|
Home | Contact Us | Links | Archives |
|
ISSUE 3125 |
November 4 2012 Carafa 19,1433H | |
|
Xukuumada Oo Maxjar Labaad Ka Baal Furtay Kii Hore Ee Jiray Iyo Dareenada Ku Gedaaman Raysal Wasaaraha Dawladda Sheekh Shariif Oo La Ansixiyey Iyo Dagaalo Ka Dhacay Muqdisho
|
Maanso: Dug-Yar “Raga Foodka Naga Doonayana Midhaan Dareensiiyo, Raga Doobta Ridayoow Xadbuu Damacu Joogaaye, Dadnimadu Waxay Kuu Jartaa Duunyo Kuu Noqone, Darajiyo Xil Waa Meel Sokee Dogob Ha Noolaynin” Abwaan Weedhsame Hargeysa, November 4, 2012 (Haatuf) Abwaan Xasan Daahir Weedhsame oo ah abwaanka ay Maskaxdiisa ka soo maaxatey Maansadda Dugyar ee ka hadlaysay doorashooyinka dalka ka qabsoomay iyo kuwa hada la filayo inay dhawaan qabsoomaanba ayaanu maanta Akhristayaashayada sharafta leh la jeclaanay inaanu cadadkan maanta u soo xulnay. Maansadan Dug-yar ayuu Abwaan Weedhsame Curiyey September 2005, waqtigaas oo uu dalka ka socday ololihii doorashada baarlamaanku. Maansadu waxay ka hadlaysaa sida habboon ee loo dooran karo xildhibaano hawadoodu dhaafsiisan tahay hunguri, kuwaas oo u hagar baxaya wax u qabadka ummaddu u heelan tahay, Waxa kale oo ay maansadu taabanaysaa in hannaanka dimuqraadiyaddu uu yahay mid ugub ah oo dadka ku cusub, suurogalna ay tahay in ay keento mashkalad haddii si qaldan loo isticmaalo. Haddaba, bal ilaahay amarkii waxa dhacay wax badan oo maansadani ka sii digtay, xil-dhibaanadii la doortayna waxay u bateen qaar lagu hungoobay oo ka baaqsaday xilkii loo igmaday. Maansada Dug-yar ee ka hadlaysay Doorashadda Somaliland oo wakhtigan marxaladii wakhtigaas taagnayd oo kale ay taagan tahay, ayaa iyada oo dhamaytiran waxa uu Abwaanku ku bilaabay :- “Baasaw dabuub gabay beryahan Deexo ma lahayne Da’ furtaan idhaahdaan arkaa Caydhka soo degaye Anoo dhacan dul saaraa waqtigu Daw u furayaaye Mar is idhi ha soo dayn waxaan deyrna celinayne In kastoo dareenkii I yidhi Duubo arartaada Maan iyo dubaaq oogsadaan Maandhe dedayaaye Dibnahoo dhawaaqii rabaan Daah ku xidhayaaye Waxaan doonayaabaan intaa diid is leeyahaye Laaskaan daboolaa cir helay Soo dirqiyaaye Qalinkiyo dawadii I sii Yaanan maax dumin Afartaa dareershee haddaan Daafta kale eego Maansada dareen lagu unkaa Duugga oo hadhin Waxa looga diraa xadhkaha Daacaddoo qudhahe Runbaa daadahaysoo murtida Lagu dalleeyaaye Hayeeshee ragbaa dilay tixdoo Loogu daw galaye Baydgaabku waa dulin ku ladhan Eray dariiq haysta Wuxu dalab u yeelaa tixaha Duurxulkee badane Xaga laga dedaayiyo markuu Diirka rogi waayo Xaguu door bidaayuu macnaha Ula dawaafaaye Danni dhaanka wiilkii ku raray Dawlis la hungowye Dacda ceelka goortuu daguu Dibinta ruugaaye Dabar iyo hogaan soohanbaan Daadsadoon dhigaye Dib u joogso waa laga tashaday Maliyo deel qaafe suugaan duxdeediyo mucdii duubna muu hadhine diiwaanadeedii ragbaa daabacoo dhigaye Diric ina Suldaan baan ka tegin Doorkii maansada’e Tixuhuu ku daakiri jiraa Daawo noqon laaye Dugsi ma leh qabyaaladi ku filan Duul is baacsadaye Daba taxanta ina xaashi baa Deyawgan biin layde Xasan Ganay dabuubtuu yidhaa Deyri leyd dhaxane Daahyaley hadraawiba ku sheeg Doogta aan hadhine Damiirkii fahmaayaa xawilan Gebi dadkoodiiye Duddadiyo anoon dhaafin weli Bawdka dacalkiisa Da’ labaatan anigoo labuun Darif ka weydaartay Dooddaan ku leeyahay miyey Kugu duxaysaaba? Afartaa sidii aar dib jiray Doobta ma rakaadshay Ma dooyaystay shaalkiyo go’aan Hore u duuduubay Dababkay shideen wiilal hore Dogob ma sii saaray Dareen ugub intii aan cuskaday Danaba ma liishaamay Deganaan ma