Home | Contact Us | Links | Archives |
ISSUE 3570 |
August 27 2014 Shuwaal 30,1435H |
|
|
Baashe Cawil Oo Berbera Ku Sugaya 100 Gaadhi Oo Dawladu Qandaraas Qarsoodi Ah Ku Siisay Soo Iibintooda
Berbera, August 26, 2014 (Haatuf) – Wiilka uu sodoga u yahay Madaxwaynaha Somaliland Axmed Siilaanyo ee Baashe Cawil ayaa todobaadkan ku sugnaa magaaladda marsadda wayn leh ee Berbera, halkaas oo uu ku sugayey shixnad gaadiid ah oo ay dawladu qandaraas qarsoodi ah ku siisay inuu dibadda uga soo iibiyo. Gaadiidkan oo tiradiisa lagu sheegay 100 baabuur ayaa la filayey in markabkii siday uu ku soo xidho dekadda Magaaladda Berbera horaantii todobaadkan iyada oo uu Baashe Cawil maalmahanba ku sugnaa magaaladaasi isagoo iska ilaalinaya in la ogaado, balse uu joogitaankiisu soo shaacbaxay maalintii Axadii ee 24-kii bishan markii la arkay isagoo horkacaya madaxda gobolka Saaxil ee Madaxwaynaha ku soo dhawaynaysay halkaasi, iyadoo safarkan madaxwayne Siilaanyo yahay kii 3-aad ee uu sanadkan ku tago xeebta Berbera arrimo caafimaadkiisa la xidhiiidha awgood. Mr Siilaanyo ayaa isla sanadkan gudihiisa laba jeer London u tagay arrimo baadhitaan caafimaad iyo nasasho iskugu jira. Dhinaca kale Baashe Cawil ayaa isku diyaarinaya in la siiyo qandaraaska qalabka iyo adeegyada lagu fulinayo mashruuca diwaangalinta cod-bixiyayaasha ee Komishanka Doorashooyinka Qaranka. Baashe Cawil ayaa adeegsada tabo iyo xeelado kaashif ah oo uu dadka ku jiho-habaabiyo iyadoo marka uu qaadanayo qandaraasyada dawladda uu food-saare ka dhigto dad intuu magacooda isticmaalo hadhawna waxyar oo lacag ah u tuuro sida mashruucan diwaangalinta madaniga ah ee Cali Warancade isku sawiro.Source:Qarannews.com. |
|