Haatuf News

Home | Contact Us | Links |  Archives

 ISSUE 29279

 May 16, 2012                                                         Jamada Al-Thani  25,1432H     

Xubno Ka Soo Jeeda Awdal Oo Ka Tirsan Labada Gole Baarlamaan Oo Ku Eedeeyey Qurba Jooga Gobolkaasi Inay Wadaan Kicin Iyo Abaabul Dadweyne, Kana Dalbaday Inay Joojiyaan

 

Wasiirka Maaliyada Oo Daboolka Ka Qaaday Dakhliga Cashuuraha Ka Soo Xerooday Saddexdii Bilood Ee Ugu Danbeeyay Iyo Wakiilada Oo Su’aalo Ay Maryo Dhiig Leh Ku Kala Furteen Ku Hafiyay

Shirgudoonka Guurtida Oo Daaqada Ka Tuuray Mooshin Ay Tahriibinayeen Shaqsiyaad Xildhibaano Ah Oo Lagu Carqaladaynayey Somcable

Xukuumada Oo Maxjar Labaad Ka Baal Furtay Kii Hore Ee Jiray Iyo Dareenada Ku Gedaaman

Maanta, Shalay dhaantey!

Raysal Wasaaraha Dawladda Sheekh Shariif Oo La Ansixiyey Iyo Dagaalo Ka Dhacay Muqdisho

 

 

 

  

Alex Ferguson Oo Taalabo Hore Ugu Qaaday Sidii Uu Kooxda Dib Ugu Soo Dhisi Lahaa Iyo Evra Oo Taageero La Garab Istaagay

Kadib guushii u soo hoyahaytay kooxda ka dhisan magaalada Manchester ee Manchester, ee Manchester City, oo todobaadkan horaantiisii ku guulaysatay horyaalka Ingiriiska ee Englisha Premier League-ga oo ay sugaysay mudo  44-sano ah, ayaa durba waxa xanuun dareentay kooxdii guulaha isdaba jooga ah ka gaadhi jirtay horyaalka ee Manchester United. Kooxda uu hogaamiyo Ferguson ee Manchester United ayaa durba samaysay dhaq dhaqaayo ay ku doonayso ciyaartoy kooxda kusoo biira iyada oo masuuliyeenteedu ay ka qayb galeen ciiyaartii Finalka  koobka jarmalka ee Dortmund koobka ku qaaday si ay usoo daawadaan ciyaartoyda ay is leeyihiin way idiin fiican yihiin. Tababare Sir Alex Ferguson ayaa doonaya in uu la soo wareego wax aan ka yareyn seddex ciyaaryahan oo u ciyaarta Borussia Dortmund ka dib markii uu daawaday sabtidii markii ay 5-2 Bayern Munich kaga qaadeen koobka German Cup, sida ay qortay jariirada Daily Mail.

Tababaraha Manchester United ayaa ciyaaryahan ugu cadcad ee uu doonayo in uu la soo wareego uu yahay kubadsameeye Shinji Kagawa, lakiin sidoo kale waxa uu xiiseynayaa weeraryahanka reer Poland Robert Lewandowski, kaas oo dhaliyay seddex gool kulankii Finalka iyo difaaca Jarmalka Mats Hummels. Wadahadalo dhanka qadaraaska ah oo u dhaxeeyay Lewandowski iyo kooxda ayaa burburay waxana wakiilkiisa Maik Bartel uu yidhi sida Dail Mail ay qortay: “Heshiiska ay soo bandhigtay Dortmund maaha mid nagu filan, waxanu ku xaqiijin karaa in Manchester United ay xiiseyneyso ciyaaryahanka”

Waxa sidoo kale dareensan yahay Hummels aabihiisa oo sidoo kale ah wakiilkiisa in lagu martiqaaday Manchester si uu kooxda wadahadalo u la galo. Manchester United waa in ay kharashgareysaa ugu yaraan 50 milyan oo ginni hadii ay doonayso seddexda ciyaaryahan, lakiin agaasimaha kooxda ayaa ku adkeysanaya in ciyaartoydooda ay ku faro adaygi doonaan marka Kagawa laga reebo. “Waxan filaneynaa in Kagawa uu tagayo, lakiin ma jirto lacag inaga dhaadhicin karta in aan iska iibino ciyaartoyda kale” ayuu yidhi Hans-Joachim Watzke. Dhanka kale waxa fikirka ciyaartoyda lagu doonayo Ferguson ku taageeray Difaaca baalka bidix ee kooxda Manchester United Patrice Evra, oo sheegay in ay ka dhaadhacsantahay in uu macalin Ferguso kooxda kusoo biirin doono xidigaha ay tabeysay xilli-ciyaareedkan oo dirqi lagaga qaaday horyaalka Ingiriiska. Evra ayaa sheegay in ayna muhiim ahayn cida imanaysaa laakiin uu isaga ahaan hoosta ka xariiqayo sida uu u hubo in ayna howshu ka hoos bixi doonin tababare Ferguson oo lagu yaqaanno isha macaan ee uu u leeyahay suuqa kala iibsiga. Dhanka kale Evra oo wax laga waydiiyay xilli-ciyaareedkii dhamaaday. Ayaa waxa uu yidhi “ Ma waalni, sidaa darteed ma lihi sanad wanaagsan baa nasoo maray’’.