soo horay tix yare Wuu dudubiyaaye Waxa dunida kala qaybshayee Daan u kala qaaday Waxa qaar daruuraha furay Dayaxa gaadhsiiyay Damac iyo inay wada jir taan Cidina diidayne Iyaguba marbay diif qabeen Diilaliyo hooge Dir dir la isu laayiyo marbay Diriri oognayde Cudurada wax duugaba marbay Deris ahaayeene Dalandoolka caydha marbay Qaar dawarayeene Xaajadii doraad seegtaybay Dib ugu aayeene Ummad kala dayawdaa mar qudha La isu soo dumaye Nin waliba docbuu qaabiluu Diirshayuu shidaye Duq gaboobay, doob iyo caruur Dumarka oo xaytay Danta guud intaasoo jirtoo wada dedaalaysa ayaa dawladnimo meel marshee doqoni waa mooge ummad yahay la duufsaday jinbaa daasad kuu tumaye welibaad dirsooc iyo xumaan degashanaysaaye dayo adhiga waad raacsataa daayin abidkaaye misna kama duqowdaan inaad duqay tidhaahdaane dar allee xagiinaan arkaa daad ka soo galaye daruuftuu ku soo maray bulshooy deris ha kuu reebto hore ruuxii kuu deyrshay baa deeqna kuu huraye nin doraad ku dhaafsaday hunguri doonan ha u guurin darmo looma fidiyee ha dhaqan halaqyo duuduuban gal-dalooladaadana gufee dagasho waa ceebe hebel dudaya, hebel daacadiyo hebel kaloo diidsan hebel dalable, hebel duuf ku dhacay hebel dantaa mooggan hebel daabka soodhka haysta oo adi ku dooxaaya] hebel doora, hebel kuu dib jiray hebel ku daaqaaya hebel dabaya uurkiyo ishoo dhagar u dooyaystay hebel kuu dareen qaba hadday dabecdo caydhaadu mid damqada mid aan diir naxayn hebelo daaduuna hebel doolar haystoo misana dubaya jiidhkaaga hebel deyra, hebel kaa dahsoon adina kuu dooda intaasoo durbaan qaadatoo midiba daan yaalo I doortaay intaaso lahoo Degelka meeraysa Waxay manta kaa doonayaan Way dawarayaane Nin dalluunta kaa saaraya Lagu dul goobtaaye U meel daya codkiinoo hubsada Duubka nimad saari Dirir hooray, dooxooyin jabay Galal xareed daacay Dhool bari ka soo doobshayoo Degelka miishmiishay Sagalkoo dalliigaha ku wadhay Samada duudkeeda Waqal dooday, mahiigaan dalbaday Danabyo raacraacay Gudgudaha diraacdoo cartamay Dananadiisii dheh Afartaa dareershee hadaan Daafta kale eego Raga foodka naga doonayana Midhaan dareensiiyo An dardaro waadaamaha halkay Damacday laabtayda Raga doobta ridayoow xadbuu Damacu joogaaye Dadnimadu waxay kuu jartaa Duunyo kuu noqone Dawankaad tumaysaan cidbuu Doog ku kiciyaaye Carrab dalab le, deelqaaf nin yidhi Duumo laga qaadye Darajiyo xil waa meel sokee Dogob ha noolaynin Arrin doola oo ugub haddaan Deyno laga yeelan Haddaan laga digtoonaan Waxay wadato duufaano Dambaabiriyo buuq bay dhashaa Xagal ka daacdaaye Waa lagu darleefaa haddaan Maanku daadihine Dufan wiilka raadcaynayaa Waabu didiyaaye Isma-dayato way seejisaa Doobi xoor badane Layli kula dakaamiyo mararo Ruux dulqaad yariye Daratay ka qaadaa gujada Caydu daba taale Gocashada ninkii daajiyaa Dacar ku nooleeye Ha gaagixin dambeedada godladay Dhiilo yay dihane Afartaa dareershee haddaan Daafta kale eego Raga boogahaygii damqaan Taar u dirayaaye Ninka dogobka igu hoos shidoow Hadalku yuu duulin Dacarbay kala leefeen kuwii Mawdku soo diraye Dakanadu ninkii geystay bay Daar la hurudaaye Daa’iro wareegtiyo nabsaa Deeqda noo sidaye Cuqubada dumaasha’a Adaa duunyo dhaafsadaye Ha ku daalin dibinkaad dhigtaa Waanu dagahayne dibi beerta qodayoo hakaday daalna socon waayay dugyar buu idhaahdaa nin waday durugna weeyaane waxa daawad suunkiyo sarbida loogu daran doorshay degdeg inuu rooraa qof lihi ugu dan leeyahaye ana deelka maansada waxaan kuugu duray heedhe inan dunida gaadhnaan jeclee damac gobeed yeelo”. |