Haatuf News

Home | Contact Us | Links |  Archives

 ISSUE 29278

 May 15, 2012                                                         Jamada Al-Thani  24,1432H     

Xubno Ka Soo Jeeda Awdal Oo Ka Tirsan Labada Gole Baarlamaan Oo Ku Eedeeyey Qurba Jooga Gobolkaasi Inay Wadaan Kicin Iyo Abaabul Dadweyne, Kana Dalbaday Inay Joojiyaan

 

Wasiirka Maaliyada Oo Daboolka Ka Qaaday Dakhliga Cashuuraha Ka Soo Xerooday Saddexdii Bilood Ee Ugu Danbeeyay Iyo Wakiilada Oo Su’aalo Ay Maryo Dhiig Leh Ku Kala Furteen Ku Hafiyay

Shirgudoonka Guurtida Oo Daaqada Ka Tuuray Mooshin Ay Tahriibinayeen Shaqsiyaad Xildhibaano Ah Oo Lagu Carqaladaynayey Somcable

Xukuumada Oo Maxjar Labaad Ka Baal Furtay Kii Hore Ee Jiray Iyo Dareenada Ku Gedaaman

Maanta, Shalay dhaantey!

Raysal Wasaaraha Dawladda Sheekh Shariif Oo La Ansixiyey Iyo Dagaalo Ka Dhacay Muqdisho

 

 

 

  

Maraykanka Oo Tababar Siinaya Ciidamo Yugaandhiis Ah Oo Somalia Ka Hawlgali Doona

Kakola, Uganda, May 15, 2012 (W.Wararka) – La Taliyeyaal dhinaca Milatariga ah oo Maraykan ah oo hore casharo iyo tababaro uga soo bixiyey Ciraq iyo Afghanistan ayaa maalmihii u dambeeyey si weyn ugu hawlanaa tababaro ku saabsan dhinaca Milatariga oo ay Siinayaan Ciidamo Yugaandhiis ah oo ka hawlgali doona Somalia si ay ula dagaalamaan Al-shabaab.

Horaantii Sanadkan ayaa koox yar oo ka tirsan Marines-ka Maraykanku ay heshiis tababar kula galeen Saldhig ku yaala dalka Uganda si ciidamo Midawga Afrika ka tirsan oo Somalia loo diri doono ay u tababari lahaayeen, iyadoo kooxda xidhiidhka soke la leh Alqacida ee Al-shabaab ay aad awoodoodii loo diciifiyey.

Dawladda Maraykanka ayaa iyadu cutub yar oo kaliya oo si khaas ah u tababaran u dirtay Somalia si ay u bartilmaameedsadaan xubno Alqaacida ka tirsan oo ku sugan Somalia ama la haystayaal u afduuban budhcad badeeda Somalia si ay uga soo furtaan, balse aan si toos ah u galin dagaalka lagaga soo horjeedo Alqacida iyo Alshabaab, tan iyo intii ay Maraykanku uu ciidamadiisa kala baxay Somalia sanadkii 1994, inkasta oo wadamo kale oo afrikaan ahi ay Somalia soo galiyeen kumaan ciidamo ah oo la dagaalama kooxahaasi oo ka hawlgalay wadan aanay ka jirin sharci oo dadkiisuna uu gaajoonayo.

Saraakiishan Americanka ah ee Tababaraya ciidamada Uganda oo khibrado ku soo qaatay wadamo uu duulaan ku qaaday Maraykanku ayaa waxa ay siinayaan casharo ku saabsan sida looga hor tago walxaha qaraxa iyo sida magaalooyinka loogula dagaalamo dagaalyahaniinta Mayalka adag.