Republic of Somaliland Recognition and Reconstruction
Tour Seminar Luncheon
Hogaamiyaha Kooxda Carta C/Qaasim Oo Rasaas Lagaga Hor- Joogsaday Inuu Ka
Duulo Madaarka Bali-Doogle
Munaasibad BallaadhanOo Loogu
Baroor-Diiqayo Annalena Tonelli Oo Ka Dhacday Magaalada Hargeysa, Dadweynaha
magaaladii Ay ku dhalatay Annalena oo dhaqaale u ururinaya Cusbitaalka TB-da
Boorama
2 Nin Oo Maayaro Hore Uga Ahaan Jiray
Berbera Oo Bileysku U Baacsadeen Dhinaca Sheekh
Guddida Fullinta Ee Xisbiga KULMIYE Oo
3 Xubnood Ka Saaray Golaha Dhexe Ee Xisbiga
Tumay Ahayd Dr. Annalena Tonelli?
Boqor Ciise Haybe Oo Sheegay Inuu Ka
Soo Horjeedo Hindisaha Dhexdhexaadinta Hawiye
Duqa Degmada Sheekh: "Waxaanu U
Aragnaa Mid Ka Soo Hor-Jeeda Somaliland.”
Bayaan xubno reer Berbera ah: “Waanu
Ka Soo Horjeednaa Hindisaha Salaadiinta”
“Waxaan Markii Hore Garaaci Jiray
Giitaarka, Kadibna.” Wareysi Khaas ah – Daa’uud Cali Masxaf
6 Bilood Kadib Qabsashadii Ciraaq Ee
Maraykanka Maxaa Iska Bedelay?
Jilaagii Caanka Ahaa “Commando” Oo
Loo Doortay Badhasaabka Gobolka California
IFTIINKA ISLAAMKA: Qisadii Nebi
Ismaaciil Iyo Abihii Nebi Ibraahim (CW)
Qiimaha Maalinta Jimcaha
ODHAAHDA AKHRISTAHA: Saxaafadda
Pakistan Maxay Ka Qortay Dilkii Annalena Tonelli?
Annalena Ha Loogu Magac-Daro Gobolka
Awdal
|
|
Republic of Somaliland
Recognition and Reconstruction Tour Seminar Luncheon |
On Monday, October 6, 2003, a ceremonial
luncheon seminar for the Recognition and Reconstruction of Somaliland was
held at Oxford Plaza, Korea Town, Los Angeles. It was organized by Vision
View, Inc., and the Somaliland Policy and Reconstruction Institute (SOPRI),
and sponsored by U.S. Pacific Development Group and UN Peace
International Foundation.
As the delegate arrived, they were given a very warm welcome. Most local
Asia news agencies were present. The luncheon ceremony was televised live
by Korean midday (noon) time news. John Choi, an old friend of Somaliland
community and one of the organizers, opened the event. This was followed
by an awards presentation by the former State of California Lieutenant
Governor and Congressman, and now Assemblyman, Mr. Mervyn Dymally. Mr.
Dymally, a man who is very knowledgeable about Somaliland, gave a brief
and informative
speech about Somaliland. He stated that as young man, he studied
Somaliland history while it was still under British Colony. He explained
that Somaliland's current international political isolation is
unacceptable, and their voice and choice should be respected. Mr. Dymally
presented an Award to both Mohammed Hashi and Adna
Adan. This was a certificate of recognition by the California State
Assembly, in honor and appreciation of their services and dedication.
Dr. Hong B. Rhee, member of the Korean Community, gave an excellent and
well presented overview of Somaliland History. Dr. Rhee stated that he
came to know Somaliland's History while he was conducting a research at
the University of Pennsylvania. He added that the more he read, the deeper
his interest in Somaliland, grew.
Mohammed Hashi Elmi, Somaliland's Minister of Commerce and Industry,
presented to the participants the opportunitities that exists in
Somaliland. He spoke about Somaliland's position and policy regarding
international investors. He described many available precious stones and
other natural resources that have been discovered so far, which are
available in commercial quantities.
Adna Adan Ismail, the Foreign minister also gave a speech about
Somaliland's political status. She showed slides and overhead projector
pictures, in chronological order, starting from the time of the British
Administration to the present.
Dr. Kaz Demille Jacobsen, who produced many movies and TV shows, won three
AME awards, served as minister in the New Zealand government, worked with
UN for many years, founded two non profit organizations, one of which has
subsidiary organizations, also spoke on this occasion. Dr. K. Jacobsen is
one of the only two survivors of 9/11, North Tower. She was in her office
located on 9th floor of the North tower when the plane hit the building.
She lost four clients, 17 staff members, as well as colleagues. Dr. K.
Jacobsen pointed out the superb quality of the presenations by the two
Ministers and Dr. Rhee.
She praised Somaliland's people for their hard work, adding that they will
be rewarded soon.
The luncheon was concluded with cutting a cake, representing the new
friendship between the Korean Community and Somaliland's people.
The participants were:
1. The Korean Community was represented by: Mr. John Choi, Mr. Sang Y.
Lee, and Mr. Samuel You.
2. The Somaliland Government was represented by: Mohamed Hashi, Adna Adan
3. SOPRI was represented by: Abdirahman Mohammed Abusite, Hassan Mogeh
Hirsi, Bonita Earl. Top
Hogaamiyaha
Kooxda Carta C/Qaasim Oo Rasaas Lagaga Hor- Joogsaday Inuu Ka Duulo
Madaarka Bali-Doogle |
Muqdisho (Haatuf) Wararka ka imanaya
Muqdisho ayaa sheegaya in maalintii shalay lagu rasaaseeyay garoonka
Ballidoogle C/qaasim Salaad Xasan oo doonayay in uu kadhoofo garoonkaasi.
Israsaaseyntan oo la sheegay inay dhexmartay ilaalada C/qaasim Salaad iyo
malleeshiyadii fadhigeedu ahaa garoonka Ballidoogle ee duleedka magaalada
Muqdisho ayaa ku khasabtay C/qaasim iyo wafdgii las ocday in ay dib ugu
laabtaan magaalada Muqdisho kana baaqdaan safarkii dibadda oo uu qorshuhu
ahaa inay in ay ugu ambabaxaan dalka Liibiya. Ilaa iyo haatan waxa ay
sheegayaan wararku in wafdigii C/qaasim iyo isaga laf ahaantiisaba ayna
wax dhibaato ahi soo gaadhin marka laga reebo ka baaqashada safarka.
Maleeshiyada garoonka gacanta ku haysa ayey beel ahaan C/qaasim isku jifo
yihiin. Wararku waxa ay sheegayaan in ay haatan socdaan dhaqdhaqaaqyo
xoogle oo lagu baadhayo sidii ay wax u dhaceen, iyo sababta keentay
Rasaasta lala beegsaday waftuga C/Qaasim balse wararka qaar ayaa sheegaya
in ay ka dhalatay mid ka mid ah ilaalada C/qaasim oo ka cabanayey dhinaca
mushaharada. Top
Munaasibad
BallaadhanOo Loogu Baroor-Diiqayo Annalena Tonelli Oo Ka Dhacday
Magaalada Hargeysa, Dadweynaha magaaladii Ay ku dhalatay Annalena oo
dhaqaale u ururinaya Cusbitaalka TB-da Boorama |
Hargeysa (Haatuf): Munaasibad si weyn loo
soo abaabulay oo loogu baroor diiqaqyey Annallena Tonneli oo habeenkii
Axadii lagu dilay magaalada Boorame ayaa shalay lagu qabtay hoolka
xafladaha Panaroma, munaasibadaa baroor diiqda ah waxa ka qayb galay madax
ka tirsan dawladda Somaliland oo ay ka mid yihiin madaxweyne ku xigeenka
Somaliland Axmed Yuusuf Yaasiin, wasiiradda Arrimaha gudaha, qorsheynta,
warfaafinta, madaxtooyada, gudoomiyaha golaha guurtida Sh. Ibraahim Sh.
