Haatuf News

Home | Contact Us | Links |  Archives

 ISSUE 3199

 January 29 2013                                                              Rabicil Awal 17,1434H     

Xubno Ka Soo Jeeda Awdal Oo Ka Tirsan Labada Gole Baarlamaan Oo Ku Eedeeyey Qurba Jooga Gobolkaasi Inay Wadaan Kicin Iyo Abaabul Dadweyne, Kana Dalbaday Inay Joojiyaan

 

Wasiirka Maaliyada Oo Daboolka Ka Qaaday Dakhliga Cashuuraha Ka Soo Xerooday Saddexdii Bilood Ee Ugu Danbeeyay Iyo Wakiilada Oo Su’aalo Ay Maryo Dhiig Leh Ku Kala Furteen Ku Hafiyay

Shirgudoonka Guurtida Oo Daaqada Ka Tuuray Mooshin Ay Tahriibinayeen Shaqsiyaad Xildhibaano Ah Oo Lagu Carqaladaynayey Somcable

Xukuumada Oo Maxjar Labaad Ka Baal Furtay Kii Hore Ee Jiray Iyo Dareenada Ku Gedaaman

Maanta, Shalay dhaantey!

Raysal Wasaaraha Dawladda Sheekh Shariif Oo La Ansixiyey Iyo Dagaalo Ka Dhacay Muqdisho

 

 

 

  

Save The Children Oo 2 Gaadhi Ku Wareejisay Wasaarada Waxbarashada

Hargeysa, January 29, 2013 (Haatuf) – Hay’ada Save the Children ayaa shalay laba Gaadhi oo noocoodu yahay Toyota oo Midi Landcruiser yahay ku wareejisay Wasaarada Waxbarashada Somaliland, munaasibada lagu gudoonsiiyay waxbarahada baabuurtaasi oo ka dhacday xarunta wasaarada waxbarashada ayaa deeqdan oo qayb ka ah mashruuca waxbarashada Somaliland ee ay maalgaliso Midawga Yurur, ayaa masuuliyiin ka socday hay’ada Save the Children ay furayaasha baabuurtaasi ku gudoonsiiyeen shalay wasiirka waxbarashada Somaliland Marwo Samsam Cabdi Aadan, kuwaas oo wax weyn ka tari doona kormeerka waxbarasha dalka.

Ugu waxa halkaasi ka hashay Nimco Maxamed Faarax oo ka tirsan Masuuliyiinta hay’ada Save the Children, taas oo ka warantay xidhiidhka wada shaqayneed ee ay wada leeyihiin Wasaarada Waxbarashada iyo sida ay u taageeraan waxbarashada dalkan, isla markaana baabuurtan ay ugu talo galeen adeega waxbarashada inuu qayb ka noqdo. Marwo Nicmo ayaa intaasi ku dartay in Baabuurtani ay Wasaarada waxbarashada ka caawin doonto baahiyaha ka jira ee lagama maarmaanka u ah arrimaha waxbarashada. Wasiirka waxbarashada Marwo Samsam Cabdi Aadan oo halkaasi hadal kooban ka jeedisay ayaa ugu horayn mahad naq u jeedisay hay’ada Save the Childeran ee baabuurtan ugu deeqday wasaarada, waxaanay sheegtay in deeqdan baabuurta ah ee lagu wareejiyay aanay ahayn tii ugu horaysay, balse ay hay’adaasi ka wasaarad ahaan taageerto hawlaha waxbarashada, isla markaana caawimooyin ka hesho wasaaradu la xidhiidha mashruuca waxbarashada Somaliland ee ay maalgaliso Midawga Yurub, taas darteedna ay mahadnaq uga jeedisay deeqdaha ay ka helaan hay’adaasi. Marwo Samsam waxa ay intaasi ku dartay in Baabuurtan lagu wareejiyey lagu xidhi doonto Lambarka dawlada ee TG-ga, isla markaana waxa ay soo dhaweysay sidan Daah-furnaanta ah ee Bulshada horteeda loogu wareejiyey hantidan oo qaranku yeelan doono wixii hada ka dambeeya wax weyna ka tari doona adeegyada waxbarashada dalka. Dhinaca kale waxa iyaduna isla shalay hal gaadhi oo kale ku wareejisay Wasaarada Waxbarashada hay’ada NRC, sida uu sheegay Khaalid Bile Ciise oo isna shalay ku Wareejiyey Wasiirka Waxbarashada gaadhigaasi oo uu tilmaamay in lagaga shaqayn doono waxbarashada.