|
|
Musharaxa Madaxwaynaha Xisbiga UCID Oo Digniino
Kul-kulul U
Diray Xukuumadda Siilaanyo, Kuna Goojiyey Inay
Mudaharaado Balaadhan Abaabuli Doonaan
Hargeysa, June 15, 2014 (Haatuf) – Musharaxa Madaxwaynaha
Xisbiga Mucaaradka ah ee UCID Aqoon yahan Jamaal Cali Xuseen ayaa
digniino kulkulul u diray xukuumadda Siilaanyo, kaas oo ugu baaqay inay
joojiso tacadiyada warbaahinta ay ku hayso, kaas oo uga digay inay sii
wado dhaqdhaqaaqyadda ay ku burburinayso xoriyatul-qawlka, isagoo luuqad
adag ku cambaareeyey xadhiga Guddoomiyaha Haatuf Md Yuusuf Cabdi Gaboobe.
Jamaal Cali Xuseen waxa uu xukuumadda Kulmiye ugu hanjabay hadii ay
joojin-waydo xad-gudubyadaasi inay axsaabta mucaaridku abaabuli doonaan
warbaahinta iyo bulshaddaba, isla markaana ay diyaarin doonaan
mudaharaado waawayn oo salmi ah.
Musharaxa Madaxwaynenimo ee xisbiga UCID Jamaal Cali Xuseen waxa uu
sidaasi ku sheegay mar uu maanta warbaahinta kula hadlay xafiiskiisa
magaaladda Hargeysa. Isagoo sidoo ka hadlay arrimo door ah ayaa isagoo
ugu horayn ka hadlay arrimahaas waxa uu hadalkiisa ku bilaabay
“Xukuumadda waxaanu mar kale ugu baaqaynaa in hadii ay joojin waydo
Tacadiyada ay Saxaafadda ku hayso ee ay badhna iibsatay oo hantidii
ummadda ayaa lagu bixiyey, badhna waa la xidhay oo kuwii warbaahinteena
ee mawqifka lahaa waa xidh-xidhay oo waxaa la yidhi xoriyatul-qawlkiina
kama hadli kartaan oo waxba ma qori kartaan. Hadii taasi sii socoto
dalku halis ayuu inaga galayaa oo barrigii xukuumadda Kulmiye iyadaa
odhan jirtay waxa la cabudhinayaa saxaafada, mida kale hadii baaqayagan
dambe laga soo jawaabiyo oo ay xukuumadu ka soo jawabai waydo waxay nagu
kalifaysaa inaanu warbaahinta abaabulno oo anaga oo xisbi qaran ah aanu
abaabulno mudaharaado aanu kaga soo horjeedno cabudhinta saxaafadda iyo
waliba xadhigii u danbeeyey ee sharci darada ahaa ee lagula kacay
Mujaahid Yuusuf Cabdi Gaboobe. Hadii aynaan arrimaha maanta socda aynaan
ka soo horjeedasanin waxay inagu kalifaysaa marka danbe dhamaanteen
hilfaha la inoo laabo”.
Isagoo hadalkiisa sii wata, isla markaana ka hadlaya xiisadaha colaadeed
ee ka taagan deegaanadda gobolka barriga Somaliland, waxa uu yidhi "Arrinta
Taleex anagu baaq ayaanu diraynaa waxaanan leenahay Xukuumada qaranka
aya uu igmaday in ay sugto Xuduudaha Somaliland laakiin dee in ay ku
darto miyir dadka walaalaheena ah ee reer Somaliland ah ee halkasi inala
dagan ee Somaliland aynu wada leenahayna in aan Xoog lagu maquunin ee
nabad,waan waan iyo walaal tinimo loo raadiyo ayaanu arinkaasi ugu
baaqaynaa"Ayuu yidhi Aqoon yahan Jamaal Cali Xuseen
Murashaxa Xisbiga UCID aqoonyahan Jamal Cali Xuseen ayaa waxaa uu ugu
danbayntii uu ka hadlay oday dhaqameedyo mudooyinki danbe ay xukuumada
Somaliland soo abaabulaysay ku waasi oo soo fadhiisanaayey Tv-yada dalka
iyaga oo taageero u muujinaaya Musharaxnimada Madaxweyne
Siilaanyo,waxana uu carabka uu ku dhuftay in ay Ceeb iyo Sharaf dhac ku
tahay Somaliland in qaabkan oo kale loo dhaqmo,waxana uu sida oo kale uu
tibaaxay in Madaxweyne Siilaanyo aanay odayaal la soo abaabulaa waxba u
tarayn isla mar ahaantaana ay ka muuqato kalsooni darro aad u badani.
"Xukuumadu waxaa ay baryihii danbe dabada ka abaabulaysay oo ay waday
salaadiin,Madax dhaqameedyo Tv-yada la soo fadhiisinaayey oo o dhanayey
anaga oo reer hela waxaanu taageer sanahay Musharaxnimada
Siilaanyo,waxaasi waa wax inagu ceeba sharaf dhacna inagu ah,waxana
halkaasi ka muuqata kalsooni daro fara badan oo Xukuumada ka muuqata
odayaal ay soo abaabusho oo ay halkaasi soo fadhiisisaana wax alaale iyo
wax ay u tarayaana ma jiran". |