali Xuseen oo maanta ka ambabaxaya Madaarka Berbera, si uu uga qaybalo xuska Sanad guurada 21-aad ee Madaxbanaanida Somaliland ee 18-Ka May oo sanadkan lagu wado in Xus wayn loogu qabto xarunta dalka Maraykan ee Washington ayaa ka hadlay waxa uu kala socdo warar sheegay in hadii labada xubnood ee Somaliland ka soo jeeday uu guddida Wada-hadalada Somaliland iyo Soomaaliya uu ka saaro Madaxwaynaha TFG-du Sh. Shariif in loo magacaabi doono Guddoomiyaha Guddida Wada-hadaladaas uga qaybagalaysa Somaliland,

Madaxweyne Siilaanyo Oo Furay 10Km Oo Ka Mid Ah Wadada Isku Xidha Dila Iyo Boorama

Boorama, May 13, 2012 (Haatuf) - Madaxweynaha Somaliland Axmed Maxamed Siilaanyo oo ay weheliyaan ku dhawaad 8 wasiir iyo Wasiir ku xigeeno ayaa furay 10Km ka mid ah waddada isku xidha degmooyinka Dilla iyo Boorama oo dhowaan la dhisay.Labada degmo ee Dilla iyo Boorama oo isku jira 30Km ayaa waxaa 4 kilometer oo ka mid ah dhismaha la dhameeyay hirgeliyay Xukuumada Madaxweyne Siilaanyo, halka 6-da kale ay dhiseen ASARDA oo ah urur dhismaha waddooyinka Gobolada Awdal iyo Salal qaabilsan oo ay leeyihiin bulshada gobolka Awdal.

Wasiirka Macdanta Iyo Biyaha Oo Wasiir Samaale Ku Wareejiyay Lacag Ka Badan Nus Milyan Dollar Oo Ay Bixisay Shirkad Hawlo Shidaal Qodis Ah Ka Bilaabi Doonta Dhawaan S/land

Hargeysa, May, 13, 2012 (Haatuf) - Wasiirka Wasaarada Macdanta, Tamarta iyo Biyaha ee Somaliland Eng. Xuseen Cabdi Ducaale ayaa shalay Wasiirka Maalliyada ku wareejiyey lacag dhan 579,79500(Shan boqol, sagaalyo todobaatan kun, todoba boqol, shanyo sagaashan kun oo doolar) taas oo ka soo xarootay heshiis ay Wasaarada Macdanta iyo Biyuhu la gashay shirkada Ophir oo ka shaqays dhinaca Macdan qodista.Wasiir Xuseen Cabdi Ducaale ayaa intii aanu lacagta ku wareejin Mr. Samaale waxa uu sheegay inay lacagtaasi ka soo xarootay heshiiska ay la galeen shirkada Macdanta ee Ophir,

Wasiir Duur Oo Sheegay In Guddi Baadhis Loo Saaray Musuqmaasuqa Lagu Tuhunsan Yahay Maayarka Boorama

Boorama, May 13, 2012 (Haatuf) - Wasiirka Wasaarada Arrimaha Gudaha Somaliland Maxamed Nuur Carraale (Duur) ayaa shalay shir albaabadu u xidhan yihiin la yeeshay xubnaha golaha deegaanka degmada Boorama ee xarunta gobolka Awdal.Kulankan oo aan warbaahinta loo ogolayn ayaa la sheegay in xubnaha golaha deegaanku wasiirka uga warameen waxyaabaha ay ku dhaliilsan yihiin Maayarka Boorama Cabdiraxmaan Shide Bille oo ay hore maamuus ka xayuubin ugu sameeyeen,

Codsi Bulsho Iyo Cafis Madaxweyne Ha Lagu Sii Daayo Xamarji, Xerta Kale Iyo Boqor Cismaan Buurmadow

Cabdilahi Cali Xassan John, Liverpool, UK

Tan iyo markii Xukumadda Madaxweyne Axmed Siilaanyo shacabka reer Somaliland hogaanka dalka u doorteen waxaa ka soo wareegtey laba sano iyo kow iyo toban bilood, hadaba madaxweynaha Jamhuuriyadda Somaliland baahidda shacabka reer Somaliland u qabey shaqaalaysiintiisa iyo siddii uu wax uga qaban lahaa dhamaan baahiyahii jirey waa qaar aan lagu hungoobin oo waxbadan uu ka qabtay, inkasta oo dhisidda iyo qabyo tiridda nidaamka Dowladnimo iyo baahiyaha yaaley ahaayeen qaar aan shan sanno iyo toban sanno toonna lagu wadda saxi Karin,

