Haatuf News

Home | Contact Us | Links |  Archives

 ISSUE 3394

 September 13 2013                                                            Dul-Qacdah 8,1434H     

Xubno Ka Soo Jeeda Awdal Oo Ka Tirsan Labada Gole Baarlamaan Oo Ku Eedeeyey Qurba Jooga Gobolkaasi Inay Wadaan Kicin Iyo Abaabul Dadweyne, Kana Dalbaday Inay Joojiyaan

 

Wasiirka Maaliyada Oo Daboolka Ka Qaaday Dakhliga Cashuuraha Ka Soo Xerooday Saddexdii Bilood Ee Ugu Danbeeyay Iyo Wakiilada Oo Su’aalo Ay Maryo Dhiig Leh Ku Kala Furteen Ku Hafiyay

Shirgudoonka Guurtida Oo Daaqada Ka Tuuray Mooshin Ay Tahriibinayeen Shaqsiyaad Xildhibaano Ah Oo Lagu Carqaladaynayey Somcable

Xukuumada Oo Maxjar Labaad Ka Baal Furtay Kii Hore Ee Jiray Iyo Dareenada Ku Gedaaman

Maanta, Shalay dhaantey!

Raysal Wasaaraha Dawladda Sheekh Shariif Oo La Ansixiyey Iyo Dagaalo Ka Dhacay Muqdisho

 

 

 

  

Al-Shabaab Oo Khaarajisay Dagaalyahano Ajnabi Ah Oo Dhawaan Cambaareeyey Hogaamiyaha Ururkaasi, Sheegayna Inay Ka Baxeen Al-qacidada Somalia

Baar-dheere, September 13, 2013 (W.Wararka) - Wararka laga helayo Degmada Baar-dheere ayaa sheegaya in shalay halkaasi lagu dilay Cumar Shafiiq Xamaami oo loo yaqaanay Al-amiriki iyo Osama Al-Britani, kaas oo ka mid ah dagaalyahanada Ajnabiga ah ee halkaasi ku sugan.Sida ay sheegeen dad ku sugan deegaankaasi ayaa tilmaamay in weerar kaga yimid Al-shabaab lagu khaarajiyey Abu Mansuur Al-Amriki oo u dhashay dalka Maraykanka iyo Usama al-Britani oo ah nin asal ahaan ka soo jeeda Pakistan balse sita dhalashada dalka British, kuwaasi oo hore ay isugu dhaceen hoggaamiyaha Al-Shabaab, isla markaana cambaareeyey hogaamintiisa. Kooxda Al-Shabaab ayaa bilihii ugu dambeeyay waxa soo kala dhex-galay kala qeybsanaan, iyada oo dagaalyahaniinta ajnabiga ah iyo kuwo kaleba uu bartilmaameedsanayay hoggaamiyaha Al-shabaab oo hore u khaarajiyey Ibraahim Afghani, halka ay dirqi kaga baxsadeen Xasan Daahir Aweys iyo Mukhtaar Roobow. Shalay ayaa shir maalmahan uga socday culamaa’uddiinka Soomaalida magaaladda Muqdisho waxa gabagabadii ka soo baxay Fatwo uu ururka Al-shabaab ku tilmaamay in ururkaasi uu yahay mid xagjir ah oo diinta si khalad ah u adeegsanaya, isla markaana aanay bannaanayn in la taageero, ama laga mid noqdo.