Yuusuf Sh. Madar, xubno kale oo ka tirsan xukuumadda, madaxda hay’adaha
qaramada midoobay iyo kuwa caalamiga ah, culimaa’udiin, shakhsiyaad ay
qaarkood la soo shaqayn jireen Annalena Tonneli iyo marti sharaf kale oo
badan.
Intii aan la bilaabin munaasibadaa baroor-diiqda ah waxa dadkii ka soo
qayb galay ay muddo hal daqiiqo ah isu taageen xuska Annalena Tonneli, ka
dib waxaa halkaa laga soo jeediyey khudbado badankooda loogu
tacsiyadaynayo Annalena, iyada oo laga waramay taariikhdeedii iyo
waxqabadkeedii, ugu horeyn waxa halkaa ka hadlay mdaxweyne ku xigeenka
Somaliland Axmed Yuusuf Yaasiin oo sheegay inay xukuumadda iyo shacbiga
Somaliland-ba si weyn uga murugoodeen ugana xumaadeen dilka loo geystay
dilka loo geystay Annalena, taasoo uu sheegay in qofkasta oo reer
Somaliland ah ay ku noqotay dareen murugo iyo naxdin leh dilka gabadhaasi
oo aanay dhaqan ahaan iyo diin ahaanba raali ka ahayn, wuxuuna isaga oo
arrintaa ka hadlaya yidhi “Waxaanu aad uga xunahay dilka Annalena,
waxaananu ka tacsiyadaynaynaa dawladda Talyaaniga iyo shacbiga
Talyaanigaba. Annalena Tonneli waxay geli doontaa taariikhda Somaliland,
qof kasta oo reer Somaliland ahina wuu ka naxay oo wuu ka cadhooday
dilkeedaasi foosha xun ee loo geystay Annalena, waananu ka
tacsiyadaynaynaa qoyskeedii”.
Waxa isna halkaa ka hadlay gudoomiyaha guurtida Sh. Ibraahim Sh. Yuusuf oo
sheegay inay shacbiga reer Somaliland ku dhacday geeri aad u weyni “Waxaa
nagu dhacday, haddaanu nahay shacbiga Somaliland geeri weyn, waxay ahayd
qof nafteeda u hurtay inta ay nooshahay inay caalamka wax tarto, wayna
tartay. Waxaan u malaynayaa inaanay meel kale ka qaban waxa ay Somaliland
u qabatay, waxay samaysay iskuuladii dhegoolayaasha, oo maanta shaqeeya
dadka TB-da qaba iyadaa dawooyinka gacanteeda ku siin jirtey, waxaan u
malaynayaa inay arrintaasu ahayd mu’aamarad Somaliland lagu ceebaynayo.
Laakiin waxaanu ku ladanahay anaga oo qabanay markii wax dheceen, ruuxaa,
waxaase ka wanaagsanaa iyada oo haad-biidhi lagu xidho oo la raaciyo
maydkeedii, waxaanu Ilaahay ka baryeynaa in tacwiid kheyr qabta halkeedii
inoogu soo bedelo”.
Sidoo kale waxa halkaa ka hadlay wasiirka arrimaha gudaha Somaliland
Ismaaciil Aadan Cismaan oo sheegay inay cadaalada horkeenayaan cidii
geysatay falkaa foosha xun, isla markaana wuxuu xusay inay Somaliland
tahay meesha ugu nabad gelyada, marka loo eego geeska Afrika, haddii aanay
ahayn adduunkaba.wuxuuna isaga oo arrintaa ka hadlaya yidhi “Somaliland
waxay noqotay meesha ugu nabadgelyada fiican gobolka geeska Afrika, haddii
aanay ahayn adduunkaba. Sidaana way xaqiiqsan yihiin qaar badan oo ka mid
ah dadka tacsidan fadhiya”.
Wasiirku waxa uu intaa ku daray inay xukuumad ahaan balan qaadayaan
nabadgelyada oo ay masuul ka yihiin wuxuuna ka codsaday deeq bixiyayaasha
caalamiga ah, iyo hay’adaha UN/UNDP ee ka shaqeeya Somaliland inay
dhaq-dhaqaaqooda la soo socodsiiyaan xafiiska ku shaqada leh, si loo sugo
nabadgelyadooda, inkasta aanay Somaliland jirin khatar xaqiiqdii laga
cabsi qabaa. Wasiirku waxa uu intaa ku daray in madaxweynaha Somaliland
Daahir Rayaale Kaahin uu tacsi u direy dawladda Talyaaniga, shacbiga
Talyaaniga iyo qoyskii ay ka geeriyootay Annalena-ba, isla markaana
xukuumadda Somaliland iyo shacbigeeduba ay aad xumaadeen dilka loo geystay
gabadhaasi. Waxa kaloo halkaa ka hadlay
wasiirka qorsheynta Axmed X. Daahir oo sheegay inay haweenaydaasu ahayd
mid nolosheeda intii badnayd ku qaadatay gargaarka iyo taakulaynta dadka
jilicsan.
Sidoo kale waxa halkaa ka hadlay Faadumo Siciid oo ka tirsan UNDP, isla
markaana ku hadlaysay magaca UN-ta, iyadoo tidhi “Annalena waxay ahayd mid
ah tirada yar ee tusaalaha u ah dadka mutadawaciinta ah ee jecel inay
caawiyaan dadka foqorada ah iyo kuwa u baahan gargaarka bani’aadminimo.
Sh. Maxamed Siciid Taawir oo imaam ka ah masjid jaamaca Boorama ayaa
sheegay inuu Annalena Tonnali muddo la shaqaynayey oo uu dhinaca gudniinka
fircooniga ah kala shaqay jirey, isla markaana mararka qaar u raaci jirey
meelaha tuulooyinka ah ee ay ka wado hawlaha halgankii ay ugu jirtey
dabargoynta gudniinka fircooniga ah, wuxuuna tilmaamay inay ahayd qof
karti badan oo naxariis badan.
Munaasibada baroor-diiqda ah oo la dhigey qaar ka mid ah sawiradeeda,
waxaana loogu magac daray cusbitaalkii ay gacanta ku haysay oo loo bixyey
Annalena Hospital. Top
2 Nin Oo
Maayaro Hore Uga Ahaan Jiray Berbera Oo Bileysku U Baacsadeen Dhinaca
Sheekh |
Berbera (Haatuf) waxa maalintii shalay
magaalada Berbera ay Ciidanka Boolissku ka baacsadeen labadii maayar ee
hore ee Berbera oo kala ah Cabdale X.Cali Iyo Faysal Maxamed Aadan
labadaasi maayar oo ay ciidanka booliska berbera is eryadeen ayaa waxa
lagu sheegay qabashadooda arin la xidhiidha dhawaaqii salaadiinta waxaana
sida uu u sheegaywariyaha haatuf ee Berbera C/raxmaan Casaan sarkaal ka
tirsan ciidanka booliska isga oo intaa ku daray in ay qoraal amara ka
heleen xaga sare ee xukuumada hase yeeshee markii ay ciidanka boolika ee
loo diray ee ay u tageen labadaasi masuul oo gaadhigooda wata ayna
joojiyeen kuna wargaliyeen in ay sal dhiga u raacaan ayaa waxa ay si xawli
ah kaga dhaqaaqeen gaadhigii uu watay boolisku markii ay ka daba tageena
way gaadhi waayeen kuwaasi u caymaday dhica bariga magaalada Berbera siina
jiidhay kantaroolka looga baxo wadada Bariga iyagoo xawaare ku socda.
sida uu xaqiijiyey sarkaalkaasi ka tirsan boolisku waxaana la sheegay in
ay gaadhigii ay wateen uu ku xumaaday buuralayda Degmada Sheekh. Top
Guddida
Fullinta Ee Xisbiga KULMIYE Oo 3 Xubnood Ka Saaray Golaha Dhexe Ee
Xisbiga |
Hargeysa (Haatuf): Guddida fulinta ee ee
KULMIYE ayaa go’aan ku gaadhay inay ka saaraan saddex xubnood oo ka mid ah
golihiisa dhexe xubinimadoodii golaha dhexe iyo gebi ahaanba xubinimadii
xisbiga KULMIYE, iyaga oo ku eedeeyey inay ku kaceen falal ku lidi ah
qaranimada Somaliland iyo mabaadi’ida xisbiga KULMIYE Sidaana waxa lagu
sheegay warsaxaafadeed ay soo saareen guddida fulinta ee xisbiga KULMIYE
oo uu ku saxeexan yahay xoghayaha guud ee xisbigaasi Daa’uud Maxamed
Geelle.
