|
Home | Contact Us | Links | Archives |
| ISSUE 2077 | June 28, 2009 Rajab 5,1430H | |
|
Madaxweyne Obama Oo Socdaalkiisii U Horeeyay Ku Tegay Qaaradda Yurub Xukuumadda Madaxweyne Rayaale Iyo Tirada 29 Ma Faal Baa U Qabtay Koox Suxufiyiin Ah Oo Dhamaystay Tababar Aqooneed Ku Saabsan Xalinta Khilaafaadka Iyo Nabada Sirdoonka Iyo Habka Uu U Shaqeeyo
Safarkaygii Somaliland Iyo Wixii Aan Ku Soo Arkay 2008-2009 Dhalinyaradu Marnaba Ma Ogola Odayaal Korkooda Ku Legdama, Lumiyana Mustaqbalkooda Dawladdu Xayaysiiska Caano Boodhaha Iyo Maraq Digaaga Ha iska Dayso Wadooyin Ay Iska Kaashadeen Dawladda Hoose Iyo Dadka Ku Nool Degmada 26 June Oo Wasiirka Daakhiligu Xadhiga Ka Jooyey Roobabkii Xilliga Guga Oo Ka Curtay Somaliland Wakiiladda Oo Cod Aqlabiyad Ah Ku Ansixiyey Miisaaniyadda 2009, Laba Bilood Oo Fasax Ahna Galay
|
“Haddii Xooggaga Mucaaridku Ay La Wareegaan Talada, Waxa Hubaal Ah Inay Taasi Horseedi Doonto Duulaan Ay Caalamku Ku Qaadaan Somalia” Madaxweyne Djibouti Ismaaciil Cumar Geelle Djbuuti, June 28, 2009 (Haatuf) - Madaxweynaha Jamhuuriyada Jabuuti Ismaciil Cumar Geelle ayaa walaac aad u weyn ka muujiyey xaalada ka sii daraysa ee dalka Somalia, isaga oo sheegay in haddii xoogaga mucaaridku ay la wareegaan awoodda dalka Somalia ay dalkaas gayeysiin doonaan meel ay adkaan doonto in dib looga soo celiyo, isla markaana ay taasi horseedi doonto in caalamku uu ku soo ku soo duulo. Madaxweyne Geelle isaga oo ka hadlayey sanad guuradii 32aad ee ka soo wareegtay markii dalka DJabuuti uu madax banaanidiisa ka qaatay isticmaarkii Faransiiska oo ku beegnayd shalay oo taariikhdu ahayd 27-ka June ayaa waxa madaxweyne Geelle uu intaas ku darey in nabad ka aslaaxda dalka Somalia ay carqalad ku yihiin xoogaga shisheeye ee ku soo duulay, kuwaas oo uu ku sheegay inay yihiin kuwo aan tegi karin dalalkoodii. “Somalia
waxaa iska leh dad Islaam ah, Islaamkuna ajnebi ma kala laha waa run,
laakiin dawladdaha Islaamka maanta wax iskuguma jiraan oo waa kala
qaybsan yihiin, dadka hadaladaas ku hadlayaa waa dad dano gaar ah leh,
oo shacabka Soomaaliyeed aan la doonayn nabad iyo Dawladnimo, haddii ay
Somalia qabsadaana adduunka oo dhan ayaa ku soo duuli doona meel aan
laga soo celin karin ayay gaadhsiin doonaan oo khatar ah” ayuu yidhi
madaxweyne Geelle oo tusaale u soo qaatay dhibaatooyinka ay dalalka
Afghanistaan iyo Ciraaq ka wadaan waxa uu ugu yeedhay kooxaha xagjirka
ahi. |