Haatuf News

Home | Contact Us | Links |  Archives

 ISSUE 29276

 May 12, 2012                                                         Jamada Al-Thani  22,1432H     

Xubno Ka Soo Jeeda Awdal Oo Ka Tirsan Labada Gole Baarlamaan Oo Ku Eedeeyey Qurba Jooga Gobolkaasi Inay Wadaan Kicin Iyo Abaabul Dadweyne, Kana Dalbaday Inay Joojiyaan

 

Wasiirka Maaliyada Oo Daboolka Ka Qaaday Dakhliga Cashuuraha Ka Soo Xerooday Saddexdii Bilood Ee Ugu Danbeeyay Iyo Wakiilada Oo Su’aalo Ay Maryo Dhiig Leh Ku Kala Furteen Ku Hafiyay

Shirgudoonka Guurtida Oo Daaqada Ka Tuuray Mooshin Ay Tahriibinayeen Shaqsiyaad Xildhibaano Ah Oo Lagu Carqaladaynayey Somcable

Xukuumada Oo Maxjar Labaad Ka Baal Furtay Kii Hore Ee Jiray Iyo Dareenada Ku Gedaaman

Maanta, Shalay dhaantey!

Raysal Wasaaraha Dawladda Sheekh Shariif Oo La Ansixiyey Iyo Dagaalo Ka Dhacay Muqdisho

 

 

 

  

Madaxweyne Siilaanyo Oo Furay 10Km Oo Ka Mid Ah Wadada Isku Xidha Dila Iyo Boorama

Boorama, May 13, 2012 (Haatuf) - Madaxweynaha Somaliland Axmed Maxamed Siilaanyo oo ay weheliyaan ku dhawaad 8 wasiir iyo Wasiir ku xigeeno ayaa furay 10Km ka mid ah waddada isku xidha degmooyinka Dilla iyo Boorama oo dhowaan la dhisay.

Labada degmo ee Dilla iyo Boorama oo isku jira 30Km ayaa waxaa 4 kilometer oo ka mid ah dhismaha la dhameeyay hirgeliyay Xukuumada Madaxweyne Siilaanyo, halka 6-da kale ay dhiseen ASARDA oo ah urur dhismaha waddooyinka Gobolada Awdal iyo Salal qaabilsan oo ay leeyihiin bulshada gobolka Awdal.

Madaxweyne Siilaanyo oo ka hadlayay xafladdii lagu furayay waddada ayaa sheegay in maamulkiisu uu bulshada gobolka Awdal ka taageerayo dhinacyada horumarinta wadooyinka.

Odayaasha dhaqanka magaalooyinka Boorama iyo Dilla ayaa sheegay inay Xukuumada ka rajeynayaan inuu laban laabo dadaalkeeda ku aaddan horumarinta gobollada Awdal iyo Salal.

Sidoo kale waxay madaxdhaqanku ka codsadeen Madxweynaha inay rabaan kulan ay si gaar ah ula yeeshaan Madaxweyne Siilaanyo, waxaanay intaas ku dareen in ay doonayaan in ay u bandhigaan tabashooyin ay qabaan iyo waxyaabo badan oo dhanka Awdal iyo Salal farta loogu godo oo ay rabaan in ay maamulka M/weyne Siilaanyo iska qanciyaan.

Duqayda iyo Waxgaradka degmada Dilla ayaa iyaguna u soo jeediyay M/weyne Siilaanyo in uu dhameeyo xurgufta ka dhaxaysa deriskooda ay isku Abtiga yihin ee reer Gabilay, waxaanay dhankooda balan qaadeen in ay ku dadaalayaan nabadgelyada.

M/weyne Siilaanyo waxa kale oo dhagax dhigay 6km oo uu sheegay in ay xukuumadiisu ku biirin doonto dhismaha wadada u dhaxaysa Dilla iyo Boorama.

Si kastaba ha ahaatee wadada uu furay M/weyne Siilaanyo ayaa ku jirtay balanqaadkii boqolkii maalmood ee u horeeyay Guushii xukuumadan iyo waxqabadadii looga fadhiyay in ay fulaan boqolkaas maalmood, waxaana la odhan karaa waxay ku qaadatay laba sanadood, waxayse bulshada qaybaheeda ku nool G/Awdal isku raacsan yihiin in xukuumadan Siilaanyo wax ka qabatay wadadaas oo ah meelaha ugu badan ee dawladihii hore ku dhaliilaayeen.