|
Home | Contact Us | Links | Archives |
|
ISSUE 3570 |
September 22, 2014 |
|
|
|
Duqeenii Dhasha Xumaa: Gabay: Maqaloocshe
Dawladd looma haystaan Duqeenii dhasha xumaa Da’buu noo abbaahiyey Dabadeeto laga dabar Dadku wuu is-dhaamee Intuu Diiranaabuu Sacad-Muuse Daashaday Dumar iyo Ragba u dhalay Yarkaa Dibada meeree Dawladaha salaamiyo Da’buu Xaashiyaal dhalay Diyaanahaa Samaale Ee u dalacay siyaasiga Dabadhoonka Dhuxuliyo Da’kaluu Abiib dhalay
Duqeenii dhasha xumaa Markuu daanta Arab tagay Haashinbuu dib ugu baxay Uu digadaa ka wada dhigay Jamaalkaa Dilaalka Ah Yarka diinta joogiyo Ina Diiriyuu dhalay Muusoo dareeruu Dayacnaan abaahiyey Nin dabeecad ka aradan Abshirbuu da’kale dhalay Dambabeer ma dhigihii
Duqeenii dhasha xumaa Ciidagaluu dul taagnaa Cukuseiyo Digtoorkuu Darandoori ugu dhalay Isaxaaq Dumaalbuu Geeljirihii la dayrshiyo Daakhiliga ugu dhalay
Duqeenii Dhasha Xumaa Isagoo Dibjirabay Dumar Sii kaxaysteen Dacar Budhuq dul geeyeen Ciise Muuse kuma darin Doohbaana lagu yidhi Dildilaacyey reerkii Dubur buu ku kala jabay Dookh ha inoo dambeeyee Wax la yidhi daneey tali Doonyadii waxay tidhi Dadba waa xumeeyee Inagana ha lagu daro Qodobaase daba yaal Damba-beer ma dhigahoow Inta kale dishoodow Dekeduun ha noo dhalin
Duqeenii dhasha xumaa Isagoo da’furi laa Habar-Yoonis baa damac Isku soo daruurtoo Duur iyo Cabduu dhalay
Duqeenii dhasha xumaa Durka Habar-jecladu tahay Horuu ugu duraaqsaday Dabadheer Abaartii-buu Darxumada abaahiyey Diigaanyo dhabatiyo Kun da’ buu ka wada dhalay
|
|