Saddexdaa nin oo kala ah Maxamuud C/laahi Jaamac (Sifir), Cabdalle X. Cali,
Faysal Axmed Aadan (Faysal Madoobe), waxay guddidu u cuskadeen ka
saaristooda xisbiga qodobo dhawr ah oo ku xusan warsaxaafadeedka guddida
fulinta.
Saddexdan nin oo la sheegay inay lug ku leeyihiin dhaq-dhaqaaqa ay wadaan
qaar ka mid ah Salaadiinta Somaliland ee ah inay Xamar u tagaan
dhex-dhexaadinta beelaha Hawiye, isla markaana uu mid ka mid ahi (Maxamuud
C/laahi Jaamac (Sifir) uu xiligan ku sugan yahay magaalada Muqdisho,
labada nin ee kalena waxa ku daba jira booliska Somaliland, oo sida la
sheegay haatan dhuumasho ku jira, iyada oo lagu eedaynayo arrimo la
xidhiidha dhaq-dhaqaaqa qaar ka mid ah salaadiinta Somaliland.
Go’aanka guddida fulinta ee xisbiga KULMIYE soo saaray, isaga oo
dhamaystiran wuxuu u qornaa sidan:
“Shir ay yeesheen Guddida fullinta ee xisbiga KULMIYE taariikhda kor ku
xusan.
Markuu arkay dastuurka Jamhuuriyadda Somaliland qodobkiisa 34-aad,
faqradihiisa 1-aad iyo 2-aad.
Markuu arkay xeerka xisbiga KULMIYE qodobkiisa 12-aad, faqradaha B,J,Kh,
iyo D.
Markuu ka baaraandegay siyaasadda xisbiga ee waafaqsan siyaasadda qaranka
Somaliland.
Markii ay u cadaatay in xubno ka tirsan xisbiga KULMIYE ay ku milmeen
siyaasada ka hor imanaysa jiritaanka qaranimada iyo midnimada ummadda
Somaliland ee ay Salaadiinta qaar ka midi ugu yeedheen heshiisiinta
beelaha Hawiye.
Markuu arkay in go’aankaas kooxdaas salaadiinta qaar ka midi wadaan uu
khilaafsan yahay, dhaawacayana midnimada, jiritaanka, qaranimada, nabadda,
xasiloonida, iyo gooni isku taaga Jamhuuriyadda Somaliland oo ummadda
gelinayo wallaahow iyo jaho-wareer siyaasadeed.
Xubnahanina ay si toos ah uga qayb qaateen.
Wuxuu go’aamiyey in saddexda xubnood ee kala ah:-
Maxamuud C/Laahi Jaamac (Sifir)
Cabdalle X. Cali
Faysal Axmed Aaden (Faysal Madoobe).
Laga bilaabo maanta oo taariikhdu tahay ta kor ku xusan ay waayeen
xubinimadii ay kaga mid ahaayeen xisbiga siyaasiga ah ee KULMIYE iyo
golihiisa dhexeba.
Maadaama ay ka baydheen, ka leexdeen, khilaafeen kana horyimaadeen
siyaasadii, go’aamadii iyo mawaaqiiftii uu xisbiga KULMIYE iska taagay
arrintaas iyo tii qaranka Somaliland-ba.” Top
Tumay Ahayd Dr.
Annalena Tonelli? |
Qore: Maxamed Daheeye Ismaaciil – Maayarkii
hore ee Boorama
Duqii hore ee magaalada Boorama mudane MaxamadDaheeye Ismaaciil, ayaa na
soo gaadhsiiyey tacsi iyo maqaal ka hadlaya wax qabadkeedii iyo soo
yaalkeedii taariikheed oo uu u baxiyay Tumay ahayd Analina, kaasoo u
qornaa sidan:
“waxaan ugu horayn tacsi u dirayaa ehelkii ay ka geeriyootay iyo umadii ay
wax u qabanaysay oo ku kala filiqsanayd geeska afrika iyo soomali-landba
waxaanan uga tacsinayaa falkii waxshinimada ahaa ee lagu dilay
haweenaydaasi dhakhtrada ahayd 8:00Pm 05/10/2003 Mudado 2 sano ah oo aan
soo wada shaqaynay oo aan Mayorka ahaa waxaan qirayaa inuu wax qabadkeedu
ahaa mid wax ka bedelay taariikhda Boorama iyo guud ahaan gobolka
Awdal,waxaa kale oo wax qabadkeedu gaadhay guud ahaan somaliland iyo
deegaanada ku xeeran oo dhan. Taariikh nololeedkeedii horaa loo soo qoray
waxaanse soo bandhigayaa kaliya, waxqabadkeedii siduu ahaa, maxayse ka
tagtay,yase halkeedii buuxin kara?
Waxay dalka timid bishii October 1996 iyada oo keligeed ah oo dalkeedee
yurub ee ay ku raaxaysan lahayd uga soo go’day inay dadkeena wax uqabato,
mudo kooban ayuu waxqabadkeedu ku talaabsaday horumar xoogan,kuna baahay
G.Awdal,Somaliland ilaa dalaka geeska een jaarka nahay,Hadaba
waxqabadkeedii oo aan weliba soo koobayna waatane ku soo dhawaada.
-Bilawgii hawsheeda caafimaadkaOctober 1996 waadh ka mid ah cusbitaalka
guud oo ahaa waadhka kaliy oo TB-da lagu daweeyo oo ay yaalaan 20
sariirood oo keliya, tacab badan oo heerar kala duwan soo maray ka dib
waxay maanta gaadhsiisay cusbitaalkaasi inay ku kordhiso dhismayaal ah 8
waadh oo waaweyn iyo mid cusub oo 2dabaq ah oo cusub 9kaasi waadh oo ay
yaalaan 250 sariirood iyo qalabkoodii oo u dhan.
Hal Sheybaadh tayadiisu sarayso oo qalabkiisa iyo dawadiisuna u dhanyihiin
baadhisna lagu sameeyo cidii xanuun qabta.
shaqaalaha ka shaqeeya cusbitaalka oo kaliya: waxay dhanyihiin 44qof oo
isugu jira dhakhaatiir ilaa adeege.
waxbarashada cubitaalka gudihiisa oo kaliya ka socota:Waxay cusbitaalka
gudihiisa ka furtay laba dugsi oo kala ah dugsi Quraan, iyo dugsi afka
Ingiriisiga iyo afka soomaaliga uguna talo gashay in mudada 6da bilood ah
ee ay qofka dawada u wado inuu jahligana ka baxo.
Dugsigaasi oo ka kooban 6 class, waxaana isu bedela 6 macalin galab iyo
subax mushaharkoodana iyadaa bixisa.
Qalabka, dawada iyo daweyta: Wax alla waxa qalab iyo dawo ah ee u
cusbitaalku ku socda ka bilow sariirta ilaa, biyaha, laydhka, raashinka oo
dhamaantood iyadu kafaalo qaaday.
Dawada iyo daaweynta. Wxaxay keeni jirtay wax alla waxa dawo ah ee ee la
siiyo bukaanada cusbitaalka jiifa iyokuwo ay u kala dirto dadka Gobolka ku
filiqsan ee qaba xanuunka.Habka daaweyta waxay qofka ay daaweynays ka
qaadi jirtay damiin adag oo qofka ay dawynayso ka masuul ah, marka ay
dawaada bixinayso waxay istimaali jirtay codbaahiye ay ku xadiriso bukaan
socodka cida aan socon karina sriirta ayayugu dul geyn jirtay.