Guddiga Joogtada Golaha Guurtida Oo Wasiirada Qorshaynta Iyo Waxbarashada Ka Dalbaday Inay Horyimaadaan

Hargeysa, May 13, 2012 (Haatuf)-Guddiga Joogtada Golaha Guurtida Somaliland ayaa shalay qoraalo rasmiya oo yeedhmo ah u kala diray Wasiirada Qoshaynta Qaranka Sacad Cali Shire iyo Waxbarashada iyo Tacliinta Sare Marwo Samsam Cabdi Aadan, kuwaas oo la sheegay in qoraalada ay u kala direen Wasiiradaasi ujeedadoodu ay salka ku hayso sidii xog-waraysiyo ay ugala yeelan lahaayeen hawlaha Qaranka ay u hayaan.Sida ay Haatuf u xaqiijiyeen ilo xogogaal ah oo u dhuun-daloola xubnaha guddiga joogtada golaha Guurtida,

Ururka Badbaado Oo Ku Biiray Wadani Iyo Nuxurka Khudbadii Guddoomiyaha Ururkaasi Ka Jeediyey Madasha

Hargeysa, May 13, 2012 (Haatuf) -Labada Urur-siyaasadeed ee WADDANI iyo Badbaado, ayaa shalay shaaca ka qaaday inay si rasmi ah midoobeen, isla markaana isla qaateen magaca Urur Siyaasadeedja Wadani oo ku soo baxay marxaladii lagu kala shaandhaynayay ururadii is diiwaangeliyay.Xaflad loo sameeyey midawga labada Urur ee WADDANI iyo Badbaado oo shalay lagu qabtay Huteelka Ambassador ee Magaalada Hargeysa, waxa ka soo qaybgalay Hoggaanka labada Urur ee WADDANI iyo BAD-BAADO, Xildhibaanno Golaha Wakiillada Somaliland ka tirsan,

Gabadh Ciyaal Iskuul Ah Oo 4 Wiil Oo Ay Isku Dugi Ahaayeen Garaaceen, Macalimiinteedana Ku Eedaysay Inay Ku Daawadeen

Gabadh yar oo Ciyaala Iskuul ah oo u dhalatay dalka Imaaraadka Carabta ayay xaalad Caafimaad oo darani ay soo wajahadkay, isla markaana Cusbitaal ugu gashay saddex todobaad ka hor markii ay garaaceen 4 Wiil oo ay isku iskuul ahaayeen, taas oo sidoo kale sheegtay in macalimiinteedii ay ku daawanayeen markii Ardaydaasi ay garaacayeen.Lujain Hussein ayaa intaasi ku dartay in Afartaasi Wiil ee ay isku Dugsiga yihiin ay laag la ula dhaceen sidii qalabka ay caruurtu ku yaarto oo kale, xili ay ku guddo jireen Nusa-saacihii iskuul gaar loo leeyahay oo ku yaala Abu Dhabi, halkaas oo kormeerayaashu aanay xageeda sooba jaleecin,

Kakha Kaladze Oo Ka Fadhiistay Ciyaaraha Kubada Cagta Kuna Biiray Siyaasada Wadankiisa

Daafaca kooxda Genoa Kakha Kaladze ayaa ku dhawaaqay inuu ka fadhiistay ciyaarta Kubada Cagta islamarkaana uu ku biiri doono siyaasada wadankiisa Georgia.“Waxaan doonayaa inaan idiin sheego ka dib 18 sanno oo aan kubada cagta ciyaarayay inaan go’aansaday inaan ka fadhsiito” ayuu yidhi.
“Waa inaan u mahadceliyaa Genoa, Milan iyo dhamaan taageerayaasha iyo ciyaartoydii aan soo wada ciyaarnay. Waxaan bilaabi doonaa nolol cusub oo dhanka siyaasada ah.

