Haatuf News

Home | Contact Us | Links |  Archives

 ISSUE 3202

 February 1 2013                                                              Rabicil Awal 20,1434H     

Xubno Ka Soo Jeeda Awdal Oo Ka Tirsan Labada Gole Baarlamaan Oo Ku Eedeeyey Qurba Jooga Gobolkaasi Inay Wadaan Kicin Iyo Abaabul Dadweyne, Kana Dalbaday Inay Joojiyaan

 

Wasiirka Maaliyada Oo Daboolka Ka Qaaday Dakhliga Cashuuraha Ka Soo Xerooday Saddexdii Bilood Ee Ugu Danbeeyay Iyo Wakiilada Oo Su’aalo Ay Maryo Dhiig Leh Ku Kala Furteen Ku Hafiyay

Shirgudoonka Guurtida Oo Daaqada Ka Tuuray Mooshin Ay Tahriibinayeen Shaqsiyaad Xildhibaano Ah Oo Lagu Carqaladaynayey Somcable

Xukuumada Oo Maxjar Labaad Ka Baal Furtay Kii Hore Ee Jiray Iyo Dareenada Ku Gedaaman

Maanta, Shalay dhaantey!

Raysal Wasaaraha Dawladda Sheekh Shariif Oo La Ansixiyey Iyo Dagaalo Ka Dhacay Muqdisho

 

 

 

  

Xukuumada Oo Dhawaaqii Britain Ku Durtay Amniga S/Land Kaga Fal-Celisay Ciidamo Habeenkii Wadooyinka Caasimada Ku Galalafa Gaadiidka Dadwaynaha

Hargeysa, February 1, 2013 (Haatuf) – Dhawaaqii dareenka weyn ku abuuray guud ahaan bulshadda Somaliland ee ay Wasaaradda Arrimaha Debadda Britain ay ugu digtay Muwaadiniinteeda ku nool gudaha Somaliland, isla markaana Amniga dalka ka muujiyey mid cabsi badani ku gadaaman tahay joogitaanka reer Galbeedka ayey Xukuumadda talada haysaa ee Madaxwayne Siilaanyo kaga fal-celisay Ciidamo habeenkii Wadooyinka waawayn ee Caasimadda Hargeysa baadhitaano fudud ku baadha noocyada kala duwan ee gaadiidka dadwaynaha.

Sidoo kale Ciidamada Amniga ee Somaliland ee habeenkii baadha baabuurta iskaga kala gooshaya xaafadaha Magaalada Hargeysa ayaan iyagu wadaha baabuurka u dhaafin Laydhka gudaha shid, isla marka ay arkaan wajiga dirawalkana ku yidhaahda iska soco, kuwaas oo aan gabi ahaanba aan eegin wax saaran gaadiidka ay baadhayaan. Dhinaca kale dhawaaqan dareenka badnaa ee dawladda Ingiriisku ku durtey Amniga Somaliland oo siyaabo kala duwan loo fasiray ayaa noqotay Warbixin dhaawac wayn u gaysatey sumcada soo kobcaysay ee dalkani ku talaabsaday mudadii uu jiray, taas oo ka saamayn badatey aqoonsigii dawladda Maraykanku u fidisay dawladda Somalia, kaas oo himiladii shacbiga reer Somaliland ee Ictiraaf doonka iyaduna jugwayn u gaysatey.

Si kasta ha ahaatee xukuumadda xisbiga Kulmiye ee talada dalka haysa ayaan ilaa hada qaadin talaabadii ku haboonayd ee ay kaga fal-celin lahayd dhawaaqa dawladda Britain ay ku sheegtey inay khataro culus oo Argagixiso oo lagu beegsanayo dadka reer Galbeedka ah ee ku nool gudaha Somaliland, isla markaana ku ay dawladda Ingiriisku ku amartey inay degdeg  uga soo baxaan muwaadiniintoodu dalka.