Haatuf News

Home | Contact Us | Links |  Archives

 ISSUE 29278

 May 15, 2012                                                         Jamada Al-Thani  24,1432H     

Xubno Ka Soo Jeeda Awdal Oo Ka Tirsan Labada Gole Baarlamaan Oo Ku Eedeeyey Qurba Jooga Gobolkaasi Inay Wadaan Kicin Iyo Abaabul Dadweyne, Kana Dalbaday Inay Joojiyaan

 

Wasiirka Maaliyada Oo Daboolka Ka Qaaday Dakhliga Cashuuraha Ka Soo Xerooday Saddexdii Bilood Ee Ugu Danbeeyay Iyo Wakiilada Oo Su’aalo Ay Maryo Dhiig Leh Ku Kala Furteen Ku Hafiyay

Shirgudoonka Guurtida Oo Daaqada Ka Tuuray Mooshin Ay Tahriibinayeen Shaqsiyaad Xildhibaano Ah Oo Lagu Carqaladaynayey Somcable

Xukuumada Oo Maxjar Labaad Ka Baal Furtay Kii Hore Ee Jiray Iyo Dareenada Ku Gedaaman

Maanta, Shalay dhaantey!

Raysal Wasaaraha Dawladda Sheekh Shariif Oo La Ansixiyey Iyo Dagaalo Ka Dhacay Muqdisho

 

 

 

  

Xubno Ka Soo Jeeda S/land Oo U Tahriibay Shirka Xamar Uga Socda Madaxdhaqameedyada Somalia Oo Ka Cabanaya In Saamigoodii La Musuqmaasuqay, Sheegayna In Ergadoodu Ka Bixi Doonto Kulankaasi

Muqdisho, May 15, 2012 (Haatuf) – Madaxdhaqameedyo ka soo jeeda Somaliland oo dhawaan u Suudalay Muqdisho si ay uga qaybgalaan shirka Madaxdhaqameedyada Somalia uga socda magaaladaasi, ayaa ku hanjabay inay ergadooda kala bixi doonaan shirka odayaasha dhaqanka hadii aan wax laga qaban Musuqmaasuqa lagu sameeyey saamigii ay lahaayeen Beelaha Somaliland, sida ay hadalka u dhigeen.

Madaxdhaqameedkan oo isugu jira Odayaal, waxgarad iyo siyaasiyiin u dhashay Somaliland oo dhawaan u socdaalay dalka Somalia ayaa shalay kulan ku yeeshay magaalada Muqdisho, kuwaas oo shaaca ka qaaday inay qaadici doonaan, isla markaana ay ergadooda kala baxayaan shirka lagaga hadlayo arimaha dastuurka ee odoyaasha dhaqanka Somalia uga soconaya magaalada Muqdisho.

Mas’uuliyiintii ka soo qeyb gashay kulankan ayaa waxa ay sheegeen in Musuqmaasuq iyo wax isdaba-marin lagu sameeyay hanaanka awood qeybsiga beelaha Somaliland ay ku la haayeen shirka ka socda magaalada Muqdisho, taasina ay muujineyso in xaqiraad lagu sameeyay beelahaasi.

Idiris Xadi Qalinle oo ka mid ah waxgaradkii ka hadlay kulankaasi ayaa waxa uu sheegay in hadii dowladda Sheekh Shariif ee Soomaaliya ay ka fiirsan waydo xaqiraada lagu hayo beelaha ka soo jeeda Somaliland ay gabi ahaanba ay qaadacayaan shirkaasi, isla markaana aanu noqon doonin mid midho dhal yeesha oo wax la taaban karo ay ka soo baxaan.

Maxamed Sheekh Ibrahim Tubeec oo isna kulankaa ka hadlay ayaa waxa uu sheegay intiradii loogu talagay beelahooda inay uga qeyb galaan shirka odoyaasha dhaqanka ay shaqsiyaad gaar ah oo ka tirsan dowladda KMG ah ay isdaba marin ku sameeyeen.

Si kastab ha’ahaatee tan iyo markii uu magaalada Muqdisho ka furmay shirka odoyaasha dhaqanka ee looga hadalayo arimaha dastuurka ayaa waxa u Tahriibay koox madaxdhaqameed ah oo ka soo jeeda Somaliland, isla markaana tan iyo maalintii la furtay shirkaasi waxa isa soo tarayey cabashada iyo dhaliilaha ay jeedinayaan qaar ka mid ah odayaasha u dhashay Somaliland.