Raashinka Cusbitaalka:Waxay maalin kasta raashimisaa guuda haan450qof oo
ay u kala bixiso a)200 qof oo kamid ah waxy siisaa raashin karsan oo 3da
waqti ahmaalin walba b)200 qofna waxay siisaa raashin qalalan kuwaasoo u
badan dadkii u dambeeyey ee cusbitaalka ka baxay iyo kuwa mar hore ka baxa
dhaqaalahoodu liito si aanay awoodoodu isu dhiminoo xnuunku ugu soo
noqonin kuwaasi oo guryahooda ugu geyso oo maalinle ah.
hawlaha caafimaad ee cusbitaalka ka baxsan ee ay garab wado:
a) Wacyigelinta ka hortaga xanuunka HIV maadaama ay Boorama ku taalo meel
kulmisa dalalka jaarkeena oo ay xanuunadaasi ku soo horeeyeen iyo dalkeena
oo dadka 3da xad isaga gudbayaayi ku kulmayaan
b)Ka hortaga gudniinka fircooniga ahFGM taaasoo ay ku guulaysatey inay
kajoojiso25 haween ah oo samayn jiry gudniinka una jihayasey xirfado kale
oo ku shaqystaan iyo abaalmarin ay u siisay caruuahooda waxbarasho xor ah
tasoo wacyi gelintiisana aygaadhsiisey ilaa heer tuulo iyo baadiyahaba.
c)waxay diyaarisay oo ay qabatay in ka badan 150 (workhops)oo kuaabsan ka
hortaga iyo iska ilaalinta xanuunadaaasi.
d)Kooxo dhkhaatiirta wareegta oo ay3dii biloodba hal mar u kala dira
tuulooyinka iyo magaalooyinka gobolku ka kooban yahay kooxo isugu jira TB
controllers iyo laboratery wareega oo goobahaasi ka soo baadha cida qabtay
xanuunadakaneecada,shubanka,TBda.
e) Waxay tabaaro siisay25 CHW(xarumo caafimaad) oo gobolka ku baahsan
kuwaasoo loo tababaray inay iyagu baadhaan xanuunada Mlariyada, Tbda,iyo
shubanka si mustaqbalka looga kaaftoomo kooxahaas caafimaad ee.
Dugsiga dhgoolaha: oo ah dugsigii ugu horeeyey ee laga furo S/land iyoguud
haan dalalka jaarkeena ah. Waxay dugsigaasi ku bilawday horaantii1998-kii
(10) Arday oo keli ah oo ay wax ugu dhigi jirtay waab yar oo hadh ah
hoostii Taasoo ay maanta marayaan 286 Arday .December 1998 ayay bilowday
dhismihii ugu horeeyey ilaa ay gaadhsiisay dhisme ka kooban12class oo ah
fasalo ardaydu waxku bartaan,2xafiis oo macalimiinta ah,
2store,musqulahoodii iyo deyrkoodii oo xidhan lehna barxad balaadhan oo ay
ku ciyraan kubada gacanta .286- Araday waxay u kalabaxa sidan soo socaota.
a)- 72 Arday waa dhagoolayaal aan waxba maqli Karin: Oo kala dhigta Class
1 ilaa Class 6 waxna ku barta afka ingiriisiga kuna bartaan culuunta kala
duwan ee xisaabaadka ,sayniska , juqraafiga, taariikhda, computerka ,afka
ingiriisiga,taasoo manta aad arkaysid ilmihii shalay dhagaha la’aa oo
manta E-mailka iyo Internetka caalamka kula xidhiidhaya iyagoo adeegsanaya
luqada ingiriisiga
b)- 21Arday oo ah caruurta naafada ah iyaguse dhaga qaba oo iyaguna qaata
duruustaas oo kale.
c)- 193 Ardayna waxay isugu jiraan: agoomaha, caruurta dadka laga tirada
badanyahay,iyo kuwa kasoo daaduumay meelaha baadiyaha iwm oo iyaguna la
waxbarasho ah kuwaas hore.
d)-Macalimiinta dugsigaasi tiradoodu waa15 macalin iyo 3qof oo isugu jira
adeege iyo waardiye mishharkana iyadaa siisa.
e)-Waxay aqalkeeda si joogta ah ugu quudisaa 50 qof maalin kasta kuwaasoo
ah isugu jira dadka suuxdinta qaba , dadka waalan qaarkood iyo ardayda
dhagoolayaasha ee laga keenay meelaha kale ee dalka ee reerahoodu degenayn
magaalada.
Mashruuca qaliinka indhaha ee KIKUYO EYE CAMP .Dhakhaatiirtaa oo ay iyadu
masuul ka ahayd keenistooda iyo qaabilaadoodaba, sanadkii 2 jeer ka
keentaa dalka Kinya .Waxayna keentay ilaa hadda 9jeer oo ay markay ugu
yaryihiin qalay isu celcelin 450 qof markiiba taasoo tirada guud ka
dhigaysa 5000 oo qof tasoo kharashka ku bixi lahaa dadkaa hadii dibada
lagu soo qali lahaa ay ku kici lahayd kharash ku dhow labaatan milyan oo
doolar taasooBoorama ka dhigatay meel ay dad badan oo 20 sanadood aan wax
arkin ku indhabaraqsadaan.
Dugsiga Indhoolaha oo ay isagana wax alla wixii qalab ahaa ay u diyaarisay
idaacadahana ay ka sii daysey in la furayo oo ay haddaba sii bilowda hal
qof ooy wax barto si uu tusaale u noqdo
Waqtigan xadirka ahna: Waxay gacanta ku haysaydhismaha xarun weyn oo dadka
waalan lagu xanaaneeyo iyo mashaariic kale.
Maxamed Daheeye Ismaaciil Top
Boqor Ciise
Haybe Oo Sheegay Inuu Ka Soo Horjeedo Hindisaha Dhexdhexaadinta Hawiye |
Hargeysa (Haatuf) Boqor Ciise Haybe Khayre
oo ah Boqorka Beesha Arab ayaa sheegay inuu ka soo hor jeedo hindisaha
dhexdhexaadinta beesha Hawiye oo ay soo jeediyeen qaar ka mid ah
Salaadiinta Somaliland uuna taagersanyahay Bayaankii diidmada ahaa ee ay
soo saareen qaarka tirsan Salaadiinta Somaliland maalintii Arbacadii.
Waxaanu sidaa ku sheegay waraysi Wargeyska Haatuf la yeeshay habeen hore ,
isaga oo intaa ku daray in qorshahoodu ahaa in ay madax dhaqmeedyada oo
dhami meel isugu yimaadaan meel kaliya oo ay tala mida arrintaa ka
yeeshaan , si loogu qanciyo salaadinta hindisahaa waday inay ka noqdaan.
Balse taasi aanay suurto galin.
Isagoo hadalkiisii wata boqor ciise waxa uu ugu baaqay Salaadiintaasi inay
ka noqdaan hindisahaas dhexdhexaadinta ah “Duruufta haatan lagu jiro waxa
daruuri ah in la wada ilaaliyo midnimada dalka iyo in laga digtoonaado
khataraha dalka dibada kaga imanaya lana ilaaliyo degaanaashaha” ayuu
yidhi boqorku , isagoo ugu baaqay Salaadiinta hindisahaa waday inay ka
noqdaan taas oo uu sheegay in hadii la fuliyo dalka u horseedaysa
dhibaatooyin aan laga soo waaqsan karin. Top
Duqa Degmada
Sheekh: "Waxaanu U Aragnaa Mid Ka Soo Hor-Jeeda Somaliland.” |
Sheekh (Haatuf): Maayarka Degmada Sheekh
Xasan Cali Maxamed ayaa sheegay in maamulka iyo dadweynaha degmadaasi ay
si weyn uga soo horjeedaan hindisihii dhex-dhexaadinta ee ka soo yeedhay
qaar ka mid ah salaadiinta Somaliland, taasoo uu ku tilmaamay mid ka soo
horjeeda jiritaanka iyo qaranimada Somaliland, waxaanu sidaa maayarku ku
sheegay waraysi uu maalintii shalay la yeeshay weriyaha Haatuf ee Berbera
C/Raxmaan X. Daahir Casaan, waraysigaas oo uu maayarku kaga waramay arrimo
kale oo khuseeya degmada iyo xaaladda haatan taagan-ba, ugu horeyna
maayarka oo ka jawaabaya su’aal la xidhiidhay sida uu u arko baaqii
salaadiinta waxa uu yidhi “Haddaanu nahay maamulka iyo dadweynaha
degmada-ba waxaanu u aragnaa dhawaaqaa salaadiinta mid ka soo horjeeda
jiritaanka Somaliland, dadweynaha degmadu aad bay uga xumaadeen”.
