|
Home | Contact Us | Links | Archives |
|
ISSUE 2736 |
August 07,2011 Ramadan 07,1432H | |
|
Xukuumada Oo Maxjar Labaad Ka Baal Furtay Kii Hore Ee Jiray Iyo Dareenada Ku Gedaaman Raysal Wasaaraha Dawladda Sheekh Shariif Oo La Ansixiyey Iyo Dagaalo Ka Dhacay Muqdisho
|
Askartii Ka Qayb Gashay Hawlgalkii Lagu Khaarajiyey Osama Bin Laden Oo Ku Dhintay Diyaarad Helicopter Ah Oo Shalay Lagu Soo Riday Afghanistan Kabul, August 8, 2011 (W.Wararka) – 31 ka mid ah Askartii Kamaandoosta ahaa ee fulisay hawlgalkii lagu khaarajiyey hogaamiyihii ururka Alqacida Osama Bin Laden ee ka dhacay dalka Pakistan 2-dii Bishii 5aad 2011-ka ayaa ku dhintay diyaarad Helicopter ah oo maalintii shalay lagu soo diray dalka Afghanistan. Diyaaradan ayey saarnaayeen ciidamada sida gaarka ah u tababaran ee dalka Maraykanka oo lagu magacaabo Special Force qeybtooda Seals-ka oo ka tirsan Team six, ama kooxda Lixaad ee ciidamada Special Forceska, kuwaasi oo ah askartii fuliyey weerarkii lagu dilay Osama Bin Laden. Askarta ayaa xiligii ay diyaaradu la dhacday ku guddo jirtay hawlgal ay ka waday gobolka Wardak ee dalkaasi Afghaanistaan, isla markaana ay dagaalo kula jireen Talibanka, burburka diyaarada ayey ku dhinteen 31 askari oo ka tirsan ciidamada Komaandooska Maraykanka ee loo yaqaan “Special Forces”, Talibanka ayaa iyagu sheegtay inay soo rideen diyaaradan sida lagu sheegay qoraal kasoo baxay Afhayeenka Talibanka Sabiullah Mujahid. Saraakiisha NATO ayaa sheegay inay baadhitaan kuwadaan diyaaradan soo dhacday waxa sababay, iyagoo qiray in diyaarada ay soo dhacday xili uu socday hawlgal ka dhan ah Talibanka oo ay NATO ku qaaday degmada Sayd Abad oo ku taal gobalka Wardak oo koonfur Galbeed ka xigta magaalada caasimada ah ee Kabul.
|