Haatuf News

Home | Contact Us | Links |  Archives

 ISSUE 2882

 January 24, 2012                                                                           Safar 30,1432H     

Xubno Ka Soo Jeeda Awdal Oo Ka Tirsan Labada Gole Baarlamaan Oo Ku Eedeeyey Qurba Jooga Gobolkaasi Inay Wadaan Kicin Iyo Abaabul Dadweyne, Kana Dalbaday Inay Joojiyaan

 

Wasiirka Maaliyada Oo Daboolka Ka Qaaday Dakhliga Cashuuraha Ka Soo Xerooday Saddexdii Bilood Ee Ugu Danbeeyay Iyo Wakiilada Oo Su’aalo Ay Maryo Dhiig Leh Ku Kala Furteen Ku Hafiyay

Shirgudoonka Guurtida Oo Daaqada Ka Tuuray Mooshin Ay Tahriibinayeen Shaqsiyaad Xildhibaano Ah Oo Lagu Carqaladaynayey Somcable

Xukuumada Oo Maxjar Labaad Ka Baal Furtay Kii Hore Ee Jiray Iyo Dareenada Ku Gedaaman

Maanta, Shalay dhaantey!

Raysal Wasaaraha Dawladda Sheekh Shariif Oo La Ansixiyey Iyo Dagaalo Ka Dhacay Muqdisho

 

 

 

  

Mooshin Xambaarsan Ajandayaal Xasaasi Ah Oo Maanta Baarlamaanka La Soo Hordhigi Doono

Hargeysa, January 24, 2012 (Haatuf) - Golaha Wakiilada Somaliland ayaa la sheegay in fadhigooda maanta la soo hordhigi doono Mooshin ay soo saxeexeen mudaneyaal ay tiradoodu gaadhayso 30 mudane oo lagu dalbanayo in xaalada dalka ee Nabadgalyo iyo siyaasadeed lagu qiimeeyo, isla markaana xukuumadu keento barnaamijkeeda siyaasadeed oo ay ku hagayso siyaasada khaarajiga dalka iyo qorshayaasha dhabta ah ee uga meel yaala shirka dawladda Ingirisku u qabanayso kooxaha Somalia.

Mooshinkan oo ilo wareedyo u dhuundaloola goluhu ay Haatuf u xaqiijiyeen in fadhiga maanta ay shirgudoonka ugu gudbin doonaan si goluhu dood uga yeesho, kaas oo la sheegay in mudaneyaashaasi ay soo jeedinayaan in ajandaha kalfadhiga 17aad ee aan wali la ansixin la laabo, isla markaana dood laga yeesho xaalada qiimaynta dalka ee nabadgalyo, siyaasadeed ee Somaliland ku gedaaman.

Sida ka muuqatay fadhigii shalay ee golaha wakiilada oo loo balansanaa in goluhu ansixiyo Ajandaha kalfadhiga 17aad ayaa la isku mari waayey kadib markii ay qaar ka mid ah mudaneyaashu ay soo jeediyeen in goluhu wakhtigan xaadirka ah dood ka yeesho xaalada guud ee qiimaynta dalka ee ku wajahan arimaha ka soo cusboonaaday gobolada bariga gaar ahaan shirkii Taleex iyo khilaafaadka Madaxweynaha iyo Madaxweyne ku xigeenka ka dhex aloosan siddii Madaxweynuhuna golaha u hor keeni lahaa Barnaamijkiisa siyaasadeed ee uu dalka ku hogaaminayo.

Waxa la filayaa in mooshinkan xasaasiga ahi goluhu dood adag ka yeesho, isla markaana wax iska waydiiyo xaalada guud ee siyaasadeed ee nabadgalyo iyo Dhaqaale ee dalka ku gedaaman, isla markaana la laalo ajanadaha kalfadhiga 17aad.