|
Boqolaal Tahriibayaal Ah Oo
Ku Qaraqmay Xeebaha Liibiya Iyo Dareenka Cabsida Leh Ee
Dhalinyarada Reer Somaliland Ee Ku Qulqulaya Dalalka Waqooyiga
Afrika
Kulmiye oo cadeeyey
mawqifkiisa ku aadan muddo kordhinta ay Guurtidu u samaysay
Madaxweynaha iyo ku xigeenkiisa
Madaxweyne Obama Oo
Socdaalkiisii U Horeeyay Ku Tegay Qaaradda Yurub
Xukuumadda Madaxweyne
Rayaale Iyo Tirada 29 Ma Faal Baa U Qabtay
Koox Suxufiyiin Ah Oo
Dhamaystay Tababar Aqooneed Ku Saabsan Xalinta Khilaafaadka
Iyo Nabada
Sirdoonka Iyo Habka Uu U
Shaqeeyo
Safarkaygii Somaliland Iyo
Wixii Aan Ku Soo Arkay 2008-2009
Dhalinyaradu Marnaba Ma
Ogola Odayaal Korkooda Ku Legdama, Lumiyana Mustaqbalkooda
Dawladdu Xayaysiiska Caano
Boodhaha Iyo Maraq Digaaga Ha iska Dayso
Wadooyin Ay Iska Kaashadeen
Dawladda Hoose Iyo Dadka Ku Nool Degmada 26 June Oo Wasiirka
Daakhiligu Xadhiga Ka Jooyey
Roobabkii Xilliga Guga Oo Ka
Curtay Somaliland
Wakiiladda Oo Cod Aqlabiyad
Ah Ku Ansixiyey Miisaaniyadda 2009, Laba Bilood Oo Fasax Ahna
Galay
|
|
Dawladda Faransiiska Oo
Megangelyo Siinaysa Tahriibayaal Afrikaan Ah Oo Ku Sugan Jaziiradda
Malta
Paris June
28, 2009 (W/wararka)-Wasiirka Socdaalka ee dalka Faransiiska Erik
Beeson ayaa sheegay inay Dawladda Faransiisku ka codsatay
dawladda Malta sidii taageero looga siin lahaa in 100 qof oo ka mid ah
qaxoonti Afrikaan ah oo ku sugan jaziiradda Malta loo dejin lahaa dalka
Faransiiska.
Wasiirka Socdaalka ee dalka Faransiisku waxa uu Qaxootiga u sheegay inay
Dawladdiisu siinayso fursad si ay uga fekeraan inay mustaqbalkooda ku
qaataan Qaaradda Europe, waxaanu ku booriyey Qaxootiga loo qaadayo
dalka Faransiiska inay xushmeeyaan Dhaqanka dalkaasi, isaga oo
arrintaasi sii ambaqaadayana waxa uu Qaxootiga u sheegay inaan
carruurta yaryar loo oggolaan doonin inay madaxa daboolaan ama ama ay
Niqaabka wejiga ku xidhaan.
Dhinaca kale Wasiirka Arrimaha Guddaha ee Jaziiradda Malta, Karam
Mifsuud Boniiki, ayaa sheegay in go'aanka ay Dawladda Faransiiska ugu
oggolaatay inay 100-Qaxooti Afrikaan ah magangeliyo siiyaan ay tahay
tallaabo Aadminimo, waxaanu ugu baaqay Dawladdaha kale ee ka tirsan
Ururka Midowga Europe inay ku daydaan tallaabadaasi Qaxootiga ay
dawladda Faransiisku ku siisay magangelyada.
Xabiiba Amiir Muuse oo ka mid ah Qaxootiga Soomaalida ee magangelyada ka
helay dalka Faransiiska, ayaa sheegtay inay Dawladda Malta uga mahad
celinayaan sida ay iyada iyo Tahriibayaasha kale uga soo badbaadiyeen
Badda iyo Dawladda Faransiiska oo oggolaatay inay Qaxootigaasi qaabilaan.
Xabiibo Amiir Muusa, waxay intaasi ku dartey inay doonayso inay shaqo ka
hesho dalka Faransiiska oo ay noqoto Maareeye Hoteel.
Boqolka Qaxootiga Afrikaanka u badan ee ay Dawladda Faransiisku siisay
oggolaanshaha Deganaanshaha dalkeeda oo u kala dhashay dalalka Somalia,
Iver Coast, Siralanka iyo Ciraaq ayaa waxa ku jira 20-carruur, kuwaas oo
la sheegay in la kala dejin doono saddex gobol oo dalkaasi ah.
Qaxoontigan ayaa waxay ka mid yihiin Tahriibayaasha doonyaha kaga gudbay
Badda Medetreneanka ee laga badbaadiyey Badda ka baxsan Jaziiradda
Malta .
Tallabaddan Qaxootiga shisheeyaha, siiba kuwa Afrikaanka looga qaadayo
Jaziiradda Malta ayaa sii kordhaysa, iyada oo ay Dawladda Maraykanku
bilawgii bishan June ay magangeliyo siisay Qaxooti u kala dhashay dalalka
Somalia iyo Eritrea oo ku dhibaataysnaa Jaziiradda Malta.
|