Maayarka oo weriyuhu weydiiyey labadii maayar ee hore ee magaalada Berbera
oo ay ku daba jiraan boolisku lana sheegay inay u fakadeen dhinaca Sheekh
waxa uu yidhi “Waan maqlay warkooda iyo inay dhinaca degmada Sheekh u soo
baxeen, laakiin maamul ahaan wax war ah la igama soo siin, ciidanka
booliska dhinaca qaybta gobolka ayaa lagala soo xidhiidhay oo lagu amray
inay raadiyaan”.
Mar la weydiiyey maayarka inuu isku dayey inuu labadaa nin la xidhiidho
waxa uu yidhi, “Haa, oo isla shalayba waxaan tegay dariiqyada iyo guryihii
ay deganayeen, balse ugumaan tegin oo waan ka waayey”.
Isaga oo ka jawaabaya gaadhigii labadaa nin siday oo dhexyaala buurta waxa
uu yidhi, “Gaadhigaasi waa run oo wuu yaalaa, laakiin inuu koodii yahay
iyo inuu mid kale yahay ma sixi karo, oo anigu shakhsiyan maan aqoonin
gaadhiga Cabdalle”.
Ugu dambayn duqa oo ka waramaya xaaladda degmada waxa uu sheegay inay aad
u wanaagsantahay xaaladda degmadu, balse ay jirto dhaqaale xumo degmada
haysata, waxa kale oo uu sheegay in bishii hore uu xanuunka kaneecadu ka
dilaacay tuuladda Gidhays, Gugux iyo jiidaha la xidhiidha, halkaana ay u
direen dawooyin, ugu dambayntiina waxa uu beeniyey duqu inuu khilaaf u
dhaxeeyo, isaga iyo mudanayaasha golaha deegaanka ee ay wada shaqeeyaan. Top
Bayaan xubno
reer Berbera ah: “Waanu Ka Soo Horjeednaa Hindisaha Salaadiinta” |
Anagoo ka wakiila ah golaha deegaanka Berbera
iyo dagmada Berbera iyo dadwaynaha degan gobolka saaxil waxaanu is buuxda
oo af iyo gacanba leh u taageeraynaa warsaxaafadeedkii madaxwayne ku
xigeenka Axmed Yuusuf Yaasiin iyo micnihii uu xambaarsanaa ee soo baxay
7-10-003 in uu yahay rabitaanka dadwaynaha reer somaliland muqadis oo uu
cadyahay cidii ku talo gasha in ay mugi galisana laga yeeli maayo waxaanan
u aragnaa danbiile qaran gooni isu taaga Somaliland waa muqadis oo ma aha
mida ya doodi ka furan tahya arintii naxdinta lahayd ee ka soo yeedhay
salaadiinta iyo cida u ku wehelisaba ee u dhalatay dalka somaliland waxa
aanu kula talinaynaa in ay ka noqdaan haybad eebe ku siiyey habeen la
iskama qaadee, waxaanu dadwaynaha reer Somaliland ku guubaabinayanaa
iyagoo is kaashanaya in ay si feejigan leh u ilaashadaan jirataanka
qaranimadood goonida u taagan waxaanaan madaxwaynah iyo ku xigeenkiisa iyo
golaha guurtida xukuumada hiil iyo hooba ayaab kula garab taaganahay.
Xildhibaan:-
Cawil Cali Sugule
Ing.Maxamed Cumar Cabdi
Cabdi Jaamaca Musbaar
Cabdale Jaamac Guuleed (Kidaare)
C/Laahii X.Cali Liibaan
Maxamed Siciid Ducaale
Cali Cabdi Guuleed Top
“Waxaan Markii
Hore Garaaci Jiray Giitaarka, Kadibna.” Wareysi Khaas ah – Daa’uud
Cali Masxaf |
Hargeysa (Haatuf): Waxaan awel garaaci jirey
Giitaarka, dabadeed waxaan bilaabay kamanka ka dibna codeynta iyo ku
luuqeynta heesaha” sidaa waxa yidhi Daa’uud Cali Masxaf oo aanu waraysi
dhinacyo badan leh oo xiiso leh aanu kula yeelanay Hargeysa, isaga oo
dhawaan dalka yimid, ka dib markii uu ka soo socdaalay dalka Djibouti oo
uu degenaa muddo saddex sano.
Haddaba, waraysigaasi oo ah mid aad u xiiso badan, isla markaana aad ka
heli doonto su’aalo badan oo aad muddo jawaabtooda raadinaysay, isla
markaana uu kaga sheekaynayo taariikhdiisii fanka iyo horumarka uu ka
sameeyey dhinaca fanka.
la soco maalinta Axadda ah. Top
6 Bilood Kadib
Qabsashadii Ciraaq Ee Maraykanka Maxaa Iska Bedelay? |
Washigton (W.Wararka) Maamulka Bush ayaa
bilaabey Olole uu isku dayayo inuu dib ugu hantiyo taageerada siyaasadda
iyo tan shicibka ee ku aaddan siyaasadiisa Ciraaq.
Ololahani waxa uu ka marag kacayaa in Aqalka Cad uu mashaakil ku hayo
Ciraaq. Dadka Mareykanku waxa ay is-weydiinayaan in dagaalka Ciraaq lagu
qaadey uu yahay mid istaahila in lagalo iyo in kale. Siyaasiinta
Mareykanka oo xataa ay ku jiraan kuwa ka tirsan Xisbiga Jamhuuriga ee Bush
hogaamiyaha u yahay, waxa ay su'aalo iska weydiinayaan qiimaha ay ku
kaceyso dib u dhiska Ciraaq. Sidaas ayaa Maamulka Bush uu haatan u
bilaabey in fasiraadda arimahaas uu gaadhsiiyo shicibka Mareykanka.
Waxaana fariimahaas fidintooda bilowdey Haweeneyda Aqalka Cad u ah La
Taliyaha Ammaanka Qaranka, Ms Condoleezza Rice oo dad ay Chicago kula
hadashey u sheegtey in baadhayaasha hubku ay soo bandhigeen cadeymihii ku
saabsanaa sababihii Ciraaq loo weerarey, maadaama ay iska hor imaatinku uu
muujiyey inuu Saddam ahaa cabsi adduunka ku soo foolleh. Waxa ay Ms Rice
weydiisey dadka ka soo horjeeda dagaalka Ciraaq, bal inay dib u jaleecaan
oo ka waramaan sida ay noqon lahaayeen cawaaqibka ka iman karayey haddii
Saddaam xukunka lagu daayo?
Waxa Ms Rice ay sheegtey in haddii Saddam loo deyn lahaa awoodda ay taasi
kala dilaacin lahayd awoodda Qaramada Midoobay oo uu Saddam wiiqi lahaa
awoodda uu Golaha Ammaanku ku fuliyo rabitaanka nabadeed ee jamaahiirta
caalamka.
Waxa ay Ms Rice tidhi Ciraaq oo Saddam ka madaxbannaan waxa ay Carabta
kale ee Bariga Dhexe u noqon kartaa tusale lagu daydo oo isbdel dimuqraadi
u keena gobolkaasi.
Madaxweyne George W Bush iyo ku-xigeenkiisa Dick Cheney ayaa la filayaa in
maalmaha soo socda ay jeediyaan khudbado la mid ah ta Ms Condoleezza Rice
ay ka jeedisey Chicago.
Dhinaca kale shalay oo Khamis ah ahayd waxa ciidamada Isbaheysiga ee
Mareykanku hogaaminayo u buuxsantahay lix bilood oo laga joogo maalintii
ay galeen Baqdaad.
