|
Home | Contact Us | Links | Archives |
|
ISSUE 2726 |
July 26,2011 Shabcaan 24,1432H | |
|
Xukuumada Oo Maxjar Labaad Ka Baal Furtay Kii Hore Ee Jiray Iyo Dareenada Ku Gedaaman Raysal Wasaaraha Dawladda Sheekh Shariif Oo La Ansixiyey Iyo Dagaalo Ka Dhacay Muqdisho
|
“Qoladaa Puntland Ee Leh Isku Isir Baynu Nahay Maxay Majeerteenka Jooga Itoobiya Iyo ENFD-Ba U Odhan Waayeen Isku Qolaanu Nahay” La Taliyaha Madaxweynaha Gobollada Bari Fu’aad Aadan Cadde (Waraysi Khaasa) Hargeysa, July 26, 2011 (Haatuf) - La taliyaha Madaxweynaha ee arrimaha gobollada bariga Somaliland Fu’aad Aadan Cadde ayaa ku tilmamaay damaca madaxweynaha maamul goboleedka Puntland C/raxmaan Faroole uu ku sheegaynayo beelaha Sool iyo Buuhoodle ay tahay caqli xumo, sheegayna haddii Isirnimo dawlad lagu noqonayo in aanay jirteen beel kaliya oo dhawr dal wada degtaa, waxaanu intaasi ku daray in xildhibaan Maxamed Axmed Dhakool oo ka tirsan wakiilada oo la sheegay inuu dalka kaga baxsaday tuhuno lagu xidhiidhinayo dilalka qorshaysan ee ka socda Laascaanood ay jiraan, tilmaamayna inaanay jirin cid ka war qabta halkuu jaan iyo cidhib dhigay. La taliyaha Madaxweynaha ee gobolada bari Mr Fu’aad Aadan Cadde ayaa sidaasi ku sheegay Waraysi uu Haatuf shalay khadka telephone-ka ugu waramay isagoo jooga Hargeysa, kaas oo sidoo kale jawaab ka bixiyey hanjabaada ka soo yeedhay doraad xubno ku sugan deegaamada Xudun ee gobolka Sool oo sheegay in aanay ogolayn in shir nabadeed Somaliland ku qabato deegaankaasi iyo arrimo kale oo la xidhiidha dilalka qorshaysan ee sanadahan dambe laga wado Laascaanood. Fu’aad aadan Cade oo ka hadlaya xubanaha degmada Xudun ee sheegay inaan lagu qabankarin deegaankaasi gogoshii labaad ee madaxweynuhu fidiyay, waxa uu yidhi “Waxa hadlay waa laba nin oo mid iska Jirri yahay ninka kale oo la yidhaa Jaamac dheerena waan la hadlay oo tilifoonkiisa ayaa xidhnaa, waxaan lahaa aad weydiisid awooda uu shirk u horjoogsan karayo, shir xudun lagu qabanayaa ma jiro hadanay iyagu shaydaan la shirayn, inta xudun shir lagu qabtaa walaahi daafe ilaa daafe looga baxaa” La taliyaha madaxweynaha gobollada bari Fu’aad Aadan Cadde, oo aanu waydinay dhaliilaha xukuumadda looga soo jeedinayo wax ka qabad la’aanta dilalka qorshaysan ee ka socda Laascaanood, waxa u yidhi “Somalidu waxay tidhaahdaa Inan hooyadeed xumaynayso looma taag helo, Canaanta waxa leh ninka Dhulbahante ee gurigiisa uu ku soo dagayo eeqarinaya, markuu wax dilo haddii ay shacbigu qarinayaan ninkii dumarka laynayay, oo markuu wax dilo la wada raacayo si aan lo garan, Laascaanood dadki u dhashay baa is dilaya, hadhawna been baa la samaynayaa oo waxa la odhanayaa ciidamadaa idin laynaya, xukuumaddu canaan ma laha, wafti uu hogaaminayo wasiir Xaabsade ayaa loo qaybiyey, taliyaha bilayska iyo ku xigeenkiisu way tageen” Fu’aad Aadan Cadde oo la waydiiyay sida uu u arko eedaha xildhibaan Maxamed Axmed Dhakool oo hada aan la ogayn meel uu dalka uga fakaday dilalka lagu xidhiidhinayo, waxa uu yidhi ‘Tuhun badan baa jira dawladuna way la socotaa, hadal hayn badanina way jirtaa, imikana waa ta jaraa’idka iyo meel walba lagu qoray ninkaasi wuu baxsaday, iyadoo lagu tuhmayo inuu waxyaalahaasi ku jiro tuhunkaasi wuu jiraa baa la leeyahay, ninkaasi meel uu tagay oo aan way u hayaa ma jirto, waxaan u malaynayaa cid ogina ma jirto” Fu’aad isaga oo arrinkaa ka hadlaya waxa uu intaa ku daray Xudun 400 askari ee reer Xuduna oo reer Somaliland ah baa jooga wax olole iyo dhibaato ah oo uu Cabdi Samad Cali Shire ku hayaana ma jirto waa been, wax qabad la’aan iyo bilays la’aan dadku way cabanayaan, laakiin dawladu maamulkiina way samaysay” Fu’aad Aadan Cadde oo aanu wax ka waydiinay halka lagu qabanayo shirkii wajiga labad ee nabadaynta, waxa uu yidhi “Waxaanu nidhi shir-doceedyadii hala joojiyo shir weyn oo loo dhan yahay oo dhilbahante iskugu yimaado oo caro Isaaq ka dhaca kalmadaa kumaanu qorin laakiin waa ra’yigaygam in shirweyne Dhulbahante la yeesho ayaanu ku talinay shirar doceedyadu waa wakhti lumen” Fu’aad Aadan Cadde, oo la waydiiyay aragtidiisa uu qabo damaca madaxweynaha Puntland Faroole,uu ku doonayo in bulshada reer Sool iyo Buuhoode ay Isir wadaagaan, oo aanay ka mid ahayn Somaliland, waxa uu yidhi “Adeer isku Isir baynu nahay wax caqliga gala maaha, qoladaasi haday Isir doonayso maxaa u diiday in Majeerteenka iyo Dhulbahantaha jooga Kililka shanaad ee Itoobiya isku qolaanu nahay, NFD kuwa jooga maxay u odhan waayeen waa anaga, waa waxaan soconayn, iyagana dan uma aha anagana dan nooma aha, waa baa’biis weeyi, haday waxaa iska dayn waayaana Ilaahay ciqaabtooda wuu marinayaa, dadka waxa u fiican intii isku dhaqana ee isku caado ah iyo sidii Ingiriisku u xadeeyay loo daayo, maxay usoo qadi waayeen Majeerteenka iyo Dhulbahantaha Itoobiya degan waa caqli xumo |