|
Boqolaal Tahriibayaal Ah Oo
Ku Qaraqmay Xeebaha Liibiya Iyo Dareenka Cabsida Leh Ee
Dhalinyarada Reer Somaliland Ee Ku Qulqulaya Dalalka Waqooyiga
Afrika
Kulmiye oo cadeeyey
mawqifkiisa ku aadan muddo kordhinta ay Guurtidu u samaysay
Madaxweynaha iyo ku xigeenkiisa
Madaxweyne Obama Oo
Socdaalkiisii U Horeeyay Ku Tegay Qaaradda Yurub
Xukuumadda Madaxweyne
Rayaale Iyo Tirada 29 Ma Faal Baa U Qabtay
Koox Suxufiyiin Ah Oo
Dhamaystay Tababar Aqooneed Ku Saabsan Xalinta Khilaafaadka
Iyo Nabada
Sirdoonka Iyo Habka Uu U
Shaqeeyo
Safarkaygii Somaliland Iyo
Wixii Aan Ku Soo Arkay 2008-2009
Dhalinyaradu Marnaba Ma
Ogola Odayaal Korkooda Ku Legdama, Lumiyana Mustaqbalkooda
Dawladdu Xayaysiiska Caano
Boodhaha Iyo Maraq Digaaga Ha iska Dayso
Wadooyin Ay Iska Kaashadeen
Dawladda Hoose Iyo Dadka Ku Nool Degmada 26 June Oo Wasiirka
Daakhiligu Xadhiga Ka Jooyey
Roobabkii Xilliga Guga Oo Ka
Curtay Somaliland
Wakiiladda Oo Cod Aqlabiyad
Ah Ku Ansixiyey Miisaaniyadda 2009, Laba Bilood Oo Fasax Ahna
Galay
|
|
Ramadaanta Iyo
Faa’iidada Laga Helo Soonka
Bisha
Ramadaan waa bil qaali ah oo ahmiyad weyn ku fadhida,mudanna in laga
faa'iidaysto oo la Waana bil ay dadka islaamka ahi si wayn u dareemaan
oo mudo badan sugaan. Bisha Ramadaan waa bil qaali ah oo ahmiyad weyn ku
fadhida,mudanna in laga faa'iidaysto oo la kasbado kheyraadka iyo
barakooyinka ay wadato,taas oo ku xidhan dadaal iyo niyad wanaagsan,waa
bil khayr badan oo Shayaadiintu xidhxidhan tahay.
Bisha Ramadaan waa bisha 9aad ee bilaha Hijriga ah,waxana la
sharciyeeyey oo la waajib yeelay bishii Shacbaan ee Sannadkii Labaad ee
Hijriyada.
Bisha Ramadaan waa bil uu Illaahay subxaana watacaalaa,u doortay inay
ahaato bil loo soomo oo loo afxidhnaado Illaahay dartii,oo laga
dheeraado cuntada,cabbidda iyo shahwad iyo denbiga kale oo dhan. Soonku
waxa uu ka mid yahay cibaadooyinka Alle ku waajib yeelay dadka oo dhan.
Cibaadadu waa ta Alle subxaana watacaalaa inoo abuuray,oo Alle mooyee ma
jiro cid kale oo xaq lagu caabudaa:
Alle (SW) waxa uu quraanka inoogu sheegay oo yidhi Uma aan abuurin Jinka
iyo Insiga inay i caabudaan mooyaane wax kale, kama rabo risiq iyo inay
i quudiyaan,Illaahay ayaa Raasiq ah,oo leh quwad xoog leh. Cibaadadu waa
dhamaan wax Alla wixii qofka ka soo fula ee uu ku kaco ama sameeyo,ee
isugu jira waxa uu niyadda ka doono iyo waxa uu qowl ama hadal ahaan u
yidhaahdo,ama waxa uu hawl ahaan ama ficil ahaan u sameeyo ee ula
yimaaddo: Waxa kale oo Alle quraankiisa ku yidhi waxad tidhaahdaa(Nebi
Allow)salaaddayda iyo camalkayga dar Alleed,iyo noloshayda iyo
dhimashadayduba Alle ayay u sugan yihiin,oo wax shariig ah ma laha,
sidaas ayaana lay amray,waxanan ahay Muslimiinta ka ugu horreeya.
Cibaadada Alle innagu waajib yeelay waxa ka mid ah Soonka,waana Rugniga
4aad ee Arkaanta Islaamka,waxana qofku isu afxidhayaa dar Alle,oo
cuntada iyo cabbidda iyo sahwada ka soomayaa,sidoo kale isha iyo hadalka
xun ee aan wanaagsanayn. Aayad kale oo ka mid ah Baqara ayaa Alle waxa
uu ku yidhi Dadkii Alle iyo Nebigiisa rumeeyow waajib ayaa laydinkaga
yeelay Soonka sidii loogaga waajib yeelay kuwii idinka horreeyey,waxa la
arkaa inaad cabsataane.
waxa iyana sunne ah oo la soomaa 6da shawaalka,ee ah bisha ku xigta
bisha Ramadaan,oo ilaa bilowgeeda iyo dhamaadka bishaa shawaal aad ama
lixda maalmood isku xejin karto,ama kala googoyn kartid. Waxa Illaahay
subxaana watacaalaa raxmaddiisa kaga dhigay 30 kii casho ee Ramadaanta
in maalintiiba la mid tahay toban casho oo halkaa ay ku noqonayso in aad
soontay in le'eg 300 oo casho,haddaad 6da shawaal ku darto,maalintiiba
ay kuula mid tahay toban iyana waa 60 casho,markaad isu geyso waa adigoo
sannad soomay 360 maalmood,waa fadliga Alle iyo naxariistiisa uu
Addoomadiisa ugu nimceeyey. Qofku soonka waxa uu ku kasbadaa derejo iyo
ajar badan,oo khayrkiisa lama koobo: Aayad kale oo kamid ah Baqara ayaa
Alle waxa uu ku leeyahay: in aad soontaan ayaa idiin khayr badan haddaad
garanaysaan ood ogtihiin.
Illaahay subxaana watacaalaa wuxu kitaabkiisa kariinka ah ku sheegay oo
yidhi:Waajib ayaa laydinkaga yeelay Soonka sidii loogaga waajib yeelay
kuwii idinka horreeyey,waxa la arkaa inaad cabsataane. Cabsida Illaahay
waa mid koobsanaysa ficilka aad samaynayso iyo dareenkaaga hoose oo aad
ka dhigto saafi oo niyad wanaagsan iyo rajo fiican mar kasta ku jirto
camalkuna rumeeyo. LASOCO..
|