Markii dhulka la soo dhigey taaladii Madaxweynihii hore ee Ciraaq, Saddam
Hussein, waxa adduunku uu daawadey dad badan oo reer Ciraaq oo faraxad
dariiqyada ku ciyaaraya. Maanta oo lix bilood laga joogo dhacdadaas,
Ciraaqiyiin badan ayaa sheegaya iney ku faraxsan yihiin inuu Saddam tagey,
laakiin ma hubaan in noloshoodu ay maanta dhaanto tii wakhtigii Saddam.
Reer Ciraaq wey ku diirsadeen xoriyadda asaasiga ee ay heleen Saddam ka
dib, laakiin mawjadaha dambiyada ee Baqdaad ku habsadey tan iyo markii
Saddam laga takhalusey ayaa reer Ciraaq aragagax ku haya. Gaar ahaan dumar
badan ayaa ka cabsada iney aqaladooda ka baxaan, waalidiintuna waxa ay u
ka xeeyaan caruurtooda oo ay ka cabsiqabaan in la afduubo.
Shaqo la'aan badan iyo sicirkii maciishada oo cirka isku shareerey ayaa
sii kordhiyey caalwaaga iyo qalbijabka dadka reer Ciraaq maanta haya.
Dr Mahmoud Osman oo ka mid ah Guddiga Cusub ee maamulka Ciraaq ayaa yidhi
"Muwaadiniinta dal kasta waxa ay u baahan yihiin saddex waxyaabood oo kala
ah: cunto, nabadgalyo iyo xoriyad, laakiin buu yidhi ma haysano nabad
galyo iyo cunto nagu filin."
Qaar badan oo reer Ciraq ah ayaa doonaya in awoodda deg deg dib loogu
celiyo gacanta Ciraaqiyiinta.
Waxa laga yaabaa in markii hore ay Ciraaqiyiintu ay ku faraxsanaayeen in
ciidamada Isbaheysigu ay dalkooda yimaaddeen, laakiin waxaa markii hore
loo arkey ciidamo iyaga xoraynaya ayaa haatan ay soo kordheysaa in dad
badan oo reer Ciraaq ah ay ku fasiraan inay yihiin ciidamo uu Mareykanku
hor mood u yahay oo dalkooda qabsadey. Top
Jilaagii
Caanka Ahaa “Commando” Oo Loo Doortay Badhasaabka Gobolka California |
California (W.wararka) Arnold Schwarzenegger
ma aha jilaagii ama aktarkii ugu horeeyey ee gobol California ka noqda
guddoomiye Gobol, waxa aad loo wada xasuusan yahay Ronald Reagan oo
Califorina iyo Aqalka Cadba soo maamuley.
Arnold Schwarzenegger sida Reagan oo kale Madaxweyne kama noqon karo
waddanka Mareykanka oo haddii xataa dadku ogolaan lahaa waxa reebeysa
shardiga ah in qofka Mareykanka Madaxweyninimadiisa u tartami karaa inuu
yahay qof dalka gudihiisa ku dhashey. Mr Schwarzenegger isagoo 19 jir ah
ayuu ka tagey Austraia uu ka mid ah dalalka yar yar ee Yurub, aabihiina
waxa uu ahaa nin ka tirsan booliska.
Waxa la rumeysan yahay in guushii uu ka gaadhey jilista aflaanta ay qeyb
ka ahayd isagoo jidh dhiskiisu hagaagsanaa una dhashey laxaad, dherer iyo
awood weyn oo muuqata, intii uu yaraana aad ugu dadaaley hawlaha la
xidhiidha jidh dhiska.
Magaca uu ka helay jilistii aflaanta ayaa dadka qaar ay ku doodayaan iney
u horseedey inuu haweysto oo waliba uu ku guuleysto guddoomiyanimada
gobolka ugu weyn dalka Mareykanka.
Maadaama aanu khibrad u lahayn siyaasadda, waxa dad badani ay odorosayaan
in Mr Schwarzenegger ayna u fududaan doonin la tacaalista hawsha iyo
maamulista California oo haddii ay waddan kaligeed taagan ahaan lahayd
dalka shanaad ee adduunka ugu dhaqaalaha weyn. Dareenkaasi dadku qabaa
waxa dhalinaya iyadoo ay haatan California soo foodsaartey hoos u dhac
dhaqaale oo weyni.
Hawsha iyo loolanka ugu horeeya ee Mr Schwarzenegger u taalaa waxa ay
tahay hoos u dahaca miisaaniyadeed ee gaadhaya siddeeda bilyan ee doolar
ee haatan heysata California. Taas oo 50% ay ku sii kordhi doonto haddii
uu Schwarzenegger ka dhabeeyo ballantii uu qaadey markii uu ku jirey
ololihii uu ku yimid xafiiska oo ay ka mid ahayd inuu masaxi doono saddex
jibaarista cashuurta baabuurta oo sanadkan la soo saarey.
Waxa kale uu Schwarzenegger ballanqaadey inuuna goyn doonin miisaaniyadda
waxbarashada, laakiin xisaabta waxbarashada inteeda badan waxa loo
qoondeeyey barnaamijyo gaar ah, taas oo Guddoomiyaha Gobol ee cusub
siineysa fursad yar oo uu wax ku kala dabaro. Top
IFTIINKA
ISLAAMKA: Qisadii Nebi Ismaaciil Iyo Abihii Nebi Ibraahim (CW) |
Siciid I. Guraase
Waxa aynu manta ee gaynaa Qisadii dhex martay Nabi Ibraahim iyi Inankiisii
Nabi Ismaaciil oo uu Illaahay ku amray inuu gawraco.
“Sababtii keentay in Nebi Ismaaciil CS la amro in la gawraco xaqiiqada
Illaahay baa garanaya, balse sida la sheegay Nebi Ibraahim CS ayaa
sadaqaystay 1.000 Neef oo Adhi ah, 300 oo lo'ah iyo 100 Neef oo Geel ah,
wuxuuna u baxiyay Illaahay dartii, dadkii ayaa la yaabay, markaa kadib
Nebi Ibraahim CS wuxuu yidhi "waxaan la baxay agtayda waxba kama aha,
balse Illaahay baan ku dhaartee haddii aan lahaan lahaa wiil Illaahay
dartii ayaan u bireyn lahaa, Illaahey ayaanan ugu dhawaan lahaa "markii uu
sidaas yidhi Nebi Ibraahim CS waqti badan ayaa laga joogay, kaddib
Illaahay ayuu weydiistay awlaad,(Caruur) Illahayna wuu ka aqbalay, waxaana
loogu bishaareeyey wiil, waxaana u dhashay Nebi Ismaaciil (CS). Nebi
Ismaaciil CS markuu weynaaday ee uu gaadhay dhowr sanno, ayuu Nebi
Ibraahim (CS) ku riyooday isagoo bireynaya wiilkiisa Ismaaciil CS, laguna
yidhi oofi nadarkaagii (dhaartaadii hadda ka hor). Markii waagu beriyey
ayuu ku fikiray tolow ma amar xaga Alle ka yimid baa riyadu, mise waa
shaydaan.
Galabtii ayuu haddana ku riyooday wuxuuna xaqiiqsaday in xagga Alle laga
amray, inuu bireeyo wiilkiisa Ismaaciil CS. Maxaa yeelay Riyada Nebiyadu
waa xaq, waxayna la mid tahay iyadoo loo waxyooday.
Nebi Ibraahim (CS) wuxuu ku yidhi, Haajara oo ahayd Nebi Ismaaciil
hooyadii "Wiilka dhar fiican u xidh meel baan tagayaaye "hooyo Haajara
Ismaaciil CS dhar fiican ayey ugu labistay wayna u subagtay, wayna u
feedhay. Nebi Ibraahim CS wuxuu qaatay xadhig iyo mindi, wayna is raaceen
isaga iyo Nebi Ismaaciil (CS).
Nebi Ismaaciil CS aabihii ayuu hor socday in la gawracayana muu ogeyn
isaga iyo hooyo Haajaraba.
