|
Home | Contact Us | Links | Archives |
|
ISSUE 2442 |
August 29,2010 Ramadan 18,1431H | |
|
Madaxweyne Obama Oo Socdaalkiisii U Horeeyay Ku Tegay Qaaradda Yurub Xukuumadda Madaxweyne Rayaale Iyo Tirada 29 Ma Faal Baa U Qabtay Koox Suxufiyiin Ah Oo Dhamaystay Tababar Aqooneed Ku Saabsan Xalinta Khilaafaadka Iyo Nabada Sirdoonka Iyo Habka Uu U Shaqeeyo
Safarkaygii Somaliland Iyo Wixii Aan Ku Soo Arkay 2008-2009 Dhalinyaradu Marnaba Ma Ogola Odayaal Korkooda Ku Legdama, Lumiyana Mustaqbalkooda Dawladdu Xayaysiiska Caano Boodhaha Iyo Maraq Digaaga Ha iska Dayso Wadooyin Ay Iska Kaashadeen Dawladda Hoose Iyo Dadka Ku Nool Degmada 26 June Oo Wasiirka Daakhiligu Xadhiga Ka Jooyey Roobabkii Xilliga Guga Oo Ka Curtay Somaliland Wakiiladda Oo Cod Aqlabiyad Ah Ku Ansixiyey Miisaaniyadda 2009, Laba Bilood Oo Fasax Ahna Galay
|
Madaxweyne Dhegaha Shacabka S/Land Saddex Ka Ilaali Ma Maqli Karaane Faallo: Wariyaha Haatuf Ee Boorama, Haashim Goth Mudane Madaxweyne waxaan ku xasuusin lahaa saddex Arimood in aad ka ilaaliso inay dhegaha shacabku ka maqlaan xukuumadaada, saddexdaa Arimood waxay yihiin Xidhiidhkii Ethoipia iyo Somaliland ayaa xumaaday, Khasnadii lacagi kuma jirto iyo Ictiraaf lama hayo, hadaba Mudane madaxweyne haddii aan tafsiir ka bixiyo waxyaabaha maalmahan iyo intii aad magacawday xukuumadaada ay qorayeen saxaafadaha dalka ka soo baxa waxay dhegaha shacabka maqashiiyeen saddexdaa arimood oo ah in xidhiidhkii Ethoipia xumaaday, in khasnadihii faaruqeen oo xawaaladd musharka laga qaatay iyo in Somaliweyn loo socdo oo Madaxweynihii Galmudug yimid Hargaysa, waxyaahabaas oo dhana dawladeenu midna kama hadal. Mudane Madaxweyne Xidhiidhka Ethoipia iyo Somaliland in mugdi kaa galay waxa cadaynaya adiga oo wakiilkii halkaas u magacaabay wiil aan lahayn Aqoon dublamaasiyeed oo hore sida saxaafadu qortay, sida aad ka warqabtana Ethoipia waa dalka keli ah ee Somaliland siiyay xidhiidh Dublamaasiyeed, waana dalka keli ah ee ogol inay inoo noqoto dariiqa aan u mari lahayn xidhiidhka Aduunweynaha, lamana halmaami karo xidhiidhka ganacsi ee Somaliland la leedahay, haddii ishaasi xidhantana waa gorayooy gabal kuu dhac, shacabka dhegahoodana ma maqli karaan xidhiidhkii Ethoipia aan lalahyn ayaa xumaaday, sababta oo ah waxa inaga dhexeeya danahaas faraha badan. Mida kale khudbadaadii ugu horaysay waxaad ku furtay khasnadihii oo faaruq ah ayaan u imid, Arintaasi waxay keentay in shaqaalihii dawladda laga joojiyo Amaahdii biilasha, waxaana halis lagu galay in la is boobo, xusuusta ku darso in maamulka ay ka mid tahay SIRTU, si kastaba ha ahaatee mushaharka laga qaatay xawaaladaha halkaasna dadka waxbaa uga baxay, ogow gurguurato waa lagu gurya gaadhaa, wixii gargaar Amaaheed ah waxa fiican in aad mariso nidaam dawladeed. Mudane Madaxweyne waxa kale oo aan ku xasuusinayaa weli xukuumadaada lagama maqal ka hadalka Ictiraafka, maalmahana waxa soo baxayay in xildhibaano ka soo qoostay Xukuumadii TFG qaarkood joogeen Xafladaadii qaarna dhawaan gobolka Awdal aad ku xidhay, halkaasina waxa ka bidhaamay Lafahana waan cunaa maraqana waa xaaraan. Madaxweyne waxaan kugula talinlahaa in aad dhegaha shacabka Somaliland ka ilaaliso saddexdaa arimood ee aan soo sheegnay, dhanka kalana in aad iska ilaaliso turaanturooyinka ay kuu dhiigayaan qaar ka mid masuuliyiinta aad magacawday, taas oo ay ugu wacan tahay Aqoon la’aan dhinaca maamulka ah oo aanay hore u soo marin iyo waayo aragnimo la’aan haysata, dib u eeg qolyaha aad magacawday min heer Wasiir, Gobol iyo ha’yadeed durba talaabooyinka ay qaadeen mudadaas, yaanay shacabka nacaybsho kuu gelin. |