Kulankii Manchester Derby Oo Loo Doortay Is-aragii Ugu Fiicnaa 20kii Sanno Oo Uu Jiray Premier League

Kulankii Manchester derby ee ka dhacay Old Trafford September 2009 ayaa loogu codeeyay ciyaartii ugu fiicneyd Premier League mudadii 20ka sanno aheyd ee uu jiray.Manchester United ayaa 4-3 kaga badisay Manchester City kulankaas lama ilaawaanka ah, iyadoo Michael Owen uu dhaliyay goolka guusha xilli danbe.
Sir Alex Ferguson, ayaa kulankaasi ka dib isagoo ku faraxsanaa guushii ay gaareen waxa uu ku tilmaamay kulankii ugu fiicnaa abid ee Manchester derby, lakiin haatan oo horyaalka Ingariiska uu u dabaaldegayo sannadguuradii 20aad ee markii loo bixiyay Premier League kulankaas waxaa loogu codeeyay kulankii ugu fiicnaa.

Mark Van Bommel Oo Noqday Ciyaaryahankii Ugu Danbeeyay Ee Ku Dhawaaqa Inuu Milan Ka Tagayo

Mark van Bommel ayaa ku dhawaaqay inuu ka tagi doono AC Milan dhamaadka xilli ciyaareedkan islamarkaana uu ku laaban doono kooxdiisii hore PSV.
Ciyaaryahanka reer Holland ayaa Rossoneri kaga soo biiray Bayern Munich Janaayo 2011, waxaana uu heshiis hal sanno haatan u saxiixi doonaa kooxda PSV Eindhoven. Isagoo warkaan ku xaqiijiyay shir jaraa’id oo uu goordhow qabtay waxa uu 35 jirkaan yiri: “Waxaan ku laaban doonaa Holland waxaan u ciyaari doonaa PSV”Van Bommel ayaa mudadii uu la joogay Rossoneri ku riyaaqay waxaana uu xilli ciyaareedkii hore kula guuleystay heshiis horyaalka Serie A, waxaana la rumeysan yahay in Milan ay u soo bandhigtay heshiis hal sanno ah oo uu ku qaadano 2 milyan euro.

AC Milan Oo Xaqiijisay Inay La Soo Wareegtay Laacibka Fiorentina Riccardo Montolivo

Milan ayaa xaqiiisay in ciyaaryahanka kooxda Fiorentina Riccardo Montolivo uu sida beeca xorta ah ugu soo wareegi doono xagaaga marka uu furmo suuqa kala iibsiga ciyaartoyda.“Xilli ciyaareedka soo socda Montolivo ayaa inoo imaan doona, waa ciyaaryahan tayo leh islamarkaana leh qaab ciyaareed farsamo ku dhisan” ayuu yiri tababare Massimiliano Allegri oo u waramayay TV-ga kooxda Milan.Tababaraha ayaa warkaan ku dhawaaqay wax yar ka hor inta aan la gaarin shirkiisa jaraa’id ee uu maanta ku balansanaa.

Cadadkii 2974

Caruurta Dugsiyada S/land Tagta Oo Lagu Qiyaasay 55%, Ardayda Hoose Oo Fasalada BuuxDhaafiyey Iyo Wasiirka Waxbarashada Oo Waalidiinta

Ku Dhiirigalisay Inay Ubadkooda Iskuulada U Diraan "Fasaladu Way Buuxaan Lamana Kala Qaybin Karo Ardayda Oo Ma Jiraan Miisas Ku Filan” Naasir Jaamac Bulaale, Maamulaha Iskuulka Faadumo Biixi Ee Hargeisa

Hargeysa, May 10, 2012 (AFP/Haatuf) – Wasiirka Waxbarashada Somaliland Samsam Cabdi Aadan ayaa sheegtay in Caruurta reer Somaliland ee dugsiyada tagta lagu qiyaasay ku dhawaad 50 ilaa 55 boqolkiiba, waxaanay tilmaantay in waalidiinta looga baahan yahay inay Caruurtooda u diraan Iskuulada.
Marwo Samsam ayaa waxa ay intaasi ku dartay in Somaliland ay isku dayeyso sidii ay u noqon lahayd wadan awood leh oo ka faa’iidaysta muruqa dadkiisa.
Wasiirka Waxbarashadu waxa ay sidaasi ku sheegtay mar ay u warantay Wakaalada Wararka ee AFP oo warbixin ay ka diyaarisay Waxbarashada Somaliland,

UDUB Oo La Sheegay Inuu Qarka U Saaran Yahay Inuu Ka Hadho Doorashooyinka Golayaasha Deegaanka Iyo Muran Ka Taagan Sharciyada Cidda Hogaaminaysa

