Haatuf News

Home | Contact Us | Links |  Archives

 ISSUE 2753

 August 26,2011                                                                           Ramadan 26,1432H     

Xubno Ka Soo Jeeda Awdal Oo Ka Tirsan Labada Gole Baarlamaan Oo Ku Eedeeyey Qurba Jooga Gobolkaasi Inay Wadaan Kicin Iyo Abaabul Dadweyne, Kana Dalbaday Inay Joojiyaan

 

Wasiirka Maaliyada Oo Daboolka Ka Qaaday Dakhliga Cashuuraha Ka Soo Xerooday Saddexdii Bilood Ee Ugu Danbeeyay Iyo Wakiilada Oo Su’aalo Ay Maryo Dhiig Leh Ku Kala Furteen Ku Hafiyay

Shirgudoonka Guurtida Oo Daaqada Ka Tuuray Mooshin Ay Tahriibinayeen Shaqsiyaad Xildhibaano Ah Oo Lagu Carqaladaynayey Somcable

Xukuumada Oo Maxjar Labaad Ka Baal Furtay Kii Hore Ee Jiray Iyo Dareenada Ku Gedaaman

Maanta, Shalay dhaantey!

Raysal Wasaaraha Dawladda Sheekh Shariif Oo La Ansixiyey Iyo Dagaalo Ka Dhacay Muqdisho

 

 

 

  

Laba Qof Oo Ku Dhaawacmay Rasaas Ka Qaraxday Ilaaladda Taliyaha Ciidanka Qaranka Oo Masaajid Ay Ku Wada Tukanayeen Salaada Taraawiixda

Hargeysa, August 26, 2011 (Haatuf) – Laba Qof ayuu dhaawac ka soo gaadhay Rasaas ka qaraxday ilaalada Taliyaha Ciidanka Qaranka Nuux Ismaaciil Taani xili ay xalay cawaysinkii Salaada Taraawiixda ku tukanayeeen Masaajidka Ibraahim Dheere ee magaalada Hargeysa.

Labadan nin ee ku dhaawacmay Rasaaska ilaalada Taliyaha Ciidanka Qaranka oo magacyadooda la kala yidhaahdo Jaamac Cashuur Cali (Jaamac Waraabe) oo ay xabadu ka haleeshay Kuraanta bidix ee lugta xili uu salaadka Taraawiixda ku tukanayey Masaajidkaaasi, ayay sidoo kale Cumar Jaale ay isagana kaga dhacday jilibka hoostiisa, isla markaana wax yar ka dib loola cararay dhaawacyadooda Cusbitaalka guud ee magaalada Hargeysa, kuwaas oo lagula tacaalayo daaweyntooda.

Labadan nin ayaa markii ay xabadu ku dhacday dad goob joog ahi ay Haatuf u sheegeen in xabada ku dhacday ay ka dhacday Baaskoolad uu sitay mid ka mid ah ilaaladda Taliyaha Ciidanka Qaranka Nuux Islaamiic Taani oo la sheegay in taliyaha Laftiisu uu ku tukanayey Taraawiixda Masaajidkaasi.

Baastoolada Rasaastu ka dhacday ayaa la sheegay inay cabaysnayd oo xabadi Dhuunta taalay, taas oo markii ay qaraxday ku soo horaysay Cumar Jaale, isla markaana ay markii danbe haleeshay Jaamac Waraabe oo rukuucsan.

Waa markii ugu horaysay ee shil noocan oo kale ahi uu ka dhex dhaco masaajid xili salaad lagu jiro.