Home | Contact Us | Links | Archives |
ISSUE 3154 |
December 7 2012 Muxaram 23,1434 H | |
Xukuumada Oo Maxjar Labaad Ka Baal Furtay Kii Hore Ee Jiray Iyo Dareenada Ku Gedaaman Raysal Wasaaraha Dawladda Sheekh Shariif Oo La Ansixiyey Iyo Dagaalo Ka Dhacay Muqdisho
|
Beesha Toljecle oo Qaadacday Natiijada Doorashada Golayaasha Deegaanka Kadib Markii Musharaxoodii Ku Hadhay 2714 Codka Hargeysa, December 7, 2012 (Haatuf) - Beesha Axmed Sh. Isaxaaq Tol-jecle oo ka mid ah Beelaha Gobolka Maroodi-jeex, Gabiley iyo Togdheer, ayaa bayaan ay soo saartay ku qaadacday Natiijada Doorashooyinka Golayaasha Deeegaanka ee Degmooyinka Hargeysa iyo Gabiley, taasoo ay beeshu sheegtay in la musuqmaasuqay. Warsaxaafadeedkan Beeshu soo saartay oo ay sidoo kale baaq dheer ugu direen Komishanka Doorashooyinka Qaranka, Xukuumadda iyo Xisbiga Kulmiye, waxa uu u dhignaa sidan: Warsaxaafadeed: Beesha Axmed Sh. Isaxaaq (Toljecle) 06/12/2012 Ujeedo: Qaadacad Natiijada Doorashada Golayaasha Deegaanka Somaliland Madaxdhaqameedka , Aqoonyahanka, iyo Wax-garadka Beesha Axmed Sheik Isaaq (Toljecle), waxay halkan ka cadaynayaan inay Guud ahaanba Qaadaceen Natiijada ka soo baxday Doorashada Golayaasha deegaanka ee dalka ka qabsoontay 28/11/2012, taasoo aanu u aragno inaanay ku salaysnayn Cadaalad daro. Sababahan hoos ku cad awgood:- 1-Ka dib markii aanu aragnay inaanay Natiijada Doorashadan ka soo baxday ee Degmada Hargeysa ay tahay mid Xaqiiqada ka fog, isla markaana aanu aqoonsanay in si badheedh ku jiro loogu duudsiyay Xuquuqdii ay Bulshada Beeshaasi lahayd, iyadoo ay beeshu ogtahay tirada codadka ay ka heshay Doorashadaasi Degmada Hargeysa. 2-Ka dib markii aanu aragnay God-daloolooyinka kale iyo Musuqmaasuqa ka muuqda Natiijada ay Galabta soo saareen Guddida Doorashooyinka Qaranka ee degmada Hargeysa, taasoo ay muuqato in Komishanka Doorashooyinku ku Garab-siiyeen Musuq aan Geedna loogu soo gaban iyo garab saar Qabiil oo uu Xisbiga talada haya ee Kulmiye tan iyo maalintii ay Doorashadu qabsoontay ku kala reebayay 25 Musharax ee uga sharaxnaa Degmada Hargeysa. 3-Ka dib markii aanu si deg-dega uga shirnay sidii aanu uga gun-gaadhi lahayn sababta keentay in Cadaalad-Darada intan leeg nalugula kacay Beesha , isla markaana Wax-garadka, Aqoonyahanka iyo Madax-dhaqameedka Beeshu wax iska waydiiyeen arintan, waxaanu isla qaadanay arimahan soo socda. 1. Dhamaan Madaxdhaqameedka iyo dadka kale ee Magacyadoodu hoos ku xusanyihiin ee ku saxeexan war-saxaafadeedkani waxay isku waafaqeen in Natiijada Maanta lagu dhawaaqay si toosa loogu lumiyay Xuquuqdii siyaasadeed ee Beeshaasi , looguna reebay Musharixii Xisbiga Kulmiye uga sharaxnaa Beeshaasi Caasimada Hargeysa Mawliid Nuur Sidci, oo ahaa Musharaxa kaliya ee hogaaminayay tirada codadka Hargeysa, ka hor intii aan lagu dhawaaqin Natiijo ku sheegan Maanta la soo saaray 2. Waxa kale oo ay isku raaceen inay guud ahaanba qaadacaan Natiijada hada lagu dhawaaqay ee lagu duudsiiyay Mawaadiniinta Beeshaasi ee Gobolka Maroodi-jeex iyo kuwa degmooyinka kale ee Dalka, sida Gabiley iyo Qorulugud oo hore loo boobay Codadkooda. 3. Beeshu waxay arintan ka yeelanaysaa Shir deg-dega oo lagu raadinayo Masiirka siyaasadeed ee umadan laga lumiyay, waxaanay qaadaysaa talaabo kasta oo ay kaga jawaabayso Cadaalad darada lagula kacay, annagoo mar walba dhawrayna Amniga iyo Qaranimada Somaliland. 4. Beesha Tol-jecle waxay Baaq dheer u diraysaa dhamaan Cida ay khusayso arinta doorashadu, haday tahay Guddida Doorashooyinka Qaranka, Xukuumadda talada haysa, xisbiga Mucaafidka ah ee Kulmiye, guud ahaanba shacbiga reer Somaliland iyo Asxaabta iyo Ururadda Doorashada ka qayb galay, kuwaasoo ay ugu baaqayso inay hoos u eegaan Cadaalad darada noocan ah ee lagu kacay. 5. Ugu dambeyn beeshu waxay mar kale Komishanka Doorashooyinka Qaranka, Xukuumadda Somaliland iyo Xisbiga Kulmiye oo aanu u aragno inay iska kaashadeen talaabadan qaawan ee lagula kacay B ugu baaqayaan inay si dhakhso ah uga laabtaan Go’aankan oo ah mid saamayn doona dhamaan Umadda Reer Somaliland. Magacyada Salaadiinta, Cuqaasha, Aqoonyahanka iyo Wax-garadka saxeexay Qoraalkan: 1-Suldaan Axmed Daahir Muuse Cilmi. 2-Caaqil Maxamed Aw-Cismaan. 3-Caaqil Cismaan Kheyre. 4- Caaqil Aw-maxamed Cilmi Geedi. 5-Caaqil Axmed Cali Shafeec. 6-Prof, Yuusuf Cismaan Garas (Af-hayeenka Aqoonyahanka Beesha)… 7-Guddoomiyaha Ururka Dhalin-yarada ee Beesha, Yacquub Cabdilaahi Cumar. 8- Guddoomiyaha Qurba Joogta Beesha, Caydaruus Maxamuud Yuusuf . 9-Guddoomiyaha Mujaahidiinta Beesha. Mujaahid Muuse Cumar Xuseen. 10-Prof. Cabdirisaaq Xuseen Faarax (Guddoomiyaha Aqoonyahanka Beesha) |