Hargeysa, May 11, 2012 (Haatuf) - Xisbiga mucaaridka ah ee UDUB oo ahaa Xisbigii ugu horeeyay ee lagaga dhawaaqo Somaliland, isla markaana uu aasaasay Aabihii Somaliland Marxuum Maxamed Xaaji Ibraahim Cigaal, oo lagu dhawaaqay bishii October 2001-dii, ayaa khilaaf culus oo ka dhex taagan wakhtigan xaadirka ah hogaanka sare ee xisbigaasi, gaar ahaan gudoomiyaha Daahir Rayaale Kaahin iyo guddoomiye ku xigeenkiisa Axmed Yuusuf Yaasiin, oo sidoo kale xukuumadii hore isku ahaa Madaxweyne iyo Madaxweyne ku xigeen ayaa laga cabsi qabaa in khilaafkoodaasi xisbiga UDUB gayaysiiyo burbur dhaxal siin kara in tartanka doorashooyinka golayaasha deegaanada ee la filayo inay dalka ka qabsoomaan dabayaaqada sanadkan 2012-ka

Suldaan Madashii Lagu Caleemo Saarayey Ku Sii Socda Oo Bileysku Xabsiga U Taxaabeen Iyo Beeshiisii Oo Sawirkiisa Caleemo Saartay

“Caleemi Saari Mayno Kursi Madhan, Kuwa Dabadhilifka Ah Ee Caado Qaatayaasha Ee Doonaya Inay Reeraha Isku Diraan Waxaanu Aqbalayno Maaha Arintaasi” Boqor Raabi

Hargeysa, May 10, 2012 (Haatuf) - Ciidamadda bilayska Somaliland ayaa shalay xabsiga u taxaabay Cawil Maxamed Fiiqle oo wakhtigaas ku sii socday Xafladii Suldaanka loogu caleemo saari lahaa, taas oo ka qabsoomaysay Hutel Shiraaqle ee Magaaladda Hargeysa.Sidoo kale Bulshadii Hutelkaas ku sugnayd ee ka soo qaybgashay Caleema saarka Cawil Maxamed ayey arin amakaag ah ku noqotay, markii ay ogaadeen in Suldaanka ay Caleemo saarkiisa u fadhiyaan xabsiga loo taxaabay, isla markaana ay taasi ku kaliftay in Cawil Maxamed Fiiqle oo maqan la caleemo saaro sawirkiisana lagu dhajiyo Kursi, ka dib ay dadwaynihii xafladaas ka soo qaybgalay ay madashaas kaga dhawaaqeen in Suldaankooda oo Jeelka ku jira ay ku Caleemo saaraan halkaas.

Suuqyada Hargeysa Oo Khaati Ka Taagan Lo’ Iyo D/Hoose Oo Amarkii Ay Ka Soo Saartay Socon Waayey

Hargeysa, May 11, 2012 (Haatuf) - Suuqyada Caasimada Hargeysa ayaa la ciir-ciiraya Lo’ dhex saqaafta jidadka iyo goobaha qashinka lagu qubo, kuwaas oo indhahaagu qabanayaan Hadh iyo Habeen iyaga oo fadhiya ama Socda jidadka iyo goobaha xashiiska Caasimada laga qaadayo lagu sii ururiyo, iyadoo sidoo kalena ay subaxda hore ku soo dareenaan boqolaal Riyo ah oo raxan raxan u socda, kuwaas oo wax ay cunaan ka raadsada goobaha Xero Hadhuudha, Suuqyada Khudrada iyo Meelaha Qashinka oo mar marka qaar ay weheliyaan Ey iyo Dameero Qashinka la daaqa.

Maamul Goboleedka Puntland Oo La Sheegay Inay Xabsiga U Taxaabeen Afhayeenka Kooxda Khaatumo Seeg Iyo Madaxdhaqmeed Muqdisho Ku Sii Jeeday

Gaalkacayo, May 10, 2012 (W.Wararka) – Maamul goboleedka Puntland ayaa shalay la sheegay inay xabsiga dhigeen Afhayeenka Maamul ku sheega Khaatumo seeg ee dhawaan lagaga dhawaaqay degmada Taleex ee gobolka Sool ee Somaliland Cumar Jaamac Saleebaan.Afhayeenka Khaatumo Mr. Cumar Jaamac ayaa waxa sidoo kale lala xidhay 7 qof oo kale, kuwaasi oo ay ka mid yihiin Madax-dhaqameed iyo odayaal kale oo doonayey inay ka dhoofaan Madaarka Diyaaradaha ee Magaaladda Gaalkacayo ee maamul goboleedka Puntland, si ay u tagaan Magaaladda Muqdisho ee uu ka socdo shirka lagu ansixinayo Distuurka Qabyo qoraalka ee Soomaaliya.

