Home | Contact Us | Links | Archives |
ISSUE 3569 |
April 6 2014 Jamadi Al Thani 6,1435H | |
Xukuumada Oo Maxjar Labaad Ka Baal Furtay Kii Hore Ee Jiray Iyo Dareenada Ku Gedaaman Raysal Wasaaraha Dawladda Sheekh Shariif Oo La Ansixiyey Iyo Dagaalo Ka Dhacay Muqdisho
|
Beelaha Ayuub Oo Qaadacay Ka Qaybgalka Shirweynaha Xisbiga Kulmiye Hargeysa, April 6, 2014 (Haatuf) - Beesha Ayuub ayaa ka Biyodiiday saamiga laga siiyey Ergooyinka ka qaybgalaya shirweynaha xisbiga talada dalka haya ee Kulmiye, iyada oo beeshaasi saami ahaan looga qoodeeyay 22 Ergey, waxaanay sheegeen in aan la siinin saamigii ay ka mudnaayeen, sidaasi daraadeedna aanay Qaadanaynin Cad Quudheedkaasi. Waxaanay intaasi ku dartay Beesha Ayuub inay isla garteen in aanay ka qaybgalin shirweynaha xisbiga Kulmiye haddii aan wax laga badalin ergada looga qoondeeyay beeshooda Ayuub. Sidaasi waxa lagu sheegay warmurtiyeed ay ka soo sareen Shir ay ku yeeshen Magaalada Hargeysa, kaas oo dhamaystiranina waxa uu u dhignaa sidan:- “Kadib Markii Beesha Ayuub shir ay ku yeelatay Magaalada Hargeysa oo aaanu kaga Arrinsanaynay Ergooyinka 22 ah ee la siiyey beeshayada, waxay beeshu isla afgartay in aanay Beesha Ayuub qaadan tiradaasi 22 Ergey ee la siiyey oo aanu u aragno Cad Quudheed oo aan u qalmin beesha, hoos u dhacna ay ku keenayso Sharaf, Karamada iyo Milgaha aanu leenahay, waxa kale oo aanu cambaraynaynaa Masuuliyiinta Kulmiye ee inta ay qaybiyeen Eergooyin ka baddan 1000 ay beesha Ayuub u soo fiiqeen 22- kali ah, taasina waxay na Tusaysaa milgaha uu u hayo hogaanka Kulmiye Beesha Ayuub. Hadaba haaddii aynu Milicsano Sooyaalka Taariikheed ee intii hanaanka Xisbiyada baddan ay Somaliland u guurtay haaddii aynu jaleecno beesha Ayuub waxay tahay beesha kali ah ee Boqolkiiba Boqol Codkooda Siin jiray Xisbiga Kulmiye, Haddii ay noqoto Doorashooyinkii Golayasha Deeganka, tii Madaxtooyada, iyo tii Golaha Wakiilada, sidaasi daradeed Kulmiyoow waxaanu ku leenahay sidday Beesha Ayuub kugu listay Ugumaad hambeyn. Beesha Ayuub markii ay arrimahaasi oo dhan ay eegtay waxa ay go’aansatay in ay dib ugu celiso Xisbiga Kulmiye Ergooyinkii uu u qoondeeyay, waxanuna Leenahay Beesha Ayuub uma Qalanto ee Kulmiyoow dib isku noqda. Guntii iyo gabagabadii haddii uu Xisbiga Kulmiye hoos u eegi-waayo cabashada Beesha waxay Beeshu go’aansaday inaan shirweynaha xisbiga Kulmiye cid ku abtirsata Beesha Ayuub ka qayb gali doonin, mustaqbal siyaasadeed ee Beeshana si guud beeshu uga tashan doonto cida ay taageeradeeda u-wareejin doonaan doorashoyinka soo socda. Chief Caqil Aw Khadar Aw Hasaan Aw Ibrahim Caqil Wali Aw Ciise Caqil Ahmed Ali Adan Caqil Kamaal Sh. Mahamed Xaamud Caqil Hussein Dahir Caqil A/lahi Raabi Cadan Caqil dheeg Adan Ahmed Caqil Abdi Farah Caqil Mahamed Geele Caqil Abdilahi Hassan Caqil Burale Mahamed Dheere |