Hargeysa:
Guddoomiyeyaasha Maxkamadaha Sarre Iyo Gobolka Hargeysa
Oo Guddida Cadaaladda
Hor-dhigay Qorshe Ay Ku Inqilaabayaan Garsoorka Dalka
Labaddan Masuul Oo
Ilmaabti Ah Ayaa Damacsan Inay Shaqadda Ka Fadhiisayaan 22 Garsoore Oo
Ka Hor Yimaada Shirqooladooda
Hargeysa,
June 4, 2014 (Haatuf) – Guddoomiyeyaasha Maxkamadda Sare iyo gobolka
Maroodi Jeex Yuusuf Ismaaciil Cali iyo Faysal Cabdilaahi Ismaaciil (Dhago-dhago)
ayaa kulan ay shaley yeesheen guddida cadaaladda Somaliland hordhigay
qorshe daaqadda lagaga tuurayo 22 Garsoore oo ka mid ah kuwa ugu aqoonta
badan oo qaarkood 30 sano ka badan ka shaqaynayeen hawlaha garsoorka.
Sida ay Haatuf u sheegeen ilo wareedo xogogaal ahi kulankan ay iskugu
timid shalay guddida cadaaladda Somaliland ayaa waxa lagu go’aamiyey in
23 garsoore daaqada laga saaro oo guud ahaanba shaqada laga fadhiisiyo,
kuwaas oo markii uu guddoomiyaha maxkamadu ku dhagay hal garsoore oo uu
ku xilo-furay inaan la eryeynin laga reebay aakhirskii sidaasina waxa
lagu go’aamiyey in 22-kaa xubnood oo ka hawlgali jiray Maxkamadaha kala
duwan ee dalka in la eryo.
Labadda guddoomiye oo ilmaabti ah ayaa inta badan soo diyaariye
qoryaasha maxkamadaha dalka ee ay Muwaadiniinta Somaliland caqabadaha
iyo xad-gudubyada qayrul-caadiga ah kala kulmaan, kuwaas oo inta badan
go’aamada ugu danbeeya si gaar ah u wada gaadha isla markaana ka xan iyo
arrinba qarsadda bahda Garsoorka dalka oo ay isku mihnadda yihiin.
Dhinaca kale xogoaha Haatuf ka helay kulankan iyo shirqoolkan ay waddaan
Guddoomiyaha Maxkamadda Sarre Yuusuf Ismaaciil Cali iyo Guddoomiyaha
Maxkamada Hargeysa Faysal Dhago-dhago ee ay meesha kaga saarayaan 22-ka
Garsoore ayaa la sheegay inay ka danbeyso carqalado ay Garsoorayaashan
kala kulmeen labaddan masuul oo inta badan toos ugu xidhan Qasriga
Maxtooyadda isla markaana fududeeya Kiisaska ay Madaxtooyadu danaynayso
ee ay isha ku hayso oo ay inta badan dacwadahaasi u fuliyaan sida ay
xukuumadda Somaliland danaynayso.
|