Gabadh 15 Jir Saudi Ah Oo Geeriyootay Wax Yar Ka dib Markii Dugsigeedu Ku Wargaliyey Inay Dhamaysay Xifdiga Qur’aanka

Gadh yar oo 15 ah oo u dhalatay dalka Saudi-ga ayaa u dhimatay xanuun aan la garanayn maalin ka hor markii Dugsigii ay dhiganaysay ugu bushaareeyey in ay dhamaysay xifdiga Qur’aanka Kariimka Ah, Taas oo wax yar ka hor dhimashadeeda waalidkeed u sheegtay inay gaadhay guushii ay muddo sugaysay ee Xifdinta Qur’aanka.Gabadhan ayaa ka timid magaalada Caasimada ah ee Riyadh iyada oo Dugsigeeda u sheegaysa inay diyaar u tahay ka qaybgalka Xaflada ku balansan inay dhacdo maalinta Khamiista ah, Balse gabadhan ayaa maalintii Arbacadii loola cararay Cusbitaal iyada oo ay la soo daristay Xumad iyo Dareenka oo ka tagay jidhkeeda qaybo ka mid ah ka hor intii aan lagu dhawaaqin inay dhimatay.

Siirada Saxaabada Rasuulka (scw)

Taariikhda Asxaabiyada Weyn Ee AL-BARAA BINU MAALIK AL-ANSAARI (Q.2aad)

Tusaalihii geesinimo ee saxaabada:Waxaynu arkaynaa Thabit Binu Qays oo sida calankii Ansaarta oo isu diyaarinaya geeri iyo dhimmasho, isaga oo xidhay kafankii meydka. Wuxu qotay godkii lagu aasi lahaa, dabadeedna wuxu labadiisii dhudhun ku aasay godkii, isaga oo ku sugnaaday goobtaas. Sidaas ayuu ahaa oo ugu dagaalamayay ilaa markii danbe laga dilay isaga oo shahiid ah. Sidoo kale waxaynu kale oo arkaynaa Zeyd Binu Cumar Binu Al-Khadaab oo ahaa Cumar Binu Al-Khadaab walaalkiis oo u dhawaaqaya muslimiinta isagoo leh “dadyahoow goowsihiina qaniina, laayana cadoowgiina, horeyna u sii socda.., dadyahoow, wallaahi ayaan ku dhaartaye hadli maayo wixii odhaahdaydan ka dambeeya jeer laga jebiyo ciidmada Musaylamata ama aan Eebbe kala kulmo,

88 Jir Reer Thailand Ah Oo Noqday Ardaygii Ugu Weynaa Ee Qaata Shahaado Jaamacadeed

Sa-nguan Sunthornwong oo ah 88 jir udhashay wadanka Thailand ayaa noqday ardaygii ugu da’da weynaa aduunka ee qaata shahaadada jaamacada
Kadib 12 sano oo uu ahaa arday ka tirsan Jaamacada Sukhothai Thammathirat Open University ee degmada Song Phi Nong oo ku taalada Koonfurta wadanka Thailand ayuu mr Sa-nguan ka diyaariyay digriiga jaamacada. Bangkok Post ayaa qortay in ninkan odeyga ahi uu si xidhiidh ah u iman jiray fasalada jaamacada waxase uu seegay qalin jabintii dufacadii ay isku fasalka ahaayeen kadib markii uu xanuunsaday.

Xaakim Jeel U Taxaabay Nin Maxkamada Dhexdeed Telefoonkiisa Oo Soo Dhacay Ka Jawaabay

Baddy Sweeney oo u dhashay waqooyiga Ireland ayaa xabsi u galay maalintii Arbacadii kadib markii Telefoonkiisa oo soo dhacay uu xaakimkii maxkmaadu u sheegay inuu bakhtiiyo, balse uu arrintaasi dhagaha ka furaystay oo uu sii watay inuu qaado Telefoonka oo uu sheeko gaaban ku galay. Xaakimka ayaa ku amray 36 jirka Paddy Sweeney in la xidho laba saacadood bixiyana 200 pounds oo u dhiganta $322 dollar oo Ganaax qastigeedu uu yahay Rabushida Maxkamada Londonderry, ee Northern Ireland's.