Ibliis (shaydaan) ayaa damcay inuu ka faa'iidaysto, markaa buu Nebi
Ibraahim CS ku yidhi: "miyaanad arkayn ma wiilkan baa la qali karaa?"..Nebi
Ibraahim CS wuxuu yidhi: "Illahay ayaa i amray, waanan biraynayaa" Ibliis
markuu ka quustay Nebi Ibraahim CS ayuu u tagay Hooyo Haajara wuxuu yidhi
"halkan ayaad iska fadhidaa Ibraahiimna wuxuu doonayaa inuu bireeyo
wiilkaaga Ismaaciil ".Haajara waxay tidhi:
"iga daa beenta, xaggeed ku aragtay aabbe
Ilmihiisa biraynaya?" Ibliis wuxuu yidhi: "Sidaas
daraadeed ayuu u qaatay xadhig iyo mindi".Haajara waxay tidhi: "Maxaa
kalifay inuu bireeyo wiilkiisa Ismaaciil?"
Ibliis wuxuu yidhi: "Wuxuu sheeganayaa in Illaahay amray".Haajara waxay
tidhi: "Koley Baadil Illaahay amri maayo".Markii Ibliis Haajara ka quustay
ayuu u tagay wiilkii yaraa ee Nebi Ismaaciil ahaa,si uu u fidneeyo,
wuxuuna yidhi: Waad faraxsan tahay oo waad iska ciyaaraysaa; Aabbahaana
wuxuu kuu soo qaatay xadhig iyo mindi,wuxuuna doonayaa inuu ku bireeyo.
Ismaaciil wuxuu yidhi: "waar beenta iga daa, maxaa aabahey ii biraynayaa?"
Ibliis wuxuu yidhi:"wuxuu sheeganayaa in Illaahay amray inuu ku bireeyo.
Ismaaciil CS wuxuu yidhi: "waan maqlayaa waanan adeecayaa (yeelayaa)
amarka Illaahay".
Ibliis markuu doonay inuu hadal kale u celiyo ayaa Ismaaciil CS qaatay
dhagax, wuuna ku tuuray, wuxuuna kaga dhuftay isha bidix, Ibliis waa iska
tagay isagoo hoogay oo khasaaray.
Nebi Ibraahim (CS) iyo Ismaaciil markay gaadheen meel la yidhaah mina oo u
dhaw kacbada ayaa Nebi Ibraahim CS ku yidhi Ismaaciil "wiilkaygiiyoow
waxaan riyo ku arkay aniga oo ku biraynaya ee maxaa ra'yigaagu yahay?".
Ismaaciil wuxuu yidhi: Aabbahayow samee waxa Illaahay ku amrayo, waad i
heli doontaa haddii Alle idmo inaan ka mid ahay dadka wanwanaagsan.
Nebi Ibraahiim CS markii uu maqlay hadalkii
wiilkiisa Ismaaciil, wuxuu qiray(Ogaaday)in Illaahay uu ka ajiibay
ducadiisii hadda ka hor uu Illaahay ku baryay oo ahayd:(Rabbi hablii minal
salixiin)
Nebi Ibraahim CS Illaahay ayuu ku xamdiyay intaa kaddib nebi Ismaaciil CS
ayaa yidhi: Aabahayoow waxaan kuu dardaarmayaa dhowr arrimood:-
Markii aad i gawracayso iga xidh gacmaha si aanan kuu dhibin. Wajigayga
iska sii jeedi waxaa laga yaabaa inaad wajigayga eegto oo inaad iga naxdo,
oo aad ii naxriisato.Dharkaaga xaydo (kor u qaado) si aan dhiiggu kuugu
saydhmin, hooyadayna intay kugu aragto dhiigga ayna ku murugoon, anna
ajarku iiga nusqaamin.Afayso midida kuna dhakhso biraynta si ay iigu
fududaato sakaraatul mowdku, maxaa yeelay mawtku wuu adag yahay.
khamiiskayga u gee hooyadey ha igu xasuusatee.Aabbe hooyaday igu salaan,
waxaadna ku tidhaa ku samir amarka Illaahay.Aabbe hooyo ha u sheegin sida
aad ii biraysay, xadhiggii aad igu xidhay IWM. Aabbe hooyaday: yayna u soo
galin Ilmaha anigoo kale ah way i xusuusanaysaaye, markaas bay
murugoonaysaaye.
Aabbe haddii aad aragto wiil anigoo kale ah ha-eegin yaanad murugoone!
Nebi Ibraahim CS wuxuu yidhi: "wiilkaygiiyow waxaad iigu kaalmaysay
amarkii Illahay i faray inaan guto".
Nebi Ibraahim CS wuxuu guda galay inuu legdo (dhinaciisa dhulka dhigo)
wiilkiisii Ismaaciil CS si uu u bireeyo, wuuna legday, middidii ayuuna
kurka kaga kir-kiray intii awoodiisa ah, balse wuu awoodi waayey inuu ku
jaro middida qoorta wiilkiisii Ismaaciil CS.Malaa'igta Illahay markii ay
arkeen Ibraahim CS oo biraynaya wiilkiisii Ismaaciil CS waxay hoobteen
Sujuud ay ilaahay ku caabudayaan.
Illahay ayaa markaa ku yidhi: eega addoonkayga sida uu ugu kir-kirayo (marmarinayo)
middida qoorta wiilkiisa, isagoo doonaya raali ahaanshahayga doonaya).
Ismaaciil CS wuxuu yidhi: "Aabahayow ii sii daa gacmaha iyo lugaha oo iga
fur xadhiga, yaan la ii malaynin in la i khasbayo, oo aan diidanahay
amarka Illaahay, ina gawrac anoon gacmo xidhneyn.Nebi Ibraahim CS wuu ka
furay xadhgihii lugaha iyo gacmaha, mar labaad ayuuna middidii ku
kir-kiray, wiilka kurkiisa intii xooggiisa ah, markaas baa middidii afka
ka laabantay, waxna u goyn weyday.
Ismaaciil CS wuxuu ku yidhi Aabihii Ibraahim "Aabbo xoogaagii ayaa
daciifay jecaylka aad i jeceshahay awgeed, mana awoodid inaad i
birayso".Nebi Ibraahim CS middidii ayuu ku garaacay dhagax, markaas bay
dhagaxii laba u kala goysay, afka middidu leedahay awgeed.
Nebi Ibraahiim CS wuxuu yidhi: "middidani way kala goynaysaa dhagaxa,
hilibkana goyn meyso!
Nebi Ibraahim CS middidii ayaa la hadashay oo tidhi "Ibraahiimow waxaad i
leedahay wax goo, Illahayna wuxuu i leeyahay ha goyn, ee sideen amarkaaga
u yeelaa, Illahayna u caasiyaa?"
Intaas markii xaaladdu marayso ayaa Illaahay u dhawaaqay kuna yidhi
Aayadahan qur'aanka ah. “Illaahay wuxuu u keenay Wan wayn oo laga keenay
sida la sheegay jannada, waxaana lagu beddelay Nebi Ismaaciil CS.
Jibriil oo la socday wanka, ayaa yidhi:Allahu akbar, Allahu akbar,allahu
akbar. Nebi Ibraahiimna CS wuxuu yidhi:"laa ilaaha ilalaah wallahu akbar".
Nebi Ismaaciilna CS wuxuu yidhi: "Allahu akbar wallilaahil xamdu" Sidaas
daraadeed ayaa takbiirtan la qaadaa maalmaha ciidda Carafo, inagoo ku
dayanayna Nebi Ibraahim CS.
Nebi Ismaaciil CS waa awoowga kore ee uu ku abtirsado Rasuulkeenna
Muxammad NNKH.
