|
Home | Contact Us | Links | Archives |
| ISSUE 2063 | June 11, 2009 jamaadul Thani 17,1430H | |
|
Madaxweyne Obama Oo Socdaalkiisii U Horeeyay Ku Tegay Qaaradda Yurub Xukuumadda Madaxweyne Rayaale Iyo Tirada 29 Ma Faal Baa U Qabtay Koox Suxufiyiin Ah Oo Dhamaystay Tababar Aqooneed Ku Saabsan Xalinta Khilaafaadka Iyo Nabada Sirdoonka Iyo Habka Uu U Shaqeeyo
Safarkaygii Somaliland Iyo Wixii Aan Ku Soo Arkay 2008-2009 Dhalinyaradu Marnaba Ma Ogola Odayaal Korkooda Ku Legdama, Lumiyana Mustaqbalkooda Dawladdu Xayaysiiska Caano Boodhaha Iyo Maraq Digaaga Ha iska Dayso Wadooyin Ay Iska Kaashadeen Dawladda Hoose Iyo Dadka Ku Nool Degmada 26 June Oo Wasiirka Daakhiligu Xadhiga Ka Jooyey Roobabkii Xilliga Guga Oo Ka Curtay Somaliland Wakiiladda Oo Cod Aqlabiyad Ah Ku Ansixiyey Miisaaniyadda 2009, Laba Bilood Oo Fasax Ahna Galay
|
Yaqiinsi – Gabay Gabaygan oo la magac baxay Yaqiinsi, wuxuu soo baxay 09.01.2009, maalmihii ay ugu darnayd ee Yuhuudu xasuuqa ka waday QASA ee aduunka oo dhami daawanayey sida loo xasuuqayo Falastiiniyiinta dhimashadu waxay ku dhawayd ilaa 2000 ( laba Kun) dhaawacunu wuxuu kor u dhaafay ilaa 5000 ( shan kun) Gaal iyo Islaam cid u gurmata ama ka daaya tidhaana may jirin, haday jirtayna way yarayd. Waxaa kale oo gabaygu ka hadlayaa 2) Diiwaan galintii Somaliland oo dhamaatay, Guusha iyo horumarka ay Somaliland gaadhay. Waxaan ku hal qabsanayaa nin aanu saaxiib nahay la yidhaahdo Maxamuud (Halwad) oo ka mida Fanaaniinta Dhalinyarada ah oo degan magaalada Coventry ee cariga Ingiriiska. Wuxuu yidhi Ya’ley gabay Hal-wadow baryahan, uma yaloosnayne Markii yaab aftahaniyo murtida, Yeekaba loo waayey
Ay Yurub ku ayn faadaybaan, jaray yadhoohdeede
Mar hadaadse Yuusufow I tidhood, yuugtay arartiisa Waa lagu yad-sooraa nin ragga, Yaanka maansada Yufadiisa qabo caawaan marin, ku aad la yaabtaaye
Halwadow Yahuud iyo Kufraa, yuuqay dunidiiye Rag nimaan yaqiintooda marin, way ya’kulayaane Yaanbaday ku gooyaan ninkaan, yeelin amarkoode Hadba kay yu’daanbay Iskaat, yoow-le ku ridaane
Yaacaha sayruukhiyo Af-gaan, yaadh-kufraa jaraye Soomaalaa Yiciis iyo Amxaar, Yuubku cunayaaye Yeman iyo Sudaanbaa walaal, Yuufle loo diraye
Sidii loo yakeeyey Jeejniya, yuus kamaad maqale Yoobsantii Carbeed waa horey, yarad u qaateene Ciraaqbay yamleysada u wadheen, yacay ha waayaane
Inta Yeeg la qalay Falastiin, waad yax-yaxaysaaye
Yur hadaanad weeraha ku odhan, wuu ku yudhayaaye Iyagoo Yamiinkii walaalkood, yatiinkiis la laynaayo Ayuunbaa sidii yaabsan dumar, ay yulqamayaane Ragna yicibta waxaa nooga dhigay, waa yag-yaaglaha e
Jeeray Yacquub dooratiyo geesi, Yeeka taliyeena Jeeray yaboohsigiyo baryada, yuugsiga ka faanto Jeeray yamiiniyo noqdaan jidh-qudha, yeda bidixeed
Jeeray yaanbada qaadatoo, yaabista wadaagto Yaw sheekha, Yaahuu la tolay, Yaxaas iyo Gaade Iimaan-yuugiyo jeeray dilaan, gaalku nimuu yeeshay Yudh-yudhkaasi uunbay ku jiri, yuus iyo baroore
Yixda Burco, yaalaha Sanaag, Yaroowiyo Sheekh Yabantii Laas-caaniyo Caynaba, yiilka Ceerigaabo Yoocada Laas-dhuuriyo Dhubato, yaaqa Bula-xaar Yarka Saylac, yoocada Berbera, yaabislaha Maakhir
Yalacleydii Boorame ilaa Dila, Yeel-cuna dusheeda Yoom-laha Wajaaliyo Gabiley, yuururada Deeble Yurubtii Hargeysiyo Xareed, Sheekha Cumar Yuusuf Yed-sanbaa diwaan loo gashoo, yaalka lagu duugye
Kol hadii yariyo kii fara lahaa, lays yaqiinsaday
Yaacdada taariikhdiyo ku duug, year-laha suugaanta.
Aar9923@hotmail.com |