Difaacyahanada Chelsea Ee David Luiz Iyo Gary Cahill Oo Qarka U Saaran In Ay Saftaan Kulanka Bayern Ee Finalka Champions League-ga

Difaacyahanada kooxda Chelsea ee David Luiz iyo Gary Cahill ayaa labadooduba dagaal ugu jiraan in ay ciyaaraan finalka Champions League, oo ku xidhan mustaqbalka kooxda. Guuldaradii 4-1 ee kasoo gaadhay Liverpool ayaa waxa ay la micno tahay hadii ay ka badin waayaan Bayern Munich 19ka May waxa ay seegi doonaan Champions League xilli ciyaareedka soo socda, waxana ay lumin doonaan 50 milyan oo ginni oo dhabar jab ku noqon doonta dhaqaalahooda. Lakiin tababaraha ku meel gaadhka ah ee kooxda Chelsea Roberto Di Matteo ayaa bilaabaya in uu tababar wada siiyo afarta difaac ee uu la soo shirtagi doono ka dib markii Cahill Arbacadii bilaabay in uu tababar ku qaato kubada. David Luiz,

Sheikh Mansour Oo Qardaraaska U Kordhinaya Tababare Roberto Mancini Si Uu Kooxda Usii Hogaamiyo Muddo Dheer

Macalinkan talyaniga ah ee hogaamiya kooxda Manchester City ayaa heshiiska uu kooxda Manchester City kula jiraa ku egyahay bisha june ee 2013 ka hase yeshee milkiilaha kooxda ayaa ku adkaysanaya in uu heshiis cusub lagali doono Mancini hadii uu ku guulaysto horyaalka iyo hadii kaleba. Wararka ayaa sheegaya in Mancini uu la kulmi doono Sheikh Mansour iyo waliba Khaldoon Al Mubarak marka uu xili ciyaareedku dhamaado. Labada dhinacba waxa ay rajaynayaan go’aan dagdag ah iyada oo laga yaabo in habeenka ku xigana heshiiska la kala saxeexdo.

Marchisio Oo Sheegay In Riyadiisii Juventus U Rumowday

Kubbad qaabeeyaha kooxda lagu naanayso marwada duqda ah ee Juventus Claudio Marchisio ayaa sheegay in uu aad ugu farxay xili ciyaareedkan isaga oo sheegay in ay ku dhameysanayaan qaabka ugu macquulsan ee horyaalka Serie A-da”Xidigan ayaa ka mid ahaa laacibiintii u qaaday koobka horyaaalka Serie A-da iyaga oo waliba finalka taagan kooba Italia oo ay doonayaan in ay ku darsadaan.
Riyadaydu way rumoowday waxaan ku riyooday in aan sannadkan si wanaagsan u ciyaari doono isla markaana guulo muhiim ah ka keeni doono tartamada aan kaqeyb galnay ayuu ku faanay Claudio Marchisio.

Luciano Moggi Oo Sheegay In Juventus Ay Xaq U LeedahayIn Ay Xidigta Sadexaad Ku Tolato Funaanadeeda

Agaasimihii hore ee kooxda Juventus Luciano Moggi ayaa sarre u sii qaaday dooda ku saabsan in kooxda Juve ay ku guuleysatay horyaalkeedii 30aad iyo in kale, Bianconeri ayaa sheegatay inay xiddig seddexaad ku tolan doonto fanadeeda madaama ay dareensan yihiin in ay qaadeen horyaalkoodii 30aad ee Serie A, inkasta oo labo horyaal laga qaaday ka dib fadeexadii Calciopoli.
Si kastaba ha ahaatee, ninkii badhtanka kaga jiray fadeexadaas Moggi ayaa dareensan in Juventus ay xaq u leedahay in ay xiddig seddexaad ku darsado, waxana uu meesha ka saaray hadalkii Moratti oo uu bilowgii todobaadkan ku sheegay in ay tahay in kooxda Turin ka dhisan aysan sameynin waxyaabo kale oo muran dhalin kara.


Home \| Contact Us \| Links \| Archives
Mustaqbalexpressonline Xawaalada Mustaqbal 4433 S Graham St. Seattle, Wa 98118 Phone: 206-723-6567 Almus, Halal Store 4433 S. Graham St. Seattle, Wa 98118 Phone 206-722-0796