Nebi Ismaaciil CS wuxuu ku soo barbaarey Makka Al-Mukarama. Nebi Ibraahim
CS wuxuu Nebi Ismaaciil CS Illahay siiyey isagoo 87 jir ah.Hooyaddii
Haajarana waxay ahayd addoon ay leedahay oo u shaqeysa xaaskii kale ee
Nebi Ibraahim markay waxba u dhali weyday ayey ku dartey Haajara halkaas
oo Illahay Nebi Ismaaciil ka beeray.Nebi ismaaciil walaalo waxaa la
dhashay wiil, wiilkaas oo ahaa Nebi Isxaaq CS. Nebi Ismaaciil CS wuxuu
Nebi Isxaaq ka weynaa 14 sanno.
Nebi ismaaciil (CS) wuxuu dhalay 12 wiil, dhammaantoodna waxay noqdeen
Awoowa-yaal lagu abtirsado, Nasabka Nebi Ismaaciil (CS) waxa ka soo jeeda
Carabta-Mustacribadda la yidhaahdo.
Nebi Ismaaciil wuxuu noolaa 137 sanno, wuxuuna ku dhintay Maka, oo uu ku
aasan yahay. Top
Siciid I. Guraase
Jimcuhu waa maalin fadli badan, waayo waa ciidda muslimiinta, waa maalin
ay muslimiintu ku kulmaan masaajidka iyagoo ka kala yimid meelo kala fog
si ay u dhagaystaan xuska Alle iyo wacdiga Imaamka. Qofka haddii aanu
dhageysan wacdi muddo dheer qalbigaa mirdha marka xigana ka awdma kheyrka.
Nabiga naxariis iyo nabad gelyo Eebe korkiisa ha yeelee wuxuu yidhi:
Ragga hadii aynaan ka joogin ka tegidda ay ka tegeyaan salaadaha
jimcayaasha Ilaahay ka dabooli doonaa quluubta, kadibna waxay noqonayaan
kuwo kheyrka dhinacmarsan. Jimcuhu waxa uu ka mid yahay xilliyada samadu
furan tahay oo hadduu addoonku ducaysto Ilaahay kor ahaaye ka aqbalayo
ducada.
Nabiga naxariis iyo nabad gelyo Eebe korkiisa ha yeelee wuxuu yidhi:
Maalin ay qorraxi usoo baxdo waxaa u kheyr badan maalinta jimcaha, waayo
waa maalintii la abuuray nabi Aadam, waana maalinta jannada la geliyay,
waana maalintii laga soo bixiyey, qiyaamuhuna dhici maayo maalin aan jimce
aheyn. Sidaa awgeed Alle kor ahaaye wuxuu inoo dardaarmay in loo degdego
salaadda jimcaha marka laysugu yeedho
Wuxuuna Alle yidhi: Kuwa Alle iyo xaqa rumeeyow marka la adimo salaadda
jimce u degdega xuska Alle kana taga wax kala iibsiga sidaasaana idiin
kheyr badan haddaad tihiin kuwo wax garanaya.”
Haddaba waxaa habboon in loo degdego jimcaha oo qofka muslimka ahi uu
maydho oo uu weysaysto, Nabigu naxariis iyo nabad gelyo Eebe korkiisa ha
yeelee wuxuu yidhi: Qof kasta oo muslim ah waxaa ku waajibay inuu maydho
maalinta jimcaha iyo inuu ku labisto dharkiisa kuwa ugu wanaagsan, iyo
inuu is cadriyo hadduu heli karo.
Maadaama jimcaha loogu talagalay in dadka la wacdiyo lana waaniyo waxaa
waajib ah in la dhageysto khudbada imaamka, mana banaana in la hadlo ama
la buuqo intey khudbadu socoto nabigu naxariis iyo nabad gelyo Eebe
korkiisa ha yeelee wuxuu yidhi: Jimcaha markuu Imaamka khudbadaynayo,
haddaad saxiibkaa ku tidhaahdo "aamus" hadalkaagu waa mid micno darro ah.
Hadduuse qof khaldamo oo uu hadlo ama buuqo waxaa waajib ah in laga aamuso
intey khudbadu socoto kadibna si xigmad leh loogu sheego. Top
ODHAAHDA
AKHRISTAHA: Saxaafadda Pakistan Maxay Ka Qortay Dilkii Annalena
Tonelli? |
Islamabad: Wergeyska ugu caansan waddanka
Pakistan ee maalinlaha ah kuna soo baxa luuqadda ingiriisiga ee la
yidhaahdo DAWN NEWS ayaa wuxuu far waaweyn ku daabacay maalintii
shallaytoole ahayd “A HUMAN RIGHT ITALIAN ACTIVIST SHOT KILLED IN
SOMALILAND” wergeyska oo sii faahfaahinaya wuxuu ka waramay sidii Annelini
loo dillay isaga oo warka ka soo xiganaya wakaaladda wararka ee Reuters,
wuxuu wergeysku faahfaahin ka bixiyey mansabkii ay haweenaydan talyaaniga
ahi ka qaadatay sidii loo taakulayn lahaa boqolaal qof oo ku noola
magaalada Boorama ee jamhuuriyadda Somaliland, wuxuu wergeysku soo qaatay
tacsi ay u dirayaan xafiiska qaxoontiga qaramada midoobay u qaabilsan
mandaqadda koonfur beri asia oo xafiiskiisu ugu weyni ku yaallo magaalada
Islamabad, wuxuuna wergeysku xusay sida shaqaalaha iyo madaxda xafiiska
haayadda qaramada midoobay u qaabilsan qaxoontiga (UNHCR) uga naxday
dilkaasi waxaanay ku tilmaameen mid argagaxisnimo ah, wergeyska oo sii
faah faahinaya warkasi wuxuu soo qaatay nabadda iyo xasiloonida ka jirta
Somaliland ee ay kaga duwantahay Somalia, iyo sidii ay xorriyadda
Jamhuriyadda Somaliland ula soo noqotay, wuxuu wergeysku ku soo gebo
gebeeyey qormadiisasi sida ay shacbiga Reer Somaliland uga xunyahiin
dilkaa loo geystay haweenaydaasi.
Waxaa soo akhriyey
Mohamed Abdi Hassan (Diridhaba)
Karachi, Pakistan. Top
Annalena Ha
Loogu Magac-Daro Gobolka Awdal |
Cali Ismaaciil Carab
Sida aynu wada ognahay waxaa dhowaan lagu dilay magaalada Boorama gabadh
Talyaaniya, gabadhaas oo ahayd gabadh caawisa dadka qaba cudurka Qaaxada.
Run ahaantii shaki kuma jiro in ay dadka reer Somaliland aad uga xumaadeen
taa waxa caddayn u ah xaaladda ama sida laga muujiyay dilkaa foosha xumaa.
Gabadhaa dilkeeda waxaa ka ka qoray dhammaan warbaahinta dunida inteeda
badan. Waxaa loo sameeyay aas Qaran oo ka dhacay dalka Talyaaniga oo ay u
dhalatay gabadhan oo da’deeda lagu sheegay 70 jir.
Waxa la caddaynayaa in aanay u qaban dalka Talyaaniga, waxa ay u qabatay
gobolka Awdal, taas oo ay caddeeyeen masuuliyiinta Awdal iyo
dadweynaheedaba.
Waxa kale oo la sheegay in loo bixiyay jidad ka mida magaalada Boorama
Annalena Tonelli.
Aan sii anba qaadee waxaa Baroor-diiq ballaadhan loo sameeyay gabadhaa aan
kor ku soo xusay baroor-diiqdaas oo ay ka qayb-galeen dadweyne, golayaasha
Qaranka, xisbiyada Qaranka, hay’adaha caalamiga ah. baroor-diiqdaas oo la
sheegay in ay muddo socon doonto, iyada oo la muujinayo sida aynu uga
xunnahay arrintaa dhacday.
Haddaba, sidaa awgeed waxaan ku talin lahaa in loogu magac darro gobolka
Awdal Mastar Annalena, si aanay tacab qasaar uu noqon baroor-diiqdii
xaawalaydu ama aynu ugu xasuusan lahayn waxqabadkii ay ka tagtay weliba
waa in aynu gudi uu magacownaa.
Isku soo dubrida sidii loogu barooran lahaa, loona axmi lahaa.
Cali Ismaaciil Carab, Hargeysa Top
|