|
Home | Contact Us | Links | Archives |
|
ISSUE 2454 |
September 12, 2010 Shuwal 03,1431H | |
|
Madaxweyne Obama Oo Socdaalkiisii U Horeeyay Ku Tegay Qaaradda Yurub Xukuumadda Madaxweyne Rayaale Iyo Tirada 29 Ma Faal Baa U Qabtay Koox Suxufiyiin Ah Oo Dhamaystay Tababar Aqooneed Ku Saabsan Xalinta Khilaafaadka Iyo Nabada Sirdoonka Iyo Habka Uu U Shaqeeyo
Safarkaygii Somaliland Iyo Wixii Aan Ku Soo Arkay 2008-2009 Dhalinyaradu Marnaba Ma Ogola Odayaal Korkooda Ku Legdama, Lumiyana Mustaqbalkooda Dawladdu Xayaysiiska Caano Boodhaha Iyo Maraq Digaaga Ha iska Dayso Wadooyin Ay Iska Kaashadeen Dawladda Hoose Iyo Dadka Ku Nool Degmada 26 June Oo Wasiirka Daakhiligu Xadhiga Ka Jooyey Roobabkii Xilliga Guga Oo Ka Curtay Somaliland Wakiiladda Oo Cod Aqlabiyad Ah Ku Ansixiyey Miisaaniyadda 2009, Laba Bilood Oo Fasax Ahna Galay
|
Xukuumadii Hore Waxay Qaaday Talaabo Aanay Wali Dawlad Afrikaan Ahi Qaadin Sucaad Maxamed Baribaa waxaa la yidhi nin ayaa marti u timi martidii baa magaciisa waydiisay markaas buu yidhi magacaygu waa Looge, markaasay martidii magaciisii la yaabtey, waxaan uga gol leeyahay Hadal uu Wasiirka Maaliyadu Maxamed Xaashi Cilmi soo jeediyey oo uu ku sheegay in uu mudo aad u kooban ku soo xareeyey qasnada dawlada 45 Malyan oo Sh/Somaliland ah, sida la wada ogyahayna aad lacag amaahatey, miyaanay ahayn musharooyinkan iyo lacagtan aad sheegtey iyo musharooyinkan aad shaqaalaha dawlada siisay lacagtaas dayn ah ee aad soo amaahatey, waxaana taa u marag ah musha-haarooyinkii shaqaalaha dawlada in aad doolar ku bixisay hadaba su’aasha meesha taalaa waxaa weeye lacagtaa ka soo baxda cashuuraha ma doolar baa mise waa somaliland shiligs? Jawaabta waxaan u dhaafayaa Wasiirka Maaliyada Maxamed Xaashi Cilmi. Wasiirka Maaliyada Eng. Maxamed Xaashi waxaan leeyahay mar labaad waa in aad oofisaa balamihii iyo lacagihii aad sheegi jirtey in la lunsado, waxaana run ah hadii la waayo taas in ay fashilmayso dawlada aad wasiirul Maaliyaha u tahay. waxaanu Jecelnahay in aan eray nidhaa wasiiradii dhawaan safka u soo galay cayda iyo dhaleecaynta madaxdii Xukuumadii hore, todobadii wasiir ee shirka jaraa’id ku qabtey wasaarada warfaafintu waxaan leeyahay xili la faano lama joogo, ragana sidiisaba faanku wuu diciifiyaa (Nin is faanshay waa ri is nuugtay), waxaan u soo jeedin lahaa oo aan odhan lahaa “suga in ta shicibku idin qiimaynayo”. Hadii aan u soo noqdo u jeedada maqaalkaygan oo aan ugu caqli celinayno gabadh magaceeda ku sheegtay ifraax Jamaal, maqaal ay ku qortay wargayska saxafi tirsigiisa 110 ee soo baxay sabtidii 11 siptember oo ay ku aflagaadaysay qaar ka mid ah madaxdii hore, waxaan gabadhaas odhan lahaa oo aan aniga oo waliba aan ugu caqli celin lahaa, Madaxda kuwii hore iyo kuwan haduba waxa ay u ordayaan oo ay u shaqaynayaan waa ummada, Madaxdaas hore ee aad canbaaraysayna waa kuwii ina soo gaadhsiiyey halka aynu maanta joogno, markii doorashadii laga heleyna waa kuwii sida quruxda badan ee aan wali Afrika ka dhicin xilkii ay ummada u hayeen u wareejiyey, manay haboonayn in aad wax xun u quudho, Madaxda maantana wali waxa ay galaan iyo waxa ya gudaan lama kala ogaan, iyagana waxa aynu u daynaynaa wakhtiga iyo waxa ay la yimaadaan. Ugu danbayn waxaan u soo jeedinayaa Gabadhaas magaceeda aanu kor ku soo xusnay oo aan kula talinayaa in aad waligaa hadii aan inan tahay aanad caadaysan cayda iyo cambaaraynta Madaxda qaranka, waayo waxa dhici karta madaxdan aad maanta u haysato in ay yihiin kuwo aan waxba khaldin in aad bari waji kale ku aragto, waayo siyaasadu saaxiibtinimo joogta ah malaha ee dano joogta ah ayey leedahay, bal yeynaan arkin uu waxbadan xukuumadeena hadu balan qaaday oo ay samayn wayday. Arintan kale ee aan rabo in aan ka hadlo waa Masuuliyiinta aad tidhi Maxkamad ha la saaro, taasna waxaan kaa odhan lahaa, hadii cid maxkamad la saaraayo waxaa la saarayaa dadka dhaameelka loo soo siiyey cayda madaxda Udub ilaahay hortiisana la iman doona in hanti laga lun saday ummada taariikhdaana markhaati furi doonta, waxaanan aaminsanahay in taariikhdu xusi doonto Madaxwaynihii hore ee Somaliland Md Daahir Rayaale Kaahin iyo Wasiirkii hore ee Maaliyada Xuseen Cali Ducaale (Cawil). kacayaan baalka dahab Shacbiga Nabada Jecel ee Reer Somaliland-na waxaan u soo jeedinayaa in ay iska ilaaliyaan dadka danaha gaarka ah leh ee warka fidmada abuurayaa ee dawladii hore iyo tan maanta cusuba ku saabsan ka hadlaya. Sucaad Maxamed iyo Xabsa Cabdi |